نبغي نموت ف بعض مـــادام مـــا مـــتـــنـــا

يسلمو و نتريه يديدج
تقبلي مرووري

(( يعني جد مره رمسوو بعض على ايام الدراسه ))


---------------------------------------------------------------




هني تكملة المكالمه >>>>>>>>>


حمدوه : والله ^__^ ؟
فطيم : هيه والله حليله يقول انه بيسافر الاسبوع الياي
حمدوه : زين زين والله وين ان شاء الله ؟
فطيم : لندن .. بيغير جو ع قولته
حمدوه : الا حق المنكر هيهيهيهي
فطيم : ههههههه بخبره بخبره
حمدوه : ايييه لا لا اسولف
فطيم : على فكره سأل عنج 
حمده : !!!!! , سأل عني ؟
فطيم : هيه والله وقاليه اسلم عليييج وايييييييد واييييييد
حمدوه : حليييييييييييييييييييله والله , الله يسلمه
فطيم : هاااا ... حلييله ؟..
حمدوه : ههههههههههه هيه حليله
فطيم : هههه هيه احم احم
حمدوه : بلاج ؟
فطيم : لا لا ماشي بس >> حلييييييييييله
حمدوه : هههه والله انتي هب صاحيه ... انا قلت حليله ماقلت فديته
فطيم : هـــــــا ؟ هههههههههههههه والله بخبررررررره
حمدوه : اويه !! صدق انج غبيه
فطيم : هههههههههههههه .. انزين ماخبرتج عن الحلم
حمدوه : هيه صح ... شو حلمتي ؟
فطيم : امممم لامابقولج اول شي بخبر محمد عقب بخبرج
حمدوه : محمد شله فالحلم ؟
فطيم : الحلم عنج وعن محمد ... بس انا طرشتله مسج وقلتله اني حلمته وحلمتج بس مارد عليه
حمدوه : والله ؟؟؟؟ قولي قولي >>> تستهبل على فطيم اوونها مهتمه
فطيم : هااا ؟ هاااا ؟ هههههه ويت شو رايج اشبك وياه واخبركم ويا بعض ؟
حمدوه : اييه لا لااستحي والله
فطيم : طـاعوو الويه انتي استحي قالت ... ويت ويت , واتحول الخط

حمدوه قلبها يدق >> ليش ماادري

ردت فطيم : الووو
حمدوه : صاااخه
فطيم : الووو حمدوووه ؟
حمدوه : ماترد
فطيم : يالهرررمه رمسي .. والله مارد عليه
حمدوه : ههههههههههههههههههههههههه محد هرم غير ريلج زيغتينيه
فطيم : ههههههه ايييه كله ولا ريليه ... زيغتج ؟ هااا !!!
حمدوه : ههههههه انطبي

شويه الا يرن خط فطيم الثاني ( محمد ع الخط )

فطيم : هذوو اتصل , سكتي مابخبره انج ع الخط حطيه ع الـ MUTE
حمدوه : ههههه اوكي اوكي

وتشبكك فطيم الخطوط ..

فطيم : الووو
محمد : مرحبــااااااا
فطيم : مرحبـا مليوون ولا سدن
محمد : الززبده لو سمحتي خبرينه شوو الحلم ؟
فطيم : لا والله ؟ ولو ماخبرتك ؟
محمد : هههههههه يالله عااد لا تستوين نحسه
فطيم : انا خبرت حمدوه بالحلم وقالتليه مااخبرك
محمد : آه ,, حمده ؟ لا تيبين طاري هالاسم يفز قلبي فـــــــز يوم اذكر اصوتها
فطيم : ههههههههههههههههههههههههههههههههههههههههه

وحمدوه ميييييته من الضحك ع الخط ...


فطيم : محمد عيب لا تقول جي البنت تسمعك
محمد : جـــذابه ؟ هيه عدالج ؟؟؟؟؟؟؟؟؟؟؟؟؟؟
فطيم : ههههه لا
محمد : فطييييم عااااااااد قوليليه الصدق ؟
فطيم : ولا الله هب عداليه ... بس اسجلها المكالمه ههههههههههههههه
محمد : والله ؟ عيل سجلي هالكلام وياج ... حمدووه حبيــــــــتج
فطيم : ههههههههههههههههههههههههههه والله العظيم انها تسمعك
محمد : ههههههه اوكي << يتحراها تتمصخر , انزين خبرينه عن الحلم .. حلو ولا هب حلو ؟
فطيم : حلوووو وايد وايد حلووو .... حلمت انك عرست وخذت حمدوه
محمد : والله ؟؟؟ ... مني المال ومنها العيال ان شاء الله , يالله اتصليبها عسب اتزهب عمرها بمر عيها بنسير نتغدى ..
فطيم : هههههههههههههههههههههههههه .. وليش اقولها تراها تسمعك هي
محمد : مااصدقج خريطه انتي ..
فطيم : خريطه ؟؟؟؟؟؟؟ ... حمدوه ؟

حمدوه صــــــــــــــــــــاخه

فطيم : حمــدوووه رمسي ابا ابين لـهالـ هرم انتي هب خريطه
محمد : ههههههههههههههههههههه .
فطيم : ويت ويت

واتحول الخط

فطيم : حمدوه يالحماره رمســـــــي
حمدوه : هههههههههههههههههههههههههههههههههههههههههههههههههه مااقدر مااقدر اسمحيليه
فطيم : حمدوه والله ترمسين حلفت عليج
حمدوه : لا والله استحي !!!!
فطيم : وغلاتيه عندج ياحمدوه
حمدوه : لاااااااااااااااااااااااااا .. والله استحي لا تحلفيييييييين ..
فطيم : والله بحول واذا مارمستي بزعل

واتحول الخط واترد تشبك

فطيم : الــووو ..
محمد : هلا
فطيم : جب انته
محمد : ههههه , افاااا .... انزين وينها حمدوه ؟
فطيم : حمدوه رمسي ...
حمده : احم .. السلام عليكم ؟؟
محمد : اوووه ههههههه وعليكم السلام والرحمه .. هلا بحمده هلا ... من متى وانتي ع الخط ؟
حمده : ههههههه انا ؟ تونيه هههه
محمد : هيه وانا اقوووول بعد
فطيم : عن الخــرط حمدووه ... والله اتقولين الصدق ؟؟
حمدوه : ههههههههههههههههههههههههه من بدايه المكالمه
محمد : ههههههههههههههه شت .. يعني سمعتي كل شي
حمدوه : ههههههههههههههههههههههههههههههههههه لا مب كل شي هههههههههههههههه
محمد وفطيم : ههههههههههههههههههههههههههههههه

شويه الا حد يدق باب حجرة حمدوه >> ارتبكت
الا يظهر خلوووف يبا بطاريه حـق الـ gameboy وحاااشر الدنيااااا

حمدوه : لحظه لحظه .. محمد صخ لاترمس

وسارت تطالع اتسكته

محمد : اخ .. قلبي .... صوتها عذابـ
فطيم : ههههه استح على ويهك يالهرررم
محمد : هههههههه تراج وايد مستويه قليلة ادب هاليومين


