@@@ عادي ... طاح الحطب وحلوه الحياه @@@

المشهد الاول

وحدة مزيونة .. و حبيبة
بس تخون !!
شتسوي بجمالها ؟؟
بياخذها الزمان و تبقى عيوز
عادي .. طاح الحطب .. و حلوة الحياة

المشهد الثاني

ملتزم .. يصلي كل الفروض
و اذا تعب .. فوت صلاة الفجر
واذا شبع راحت صلاة العصر
و عنده دش (ستلايت).. و جذب
و اذا صحى الصبح .. مشط اللحية
عادي .. طاح الحطب .. و حلوة الحياة

المشهد الثالث

غني و ظالم
يطرد المساكين .. و يستغل الضعوف
مغرور و فاسق .. و مجلسه عامر
كلٍمن يبهر له ..
و مع ذلك يجمع حسنات .. من كثر اللي يسبونه
عادي .. طاح الحطب .. و حلوة الحياة

المشهد الرابع

يكد يدرس و يشتغل
عشان يبني مستقبله
تزوج وياب عيال .. تقاعد
صار يسكن في مكان .. و أم عياله في مكان
والسبب العيال
صار دار المسنين بيتهم
عادي .. طاح الحطب .. و حلوة الحياة

المشهد الخامس

تغازل و تاخذ ارقام
و تطلع مع هذا .. و تواعد هذاك
و يوم طاح الفاس في الرأس
بكت .. و راحت تشكي لامها غدر الزمان
طبطبت عليها امها وقالت:
ولا يهمك .. سفرة ل؟ .. وشوية سيولة
و ترجعين بنت !!
عادي .. طاح الحطب .. و حلوة الحياة

المشهد السادس

مرفوع الكفن أبيض
وصاحبه وسط البياض
بعضهم يبكي .. و بعضهم عادي
دفنوه .. و تبكبكوا شوي
و اخر الليل سكارى !!
عادي .. طاح الحطب .. و حلوة الحياة

المشهد السابع

سيارة مسرعة .. و تدعس لها واحد
مسكين هندي .. و العسكري صديق الطايش
والخطا نصه على الهندي
والباقي على أبو الطايش
و في الليل .. الطايش يلعب بلوت !!
عادي .. طاح الحطب .. و حلوة الحياة

المشهد الثامن

بطل ماي
ما يضره .. طايح في السيارة
يطالعه بغضب .. زعلان منه
و يفتح الدريشة .. و القى في بوسط الطريج
واذاتيمع مع الشباب قال: متى بنتحضر؟؟
عادي .. طاح الحطب .. و حلوة الحياة

المشهد التاسع

اهم شي الثوب نظيف .. و الشماغ مكوي
و القلم ماركة .. والساعة تضوي
و الجزمة جلد .. والسيارة عجب
و تلفونه ما يسكت
إما بنات .. أو البنوك تبي فلوسها !!
عادي .. طاح الحطب .. و حلوة الحياة

المشهد العاشر

سطحية .. و مغرورة
غبية .. و متكبرة .. و يا ريتها حلوة
تبي زوج مواصفات
ما يقول لا .. ويكره الاستراحات
لازم وسيم .. و انيق .. و متعلم .. و دخله ممتاز
و يحب السفر
و بعد سنين .. تلاقي نفسها في الانترنت
تدور واحد يقبل بها !!
عادي .. طاح الحطب .. و حلوة الحياة

المشهد الأخير

الكذب اثم .. ومع ذلك نستخدمه
و ندري ان هذا حرام .. و مع ذلك نجربه
نتذكر السهرة و الفرح و السفر
و ننسى الجالسين على كتوفنا
و نتناسى ان معهم كتاب يسجل افعالنا و نياتنا
كل شي محسوب .. حتى النظر
نسينا ان ورانا يوم .. علاماته قربت
ومع ذلك كلنا ناسين
أن بقيت على حالك تتناسى .. لازم تعرف
إن ذاك اليوم مو عادي !!
وانت الحطب ... و ما به حياة !!

تسلمييين ع الطررح..^^

تقبلي مرووري..