وترد حمدوه

وهي اتصاصرهم : الووووو
محمد : هلا والله هلا
فطيم : ههههههههه محمد عن قلة الادب
محمد : فطيييم شووو فيج ؟ خليني ارمس البنت شوي
فطيم : رمسها انزين
محمد : ههه اوكي .. حمده .. خبرتج فطيم عن الحلم ؟
حمده : هههههههههههههههههه ها ؟
محمد : من قال هاا سمع هههه
حمده : هيه سمعتها وهي اتخبرك
محمد : هههههه هيه صح نسيت
حمده : هههههههههههههه خبله
محمد : عفـواً ؟
حمده : ههههههههههههههه ماشي
محمد : شكرا حمده ...
حمده : اويه حموووووود والله اسووولف وياااااك
محمد : هااا ؟؟؟ ماسمعت شو قلتي ؟؟؟ عيدي عيدي ؟
حمده : هههههههههههههه ماشي
فطيم : انزين وبعدين ؟
محمد : اوه انتي مارقدتي ؟
حمده : هههههههه
فطيم : يالله انا بسكر .. ريليه بيي عقب شوي
محمد : فطيم عااااد .. لاتستوين نحسه جي .. خليني ارمس حمدوه شوي
حمده : اويه حرام برايج سيري
محمد : انزين ودري الفون وخلينا انسولف
فطيم : تتمصخر ؟
محمد : هههههههه لا ارمس جد اذا ماعندج مانع
فطيم : راسيه يعورنيه ... يالله فديتكم صدق والله بسكر اوكي واسمحوليه ..
حمدوه : مسموووحه فديتج ... يالله عيل فأمان الله ...
محمد : ويت ويت ويت ..
فطيم : ها حمود ؟
محمد : فطيم ابا ارمسج شوي ..

حمدوه قفطـــة > ليش ماادري ..

حمدوه : اوييه خلاص برايكم
محمد: لا لا والله مااقصد شي
حمدوه : انزين خلاص بسكر .. يلا مع السلامه
فطيم : زين جي ؟ زعلت البنت ؟
محمد : حمدوه فديتج والله << والله مااقصد شي لا ارادي ظهرت منه كلمة (فديتج )

حمدوه قفـــــــــــــــــــــــــــــــــطـت

فطيم : ههههههههههههههههههههه اتخيل شكل حمدوه
حمدوه : هههههههه جب جب انزين وهيه ميته من القفطه
محمد : ههههههههههههههههههههههههههههههههههه
حمدوه : خلاص عيل برايكم
محمد : اتحملي على عمرج حمده
حمدوه : يوو توو ^_____^
محمد : من عيونيه ..
فطيم :و بعد ؟ قولها احبج مره وحده عاد انته قب عادي عندك
محمد : هههههههههههههههههههههههههههه والله انج حيوانه
حمدوه : هههههههههه هيه
فطيم : لاو الله ؟؟؟؟ اتوالفتـوو اجوووف ؟ هههه
ويضحكوون كلهم
محمد : يعل هالضحكه ماتفارقكم ياربي ... صدق والله بتوله ع سوالفكم
حمدوه : اووه صح قالولي بتسافر ..
محمد : هيه ان شاء الله .. اذا شي فخاطرج قولي ؟
حمدوه : اويه هههه لا سلامتك ^__^
فطيم : اقول شو رايكم تتصلون فبعض واتسولفون والله احسن خلونيه اسير اجوف ريليه وين
محمد : اووه انا ماعندي مانع هههههه
حمدوه : بس انا عندي مانع هههههههههههه
محمد : هههههه وليش عندج مانع وماعندج محمد ؟ خخخخ
فطيم : اوووهووو حمود عاد اذا اتسخف منو بيسكته
محمد : هههههههههههههه الله يسامحج
حمدوه : هههههههههههههههههههههههههههههههههههههههه ... خلاص عيل برايكم
فطيم : اوكي فديتج ^__^ بكلمج ان شا ءالله باجر
محمد : فداعة الله حمده ... وهالله هالله بعمرج ها
حمدوه : فداعة الكريم ... لا توصي حريص ..


وتسكر حمدوه ... واتحس انها مستاااااااااااااانسه , وتسير تتصل فعفـاري واتخبرها السالفه ... وتمر اسبوع ع سفرة محمد ويرد من السفر

9a7 enkom mb mtfa3leen bass yallah

البارت الـ 2




وعقـب ماخبرت عفاري بالسالفة رقدت حمده ... ونشت اليوم الثاني ع الساعه 2 ونص الظهر
الا يدتها فبيتهم ...


طبعـا كالعاده سيف مايتغدى وياهم وسعيد يكون امواصل طول الليل ع النت والظهر راقد واللي يتغدون هم حمده وشمه والام والابو وخليفه واليده...


المكان : فالغرفة الطعام ...


خلووف محتشر : مااباااااااا سمج مااحب السمج شووو ها يوعاان انا امييييه

ام سيف وهي امعصبه : خلوووووووف وبعدين وياك :@ .. صدعتنا ,, راني
سوي بطاط حق خلووف ..
خلوف : مابا مابا بطاط ابا ماكدونلز
بوسيف : خلوووف لو ماسكت بنش اضربك تراني :@
نش خلوووف وعيونه اتغرغر وظهر من حجرة الطعام ...
ويالسين ياكلون كلهم ويسولفون
اليده اتقول لحمده : هااا حبيبتيه شخبارج ؟ ليش ماقمتي اتينا البيت
حمده : ههههههه يتديه ها ابويه مايخليني هههههههه ( تتمصخر )
بو سيف : يطالعها وفخاطره يفلعها بالصحن انا مااخليج ها
حمده : هههههههههههههههههه
اليده : لا اميه ابوج عادي عنده الا انتي مادري شو ياينج كبر راسج
حمده : لالا افا عليج جان تبينيه ايي وياج الحينه تراني حاظره بس رمسي الراس العود
اليده : اتسوين خير بنيتيه محد ويايه فالبيت وخالتج امسافره وخوالج داوامات
حمده : ماعندي مانع يدتيه , ابويه انا بسير وياها وببات يومين عندها
بوسيف : برايج ..
ام سيف : هيه وخذي خلوف بتسوين خير
اليده : خله ايي بيونسني
حمده : لالالالالا مب لازم ايي
ام سيف : ليش حرام شلووه مسكين ملان
اليده : حمده برايه خله ايي
حمده : يدتيه منو بيداريه هناك , وانتي روحج محتايه عنايه
بو سيف : صدقها حمده وين اطرشينه هو ويانا و مب رايمين عليه ..
شمه : هيه صح ابويه عمي راشد اتصل وقال انه يباك ضروري
بو سيف : خير ان شاء الله ؟ ماقال شو يبا ؟
شمه : لا والله ماقال ...

وعقب ماخلصو بوسيف يبدل ويسير بيت اخوه راشد , حمده اتسير اتجهز ثيابها لانها بتسير بيت يدتها
وشمه تاخذلها غفوه .. وحمده وهي اتجهز ثايبها ادور شنطتها البنيه مالقتها
قالت اكيد عن شمه سارت دقت باب حجرتها ودشت

حمده : شموووه ؟؟ شنطتيه البنيه عندج ؟
شمه وهي مغيضه : اففففففف كم من مره قايلتلج لاتدخلين الحجره وانا راقده
حمده : انزين مستعيله بسير مالقيتها قلت اكيد عندج !
شمه : مب عندييييي .. طلعيييييي بررررررررررررررع وسكري الباب
حمده : حشى !! مايسوى علينا ... وهي طالعه تتحرطم الاسلوب الخايس يتم خايس

ظهرت وهي مغيضه فحياتها مرمستها وردت عليها بالزين نزلت تحت ونزلت الاغراض
وركبو السياره هي ويدتها ...

حمده : يدتيه اشحال خالي عمر ؟ مااتصل ؟ (( عمر خالها يدرس برع البلاد ))
اليده : هيه فدييته وليدي اتصل البارحه يسلم ويتخبر عنكم واحد واحد ويقول انه بينا اسبوع ع الشهر الياي بإذن الله ...
حمده : والله ؟؟؟ زين زين ... ماقالج انه عرس ؟ خخخخ
اليده : لا بسم الله عليه لاتقولين جي وليدي بياخذ بنت بلاده
حمده : ههههه يدتيه يقص عليييج امعرس ماخذ اجنبيه
اليده : لا تقولين جي اقولج وليدي واعرفه مايسويها
حمده : كيفج .. حتى قالي عنده ولد امسمنه جون هههههههههههه
اليده : جن الله ابليس العدوو قولي امين
حمده : هههههههههههههه اسولف وياج وتلوي ع يدتها واتبوس راسها


وهم فالطريج يوصلها مسج من فطيم ربيعتها

(( امممم حمدوووه مااعرف كيف اقولج بس لازم اوصل الرمسه لانه حلفنيه اقولج
محمد رد من السفر ويبا رقمج وانا ماطعت اعطيه لان ادري انج مابطيعين وهو قالي اخبرج ))

حمده تقرى المسج وفاجه عينها , جان اترد عليها (( لاااااااااااااااااااااا ياويلج يافطيم
مستحيييييييييييل سوري قوليله حمده اتقولك سوري مااقدر ))

واول ماوصلوو بيت يدتها نزلت الاغراض وسارت يلست فالصاله وهي تتريا فطيم اترد ع المسج ...

شويه الا وصلها مسج من فطيم (( اممم اقولج ع راحتج بس ممكن يرمسج ع المسن ؟ ))

ردت حمده (( اوكي ماعندي مانع وحطت ايميلها فالمسج ..........@hotmail.com ))

وسارت جرررري فحجرة خالتها هناك شي لابتوب ونت ..
اول مادشت لقت حد امسولها ادد طبعاً اكسبت على طووول ^__^


الا واحد يقول : تووووووووووووووه مانووور
حمده : ههههههههههه بوجود مضوبينه
محمد : اشحالج ؟
حمده : الحمدالله ومن صووبك ؟
محمد : تماااام
حمده : دوم ياربي
محمد : امممم حمدووووووه
حمده : هلا ؟
محمد : مابتظهرين اليوم ؟
حمده : هههههههه تونيه واصله وين اسير ؟
محمد : نعم نعم ؟ وين ان شاء الله ؟
حمده : هههههههههه يت بيت يدتيه
محمد : لا والله ؟ وانا طرطور هني ؟
حمده : ههههههه اويه ليش ؟
محمد : خخخخ اسولف وياج


شويه الا فونها يرن فطيم تتصل

حمده : بررب محمد
محمد : تيت ولاتهيتيييين

حمده : الوووووو
فطيم : هلا حمدوه اشحالج ؟
حمده : بخيرررر ومن صووبج ؟
فطيم : تمااام .. حمدووه ملااااااااااااااانه ريليه طالع دوره وانا بيت امايه الحينه =(
حمده : اوووه يعني انتي فدبي ؟
فطيم : هيه =( .. شو رايج اتيين عنديه ؟ والله ملانه !
حمده : اممممم بشووف لانيه تونيه واصله بيت يدتيه ...
فطيم : اوكي ردي عليه بسرعه اترياج
حمده : انزين صبري شوي توني داشه النت هههههههههههههههههه
فطيم : يالهررررررمه وانا اقووووووووووووول ,,, بسرعه بسرعه سكريه وقوليله بسير عند فطيم
حمده : هههههههههههههههه اوكي يالله باي
فطيم : هههه باي


حمده : بااااك ,,, محمد انا بظهر اوكي ؟
محمد : ولكم ولكم ,, وين وين وين وين ؟
حمده : ههههههه بظهر بسير عند فطيم داقتليه اتقول انها ملانه
محمد : عند فطيم ؟ وهاي لازم اتخبر عليه لازززم ؟
حمده : ههههههههههه
محمد : ( من باب الدعابه ) برايج خلها تنفعج
حمده : هههههههههه لاتزعل اوكي ؟ ... يالله فداعة الله
محمد : لا بزعل ... برايج .. مع السلامه .. ويظهر على طوول


اتسير تتصل فأمها .. واتقولها انها بتسير عند فطيم ..

فهالوقت محمد اتصل ففطيم بقولها : هااا يقولون ناس بيوومج ؟
فطيم : اففففففففف شو تبا انته ؟
محمد : فطيم طلبتج
فطيم : عطيتك خلصني ؟
محمد والله ابا اشوووفها لو من بعيد دخيييييييلج
فطيم : حمود يالحمااار , مااروم اسوي هالشي البنت مابترضى
محمد : لاتخبرينها انزين والله اطلعو سيرو البحر وانا بمر بشوفها من بعيد
فطيم : افففففففف بشووف بشوووف يالله برايك باي
محمد : انا اترياج باي

وتركب السياره وهي اتفكر ياربي محمد صدق زعل ولا , و اول ماوصلت على طول سلمت ع فطيم وقالتها

حمده: فطيم محمد زعل ..!
فطيم : خخخخخخخ لا لا لاتخافين مابيزعل
حمده : والله زعل حتى ماقالي باي !
فطيم : حمدوووووووووه اجوووفج بديتي تهتمين فيه وااايد
حمده : هههههههههههه ياختي الولد زعلان كيف مااهتم
فطيم : ويت بتصلبه وبسأله ....

تتصل فطيم فـ محمد وتحطه ع المايك (( ومحمد طبعا مايدري ))

محمد : هلا فطيييم ... وينهاااا ؟؟؟؟
فطيم : هذي وتقول انته بعدك زعلان ؟
محمد : هيه هيه زعلان ليش اتبديج عليه
فطيم : اكل خراااا عاااد هني وبسسس انا ربيعتهاااااااا
محمد : وانا ريلهاا ههههههههه
فطيم وحمده : هههههههههههههههههههههههه
حمده : محمد انته زعلان ولا لا قول الصدق ؟
محمد : لا فديتج وانا اقدر ازعل ؟ .. يالله فطيم احم انا طالع اوكي وهالله هالله فيها باي
فطيم : اسميييك انته لوتي بايي
محمد : ههههه اروايج انا يالهرمه باي


ويسكر محمد واتقول فطيم لحمده خلنا انسير البحر ونغير جو , البحر امجابل بيت امها
ويطلعون ويسيرون البحر

تيلس حمده تلعب بالرمل وترسم واتشخبط .. ومن هناك فطيم اتسير اطرش مسج لـ محمد (( نحن ع البحر ))

شويه الا بي ام سوده اتمر ...

فطيم : امممم حمدوه قومي انسير البيت
حمده : ويدي تونا مامدانا ينا ..
فطيم : انزين قومي انسير نتمشى هناك
حمده : اوكي يالله

ويسووق محمد شوي شوي عسب يشوووف او يلقط ملامح ويه حمده
ويوم شافها اتخبل عليها حمده (( وايد كيوووت وبيبي فيس ملامح يهال عليها وبيضه وفيها غمازات ))


المهم وهم يتمشووون يتصل محمد فـ فطيم يستهبل

محمد : الو فطيم انتو اللي ع البحر ؟
فطيم : هيه ليش ؟
محمد : انزين دشووو البيت ..
فطيم : ليش ؟؟؟؟؟
محمد : دشوو البيت وخلاص

فطيم اتأشر حق حمدو وتخبرها ,, وحمدوه اتمط التيلفون اتقوله : واذا ماسرنا ؟
محمد : لا والله ؟
حمده : ههههه هيه ؟
محمد : دشوووووووو بالزين (( وهو مغيض ))
حمده اتفر الفون ع فطيم اتقول : شلي شلي اميه عن ياكلني
تاخذ الفون فطيم وحست ان حمده اضايجت : الو محمد شو قلتلها ؟
محمد : ماقلتهااا شي ,,, بسرعه بسرعه دشن البيت
فطيم : اوكي اوكي برايك واتسكر ..

يدشووون وحمدو مقهوووره شو الاسلوب اللي رمسها فيه !!

فطيم : حمدووه عاااد شو فيج ..بي كووول ... الا حمود عااد
حمده : انا مااداني حد يرمسنيه جي والله قهر كنت امزح معاه
فطيم : ماعليه انزين .. انا برمسه
حمده : لا ترمسيه ولا شي برايه اميه

وتمت طووول الوقت متنرفزة واتقول لـ فطيم ابا ارد البيت . فطيم مالها الا انها اتقول برايج
ردت حمدووه وهي مقهوره من هالاسلووب ماتحب حد يرمسها جي ولان اصلا ظاهره من البيت وهي متنرفزة من اختها وزادها محمد قهر

اول ماوصلت حمدوه البيت بدلت وقالت لـ يدتها انها اتعشت وهي اصلا ماتعشت
وسارت ترقد فـ حجرة خالتها ...

شويه الا فطيم تتصل : الووو حمدوه ؟
حمده : هلا فطيم ( وهي مالها بارض اترمسها )
فيطم : حشى يااميه مايسوى عليه الريال قالج جي
حمده : فطيم راسي يعورنيه وابا ارقد ..
فطيم : انزين خلينيه اخبرج شو مستوي , حليله توه متصل ويقولي كنت اباكم تدخلون لان شباب ياين ماادري شو سالفتهم يعني ماكان يبا حد يشوفنا
حمده : كان يقدر يقول جي ولا انه يصارخ .. ع العموم مصدعه ومااروم ارمس قالفون برايج فطيم ...
فطيم : براحتج .. باي واتسكر

ترقد واتنش ثاني يوم الا وابوها واخوانها بيت يدتها ...
بس مب طبيعيين !! دخلت اتسلم
وتسأل امها شو فيهم !!

ام سيف : حمده .. أبوج بيسافر يدج مريض
حمده : هــــــــــــــا ؟؟؟ يدي ؟؟؟ شووووفيه ؟؟؟؟؟؟
ام سيف : ماادري بس لازم يسفرونه برع !
حمده عيونهااا اتغرغر : انا بسير وياهم !
ام سيف : ابوج مب طايع ياخذ حد وياه
حمده : وينه ابويه ؟؟؟؟
ام سيف : فالميلس عند خالج ..

اتسير حمده الميلس .. وادق الباب واتسلم على ابوها وخالها .. خالها يستأذن لان تيلفونه رن ... ويظهر

حمده : ابويه ... سلامته يدي ..
بو سيف : الله يسلمج بنيتي ..
حمده وهي تبا اتصيح : ابويه طلبتك لاتردنيه .. الله يخليك خذنيه وياااك
بو سيف : مايستويه ابويه مايستوي
حمده : لييييييييييييييش ابويه ليييييييييييييييييش
بو سيف : انتي لازم اتجابلين امج لان امج محد عندها اخوج واختج دوام وامج بتم روحها حرام ..
حمده اتفكر فالموضوع واتلقى ان كلام ابوها صح : ومتى السفره ابويه ؟
بو سيف : باجرالمغرب بـ حول الله ...
حمده اتصيييييييييييح : ابويه مااقدر على فرقاااااك واتلوي عليه
بو سيف مضاااااايج : ادعي الله يشفي يدج ويردنا بالسلامه
حمده : القلب داعيله ياابويه ... الله يشفيه ويرده بالسلامه
بو سيف : مااوصيج عـلى اخوانج .. حمده انتي اعقلهم ديري بالج على نفسج وعلى امج ..
حمده اتصيييييييييح : ان شاء الله ابويه لاتوصي حريص

وتظهر حمده من الميلس وهي تمسح دموها (( دلوعة ابوها )) ماتروم ماتروم اتعيش بلاياه ..

ويردون البيت وحمده اتم طبعا عند يدتها

ام سيف : حمدايه باجر بطرشلج الدريول لان دريول يدتج بيكون مشغول خذي امايه واتوكلو ع الله وتعالو المطار
حمده : ان شاء الله اميه

وترد ام سيف البيت ..

اليوم الثاني

وعـ الساعه 5 يظهرون كلهم ويسيرون المطار عسب يوصلون ابوهم ...
حمده من استوت تتحجب حتى شمه بس حمده مرات قصتها تظهر بالغلط سيف شافها جان يواجعها

سيف : دخلي قصتج لامط شعرج جدام الناس
حمده عيونها اتغرغر بتموت من الضيج لانها بتفارق ابوها سكتت عنه وعدلت الشيله
يسلم بو سيف عليهم و يوم ياي بيسلم على خليفه
خلوف : ابويه وين بتسير ؟؟؟
بو سيف : حبيبي بسير بودي يدي المستشفى وبرد مابطول
خليفه : ليش بابا يدي بيموت ؟
بو سيف : لا خليفه لاتقوووول جي
خليفه : انزين شو بتيبليه من هناك ؟
بو سيف يوم بوصل ان شاء الله بتصل بك وخبرني اللي تباه انزين ابويه
خليفه : اووكي ابويه

ويصد الصوب الثاني يشوف ان حمده عاطتنه ظهرها لان يدري اذا شافته بتصيح

يزقلها بو سيف : والحبوبه اللي واقفه هناك مابتسلم على باباتها ؟
اتصد حمده على ابوها وهي اتصيييييييييييييييييييييييييييح اتقوله : مابا سلم عليك لانك مابطول بترد بسرعه صح ابويه ؟ صح ؟
بو سيف يبتسم : ان شاء الله


وتسلم عليه حمده ويقوللها مااوصيج اتحملي على عمرج ويحط ايده ع راسها ويرد يقولها عن الشطانه هاااا
تضحك حمده واتقول : ان شاء الله ...

وترد البيت وهي اتصييييح وحاطه ايبود تسع حمد العامري
(( روح وسافر بس توعدني تجيني وانته سالم للي ينطر مرجعك ))

تمت هالاغنيه فبالها طووول الوقت اتغنيها وتدعي الله يوصلهم بالسلامه

واول ماوصلت البيت بدلت وسارت شغلت النت ويلست فالصاله والابتوب ع ريولها
دشت المسن ولقت محمد ( اون لاين ) = موجود ...

محمد : هلا ..

حمده ماردت عليه ....

هز الشاشه محمد وقال : يعني ماتبين اترمسينيه ؟
حمده : هلا محمد ؟ امر ؟
محمد : شوفيج ؟؟؟ سوري ماكان قصدي اني ازعلج بس ......... اخ ( خبرها السالفه )
حمده : حصل خير محمد وانا مش زعلانه ...
محمد : انزين اشحالها الحلوه ؟
حمده : امشيه الحال ..
محمد : افا شو فيج ؟ ليش احسبج مضايجه ؟
حمده : ماشي ماشي محمد .. انا بظهر اوكي ؟
محمد لا والله ماتظهر ين لين ماتخبرينيه اللي بخاطرج ..
حمده : شو تباني اقول ؟
محمد : كل اللي فخاطرج ياحمده ..


وتخبره حمده بالسالفه , وتم متلوم فيها لانه ضايجها , وحاول يخفف عنها ويدعي ليدها
ان الله يشفيهـ , اذن المغرب طلع محمد من المسن ساير يصلي ونفس الشي حمده صلت وسارت عند يدتها , وع الساعه 10 اتعشت هي ويدتها ومن التعب والضيج رقدت مع انها قالت لمحمد بتصلي وبتيلس ويا يدتها شوي وبترد تحدر المسن ...


ثاني يوم , عالساعه 10:30

[ بيت بو سيف ]

تيلفون البيت يرن !

ام سيف : الوووو ؟

بو سيف : السلام عليكم ام سيف

ام سيف : بووووو سيف وعليكم السلام ورحمه الله حي الله هالصوت , ها بشر اشحاله عمي ؟

بو سيف : الله يحيييج ويبجين غناتي , الله يشفيه , ادعوله محتاي دعواتكم له

ام سيف : الله يشفيه ان شاء الله ..

بو سيف : اشحال العيال ؟ ان شاء الله كلهم بخير ؟

ام سيف : الحمدالله كلهم بخير ...

بو سيف : واشحالها امج وحمده ؟

ام سيف : بخير وسهاله وان شاء الله حمده باجر بترد ..

بو سيف : ان شاء الله , سلمي عليهم وانا مابطول عليج وان شاء الله برد اتصل

ام سيف : اتحمل على عمرك الغالي ونحن بنتظار اتصالك ..

بوسيف : فداعة الله ..

ام سيف : فداعة الرحمن ..


خلوف توه ناش من الرقاد , وشكله شويه وبيصيح يسير صوب امه وتلوي عليه ام سيف
الا تشوفه امصخن الولد



ام سيف : واعليه عليك خلافي , حرارتك مرتفعه !!!!!!

خلوف : امايه هني يعورني >>> يأشر ع بلاعيمه ..

ام سيف : قوم فديتك خلنيه اغسل ويهك واوديك الدختر

خلوف : مابا مابا امايه :-(

ام سيف : انزين انزين يالله قوم خلنيه اغسل ويهك

واتنش اتغير ملابسهـ وتتصل فالدريول ويسيرون الدختر , خلوف يضربونه ابره عسب
اتخف الحراره وطبعاَ امسوي مناحه فالمستشفى لين مارقد من التعب , خذت الادويه ام سيف وردت البيت وهي داشه البيت تيلفون البيت يرن


[ .... ] : الووو السلام عليكم هذا بيت محمد احمد سعيد ؟

ام سيف : وعليكم السلام ورحمه الله , هيه نعم امر اخويه ؟

[ .... ] : وياج الاستاذ خالد من مدرسه ( دبي الوطنيه )

ام سيف : هلا اخويه , على مااعتقد استاذ سعيد انته صح ؟

الاستاذ : هيه نعم , وانتي امه ؟

ام سيف : هيه انا امه !!

الاستاذ : نحن من يومين نتصل على ابو سعيد بس مب لاقين رد من صوبه !

ام سيف : هيه اخويه لانه هو هب فالبلاد , امسافر , امر ؟ عسى ماشر

الاستاذ : ماشر ان شاء الله , بس بغيت اكلمه بخصوص مشكله صايره مع ولدكم سعيد

ام سيف : يالله بالستر ! ان شاء الله خير ؟؟؟

الاستاذ : خير ان شاء الله بس لو ماعندج مانع تقدرين اتزورينا باجر فالمدرسه ؟

ام سيف : ان شاء الله اخوه العود بييكم باجر ..

الاستاذ : نحن بنتظاره ان شاء الله ... مع سلامه

ام سيف : ربي يحفظك ...

وتيلس اتفكر ام سيف .. ياربي ها مسود الويه شو امسوي !


وتستوي الساعه 1:30 ويرد سعيد من المدرسه وعقبها بـ نص ساعه يوصلون سيف وشمه من الدوام , يدخلون غرفهم


شويه الا ام سيف اتزاعج

ام سيف : غداااا , غدااا ياعيااال

ولا حياة لمن تنادي .. اطرش البشكاره عسب اتسير تزقرهم
شمه توها نازله وسيف مايبا , وسعيد يكون فغرفة الدراسه يالس ع الكمبيوتر


ام سيف : سعييييييد ؟ .... سعوووود !

سعيد : هــــــــــــــــــــا ؟
ام سيف : هوى ! صوتي بح من كثر ماازاعج غدااا وغدااا

سعيد : مااريد مااريد !

ام سيف اتسير صوب الحجره , وترمسهـ

ام سيف : تعال انته تعال بتخبرك شو امسوي فالمدرسه ؟

سعيد مصدوم : ! ... شو امسوي ؟ هب امسوي شي !! ليـــــــــش ؟؟؟؟

ام سيف : هب امسوي شي ها ؟؟ متصلين من المدرسه يبونيه اسير لهم المدرسه باجر

سعيد وهو مرتبك : ماعليج منهم اميه لاني امزفت فالامتحان وماوديتلهم تقارير هالكورس ...

ام سيف : لا ؟!!!! ماعليه كل شي بيبين باجر يوم اخوك سيف بيي المدرسه

سعيد : سيــــــــــــــــف ؟ ليش ايي هب لازم قلتلج ماعندهم سالفه هذيلا !

ام سيف : ماعليه تراه بيي سيف وبيشوف شو من بلاوي امهبب

سعيد [ يسوي عمره واثق من نفسه ] : برايه خله ايي !! [ يبلع ريجه ]

[ ام سيف قلبها قارصنها , اتحس ان السالفه هب سالفه نشاط و امتحان ]



[ بيت اليده ]

وع الساعهـ 3:00 حمده اتنش من الرقاد وتطالع الفون واتشوف ان الساعه 3:00

حمدوه وهي ترمس عمرها خيييبه اتخيبك يالعدو ! انا شو امرقدنيه لين هالوقت

وشويه الا يرن الفون [ عفاري تتصل بها ]


حمدوه : هلا عفاري ..

عفرا : حمدوووووووووووووه يالجلبه وينج

حمدوه : تونيه ناشه خير ؟

عفرا : هيه لازم من السهر ومغازل اخر الليل [ كيكيككيكي ]

حمدوه : ههههـ عنلاتج والله انيه راقده من وقت , حتى انيه قلتله برد ادخل ولا دخلت
الله يعيني جان مايقطعني اليوم ...

عفرا : اشعلييييييييييييييج انتي , قاموو يحاسبونج الحينهـ

حمدوه : هيييييه شو تتحرين عيل ههههه

عفرا : صدق ماتستحين , انزين متى بتردين البيت ؟

حمدوه : ماادري والله الحينه بنش بجوف وين يدتيه وبتغدى خلاف برد

عفرا : انزين برايج عيل امايه ع الخط

حمدوه : اوكي جااااووو

اتنش حمدوه وتغسل ويها وتتسبح وتنزل اتشوف يدتها وين , دورتها بس مالقتها
سألت البشكاره قالتها انها سارت بيت بابا جاسم ,,, جاسم خال حمده العود , المهم
سارت حمده صوب الابتوب وشغلته ودشت المسن لقت محمد عـالـ AWAY سلمت بس مارد ... حطت حمدوه عـالـ brb وسارت تتغدى ...


رد محمد كان ساير يتغدى لقى ان حد امرمسنه ويوم يجرب صوب الابتوب الا حمدوه بس حاطتنه ع الـ برب , شل الـ away عسب لو ردت حمده اتعرف انه موجود ربع ساعه وردت حمده وشافته اون لاين


حمده : السلام عليكم على من اتبع الهدى =P
محمد : .......................................
حمده : ؟
محمد : مسيحي انا
حمده : ههههههههههههـ غربلات ابليسك . اشحالك ؟
محمد : مش بخير
حمده : افااااااا ... مني انا ؟
محمد : ليش انتي سويتي شي ؟
حمده : امممممم ... هيه شويه =P
محمد : شو سويتي ؟
حمده : قلتلك برد ادخل المسن بس مادخلت =(
محمد : الحمدالله يوم انج عرفتي !
حمده : والله سوري حمود , صدق صدق كنت تعبااااااااااااااااانه حيل ورقدت بدون مااحس
محمد : سلامتج , بس مره ثانيه عطيني خبر , لاني تميت شرات الحمار اترياج البارحه لين الفير !
حمده : محشوووووم لاتقول جي والسمووووووووووووووووحه اخر مره
محمد : حصل خير
حمده : امممممم .. وين بتسير اليوم ؟
محمد : اليوووووم .. بسير الشركه لان ابويه مشغول ومحد بيكون هناك
حمده : ايواااا
محمد : ليش في شي ؟
حمده : لا .. 
محمد : حمدووووه حبيبي ..
حمده : عيونهـااا ؟
محمد : فديييييييييييييت عيونهاا اناااا ... ابا اشوفج !
حمده : هــــا ؟
محمد : شوو بعد هـا :s
حمده : =P ههههـ ماشي
محمد : يالله عااد حمدووه  حرام عليج ..
حمده : محمد وين تباني اسير , وبعدين انا اليوم برد البيت
محمد : حلووووو ومنو بيردج ؟
حمده : الدريول
محمد : رواحكم ؟
حمده : هيه
محمد : روااااحكم روااااحكم بدون البشكاره ؟؟؟؟؟؟؟؟؟؟؟؟
حمده : هيه =P
محمد : تتمصخرين انتي ولا ترمسين جد ؟؟؟؟؟؟؟؟؟؟؟؟
حمده : هههههـ لا اسولف
محمد : حمــــــــــاره بذبحج :@
حمده : هههههههههههههههه اسوولف انزين
محمد : انزين قوليله خله يوصلج المول شويه بس 10 دقايق
حمده : انزين وبعدين ؟
محمد : بس بشوووفج وعقب ردي البيت ..
حمده : اممممممممم انزين انا برد عقب شوي !
محمد : اوكي انا الحينهـ بطلع !
حمده : لاااااااا ويت , لازم اسير اشوف يدتيه يمكن ماردت بتصلبها وبخبرها
محمد : يالله اتصليبها الحينه
حمده : اوكي
محمد : لاترمسينها وايد اغار
حمده : هههههههههههههههههههههههههههههه يدتيه هاي
محمد : حتى ولو
حمده : برررررب
محمد : تيت حبيبي

وتتصل حمده فيدتها وتقولها انها بترد البيت وبتمر المول لانها بتاخذ شوية اغراض
وتنش اتبدل هيه عسب ماتتأخر , تعدلت لانها بتشوف الحبيب اليوم , وعقب سارت صوب اللابتوب

حمده : baaaaaaaacK انا يييييييييييييييييييت
محمد : احلـــى باااااك وربي
حمده : ثااانكس ^^ , يالله انا بظهر الحينه !
محمد : ويييييييييين ؟
حمده : بسير اشوووف واحد =P
محمد : ههههه فديتج اناااا , يالله انزين 5 دقايق وبكون فالموول انا بس تعالي وين بتكونين بالضبط ؟
حمده : اممممم ماادري =P
محمد : حمدووه حبيبي عطيني رقمج
حمده : هـــا ؟ لا حمووووووووووور مااروم 
محمد : حمـــده ! انتي شو فيج ؟؟ لين متى بنتم انرمس بعض ع المسن ؟
حمده :  ماادري حمود !
محمد : عطيني رقمج يالله بسرعه عسب مانتأخر
حمده : 
محمد : حمدوووووه عاد لا تأخرينا , والله يا حمدووه وغلاتج عنديه اني مابدق موول الا يوم بتطلبين مني , ولو تبيني اوعدج اني مابدق مره ثاني والله اني بوعدج
حمده : والله ماعرف شو اقولك والله
محمد : لا تقولين شي وعطيني الرقم
حمده : ــــــــــــــــ 97150+
محمد : فدييييييييييت هالرقم وراعيه انا يالله حبيبي اترياج
حمده : انزين لحظه
محمد : هلا حبيبي ؟
حمده : لا تتصل
محمد : ياميه والله بس الحينه قبل لا اشوفج و ان مابغيتي عقب والله مابدق مول
حمده : لاااا السالفه هب جي
محمد : ها , عيل شو السالفه ؟
حمده : استحييييييييييييييييييييييييييييييييييييييي
محمد : ههههه فديتتتتتتهاا انااااا , يالله يالله خل عنج انا بسير >> مواعد مواعد =P
حمده : ههههههههه عنلاتك يالله انزين مع السلالااااامهـ
محمد : مع السلامه حبيبي



اتسير حمدوه واتلقط ثيابها وتزقر البشكاره اتي تاخذ الاغراض , واتركب السياره واتقوله شغل الاف ام و سير المووول , وطول الوقت وهيه قلبها يدق اول مره بتسير اتشوفه ومول مب حاطهـ فبالها كيف بيكون شكله مووووول , شويه الا الفوون يرن !!!!!
رقم غرريب ! حمدوه مستحييييييه ماتبا اترررررد تطالع الرقم وفخاطرها اتقول لاااااااااا استحي ماابا ارررررررد !! يسكر محمد ويرد يتصل مره ثانيه وترد عليه حمدوه

حمده : الووو
محمد : مرحبــا
حمده : مرحبتين [ تستهبل ] منوووو ؟
محمد : وااااحد يحبج
حمده : [ قفططططططططت ] هــا ؟ هههههههههـ
محمد : هههههههههههـ اشحالج ؟
حمده : بخير ومن صووبك ؟
محمد : انا اليووووم بخير
حمده : دوووم ان شاء الله
محمد : يدوووم عزج ونبض قلبج فديتج , ها وين انتي ؟
حمده : يايه فالدرب , امممم
محمد : ها ؟ شو فيج ؟
حمده : زايغه !
محمد : هههه زايغه من شووو ؟
حمده : ههه ماادري !
محمد : الله يهديج حبيبي انا قلت تعالي بشوفج ماقلت تعالي ظهري ويايه
حمده : ايييييه يحماار !
محمد : هههههه انزين يالله انا وصلت وينج انتي ؟
حمده : هني صوب الباركات
محمد : اوكي انا بسير صوب استار بكس

البارت الـــ 3



حمده : محــــــمد ! استححححححححححي والله استحي
محمد : يالله عاد خل عنج الدلع وبسرعه عن تتأخرين عالبيت
حمده : اوكي باي
محمد : اول ماتدخلين دقيلي باي
حمده : اوكي باي


تنزل حمده من السياره وهي ميييييييته من الزياغ قلبها يدق اول مره تظهر روحها , دشت المول وسارت الحمام تطالع شكلها كيف , المهم ظهرت وسارت صوب استاربكس , وشويه الا محمد رد اتصل


محمد : الووو
حمده : هلا محمد [ وهيه ميته من الزياغ ]

محمد يصد يمين ويسار يدورها شويه الا يشوف وحده تمشي روحها عرف انها هيه لانه جد مره شافها ع البحر ويا فطيم بس حمده اول مره اتشوفه اليوم

محمد : فديييييييييييييييييييييييييييييييييييييتها انا !
حمده مصدوومه شت اكيد شافني !
حمده : شت يحماااار اسكت !
محمد : والله حلفت عليج تطالعين
حمده : هههههههههههههه مابااااااااااااا والله لااااا استحيييييي
محمد : حلفت اناااا
حمده اتصد تطالع الصوب الثاني اتشوف واحد فستاربكس يالس روحه
محمد : فدييييييت هالويه انااااااااا والله
حمده لاارادي اتغمض عينها من القفطه
ومحمد ميت عليها من الضحك
محمد : ههههههههههههههههههههههههه حبيبي والله انتي حبيبي
وحمده ميته من القفطه وتضحك على عمرها
حمده : هههههههه والله انك حمار يالله حمود انا برد اوكي ؟
محمد : حبيبي لااااااا ماشبعت من شوفتج
حمده : خلها مره ثانيه ان شاء الله مافيه اتأخر امايه ماتدري اني ماره المول
محمد : وعد ؟
حمده : ان شاء الله وعد
محمد : اوكي حبيبي يالله تيك كير وانتي راده
حمده : يو تــوو =) باي
محمد : باي حبيبي

وهيه سايره صوب الباب بتظهر امها اتصلت ! وهيه زايغه شت مووول هب وقته
ماردت عليها واول ماركبت السياره ردت اتصلت فيها وقالت لدريول يتحرك بسرعه


حمده : الوووو
ام سيف : وينج ؟
حمده : فالدرب امايه زحمه
ام سيف : يالله انزين كنت متصله اطمن عليج وينج طولتي

[ ويرد يدق محمد ] ع الخط الثاني

حمده : هيه امايه زحمه يايه ان شاء الله ربع ساعه وبوصل
ام سيف : يالله انزين فداعه الله
حمده : فداعة الله الكريم
وترد ع الخط الثاني
حمده : الوووو
محمد : منووووووووووووووووووووووو ع الخط هاااا ؟
حمده : ههههه امايه
محمد : حمدووووه اتولهت عليج ردي =(
حمده : هههههههههه مسرع توك شايفني
محمد : فديتج والله انج قمرررر
حمده قااااافطه وساكته
محمد : انزين شو رايج فيني ؟ احلى عنج صح ؟ =p
حمده : هههههههههههه هيه احلى عني =(
محمد : فديييييييييييييتج والله عسل انتي
حمده : مااتوقعتك جي ! مع اني ماحطيت فبالي كيف بيكون شكلك
محمد : هههه كيف يعني مش حلو ؟
حمده : لا بالعكس والله وااااااااااايد كيوووت =)
محمد : احم احم ههههه
حمده : ههههههههههههههههه , انزين محمد يالله انا وصلت صوب البيت بسكر الحينه اوكي ؟
محمد : اوكي حبيبي , بترياج ادخلي المسن واذا مارمتي طرشيلي مسج
حمده : لا مابروم اول مااوصل البيت بسير ايلس ويا امايه شوي و ع المغرب او العشا بدخل امممم ولا اقولك قبل ماادخل بطرشلك مسج ..
محمد : خير ان شاء الله يالله فديتج تيك كير =)
حمده : يوو توو مع السلامه
محمد : ربي يحفظج حبيبي ..




ادش حمده البيت وتفر الاغراض واتسير صوب المطبخ وتسلم على امها وتتخبر عن يدها وابوها , واتقولها امها اتصلي بأبوج وتخبريه لان اتصل البارحه وسأل عنها
اتسير حمده الحجره واتبدل ثيابها وتنزل مره ثانيه وتزقر امها وتتصل بأبوها ..


بو سيف : مرحبـا الساااااااااع
حمده : مرحبا ملايييين ولا يسدن فذمتيه وان زادن وزعهن على اللي عدالك ههههه
بو سيف : هههههه فديتج حمده اشحالج ابويه شو دنياج عساج الامرتاحه اشحال امج واخوانج ؟
حمده : حشى حشى حشى حشى شويه شويه عليه ابويه خلنيه اسأل عنك وعن حال يدي عقب اسأل عن بعض الناس وتطالع امها وتغمزلها
بو سيف : هههههه ها شو امسوين ان شاء الله كلكم بخير ؟
حمده : الحمدالله كلنا بخير , بشر ابويه اشحاله يدي عساه الا بخير ؟
بو سيف : شو اقولج ياحمده ! بعدنا نتريا الفحوصات , ومانقول غير الله يشفيه
حمده : شوووو يعني ؟؟؟؟؟ ماقالولكم شو بلاه وشو ياه مره وحده ؟
بو سيف : نفس الرمسه اللي قالولنا اياها فالمستشفيات الثانيه ..
حمده : الله يشفيه ياربي ... انزين متى بتردون ابويه ؟
بو سيف : قريب ان شاء الله بس نتريا النتايج وبنرد على طول , انزين وين امج ؟
حمده : ( تطالع امها بنظره ) واتقول هنــــــــــــــييي هااااج !
ام سيف : الووو مرحبا الغالي !
بو سيف : حي الله هالصوتـ , عاش عاش من سمعه
ام سيف : عاشت ايامك الغالي , اشحالك ؟ واشحال عمي ؟
بو سيف : بخير وسهاله , والله على حطت ايدج , ادعوله ..
ام سيف : الله يشفيه ويردكم لنا بالسلامه ..
بو سيف : امييييييين الغاليهـ , عيل وينهـ خلافي , وشماني وسعود وسيف ؟



[ ام سيف اطبطب على ريل حمده واتأشرلها سيري ازقري اخوانج كلهم ] , واتنش حمده ترقض ادق بابا حجرة سيف واتقوله نزل ابويه يباك ,
وادق حجره شمه واتكون راقده واتعصب وقبل لا ترمس اتقولها ابويه ابويه ع الخط يباج نشي وتظهر ,
وتدخل حجرة الالعاب واتيود ايد خلوف واتقوله ارقض بسرررررعه ابويه يا يرمسك وتنزل ..
ينزلوون كلهم ويقعدون عن امهم وتعطيهم التيلفون واحد واحد ويسلمون عليه ويتخبرون عن يدهم ويسكرون ,
وكالعاده كل واحد يسير حجرته , سيف وهو ساير وفوق تزقره ام سيف ...


ام سيف : سواف .. سواف اميهـ باجر اترخص من دوامك نص ساعه
سيف : ليش اميه , شو مستوي ؟
ام سيف : هذا مسود الويه سعود ماادريبه شو امسوي فالمدرسه وطالبينيه وانا حرمه استحي يااميه اسير مكان فيه ريايل
سيف : هالكلب شو من بلاوي امسوي بعد ؟
ام سيف : لا تقوله شي ولا تسرع !! باجر عين من الله خير وجوف شو سالفته !


ويسير سيف الحجره , وتقوم حمده وتيلس عند امها وتسألها شو السالفه واتخبرها ام سيف , حمدوه اتقول لامها لو مش امخبره سيف ابرك لانه بيكبر السالفه شلت بعمرها وسارت الحجره ترقد ونشت اليوم الثاني الظهر الساعه 3:00 وشويه
الا يوصلها مسج !!

مسج محمد :[ حبيبي وينها ما تسأل عليه =( انا مريض ]
تبتسم حمده وتسألها امها

ام سيف : منووو متصل ؟؟
حمده : محد اميه , هذا مسج وصلنيه
ام سيف : منوو عاده !
حمده : هااااا ؟؟؟ ممم فطامي ربيعتيه , اتقول انها فدبي وتباني اسير لها واذا ماسرت بتزعل عليه ومابترمسنيه لين يوم القيامه
ام سيف : حشــى لين يوم القيامه ... وبعدين ماشي طلعه توج راده من بيت يدتج ..

حمده : لا اميه مابظهر انا اصلاً ..


قامت ام سيف وسارت ادور خلوف , وحمده تمت تكتب مسج لـ محمد ..

مسج حمده :[ حبيبي والله سلامـــااااااات يعله فيه ولا فيك =( سير المستشفى فديتك قبل لا يزيد عليك ]

يرد عليها محمد :[ فديت قلبج , بسم الله عليج فعدوينج ان شاء الله , انا ماببرى لين مااشوفج غناتي =( ]

تقرى المسج حمده وتضحك وترد عليه :[ هههههـ , يالله عاااد نش سير المستشفى واول ماترد طرشلي مسج طمني عليك ]

محمد :[ حبيبي اسولف وياج اصلا انا فالسياره توني راد من المستشفى عطوني ادويه والحينه برد , انزين ممكن طلب ؟ ]

حمده : [ آمر الغالي ؟ ]

محمد :[ ممكن اكلمج =(<<< حرام حبيبج مريض لا تردينه ]

حمده :[ هههههههـ فديتك والله كنت حاطه فبالي اني ارمسك اول ماترد من المستشفى ]

محمد :[ فديتهااااا ياربي , خلاص 5 دقايق وبوصل البيت وبتصلبج ]


وتنش حمده واتسير الحجره لان محمد بيتصل , دشت الحجره اتريت 10 دقايق بس ماتصل دشت النت شويه
اتغير جو لين مايتصل محمد .. شويه الا
تيلفونها يرن : القلب سلملك امره في حالتي انته ادرى ياللي حنانك وطيبكـ تنحط ع الجرح يبرى ,
حمدوه استاااااانست على طـــووووول >>


حمده : مرحبــا
محمد : مرحبا ملااااايييين ولا يسدن حبيبي , اشحالج ؟
حمده : هب بخير =(
محمد : افــااا حبيبي لييييش ؟ عسى ماشر ؟؟؟
حمده : حبيبي مريض =(
محمد : ههههههه ياربــــــــــــــــــي فديتهااا والله احبهـــــااااا
حمده : هههه ( قفطت )
محمد : حبيبي اشحاله ابوج ويدج ان شاء الله بخير ؟
حمده : اليوم رمست ابويه الحمدالله بخير ويدي على حطت ايدك مثل ماهو , الله يشفيه ان شاء الله
محمد : امييييين , انزين حبيبي ابا اقولج شي
حمده : امر حياآاآتي
محمد : اممممم .. متردد اخااف تزعلين !
حمده : ( ارتبكت شوي ) لا مابزعل يالله قووول
محمد : اوعديني انج ماتزعلين ؟
حمده : يالله عاااااااااد قوووووووووووووووووول !
محمد : اممممممم انزين =( بس حمدوه انا مايخصني !
حمده : وبعدين وياااااك , والله بديت اتنرفز حمود قووول !
محمد : اوكي اوكي

ويتم ساكت نص دقيقه وحمدوه على اعصابهاا تبا اتعرف شو السالفه

محمد : ( يصارخ مره وحده ) احبــــــــــــــــــــــج والله احبــج
حمده : حيوووووووووووووااااااااااااااااااااااااااااااااان والله حيوواااان ذبحتني ّ!! يلستني على اعصابيييييييييييي
محمد : هههههههههههههههههههههههههههههههههههههههههههههه عسل عسل
حمده : عسل فعييييييييييينك , اففففففففففففففف
محمد : هههههههههههههااهاهااهاهاهاي شكراً
حمده : يالله باي باي مابا ارمسك باي =(
محمد : يهون عليج حبيبي اتخليني جي وانا مريض
حمده : لييييييييييييييييييش جي اتسويبي ياحمار
محمد : هههههههه احبج حبيبي احبج اجوفج امغيضه استانس عليج =p
حمده : لا والله !
محمد : هيه , انزين خبريني باجر وين بتسيرين ؟
حمده : ماادري هب حاطه فباليه مكان معين ليش ؟
محمد : انزين سمعيني اي مكان اتسيرين خبريني واذا ماقدرتي طرشيليه مسج اوكي
حمده : وليش ان شاء الله ؟
محمد : شو بعد ليش ها ؟ يباله ليش بعد ؟ خلاص انا حبيبج وريلج وكل شي و لا لج راي ثاني ؟
حمده : لا عمي مالي راي ثاني ان شاء الله اي آوامر ثانيه ؟
محمد : فديييييييت اللي يسمع الرمسه اناااااا لا ياعمري ماابا شي

وتمووو يسولفون ويا بعض ليييييين الفير , وعقب ترقد حمده , واليوم الثاني
ينشون سيف وشمه وسعيد وام سيف اتزهب الريوق

ام سيف : سعيييييييييد , سعييييييد , سييييف , شموووه يالله تعالو اتريقووو عن تتأخرون ..
سيف : السلام عليج امايه ويبوس راسها
ام سيف : وعليك السلام حبيبي تعال ايلس اتريق
سيف يشرب العصير : لا اميه مستعيل بسير عسب اترخص واسير مدرسة سعود واشوف شو سالفته

سعيد يسمع سيف وهو مرتبك مايبا يظهر عسب مايشوفه سيف , وعقب ماظهر سيف طلع سعيد وعلى طول ركب السياره وقال لدريول يوصله المدرسه , تنزل شمه وتسلم على امها

شمه: صبحج الله بالخير امايه واتبوس راسها
ام سيف : صبحج الله بالنور والسرور امايه , هاج كلي هالفطاير توه امسوينه
شمه : امايه , اقولج بنت ام خليفه العود شسمها ؟
ام سيف : اسمها عوشه اظني , اشعنه ؟
شمه : ماادري اميه وحده من يومين متوظفه عندنا , امررررره تشبه ام خليفه اتقولين هي
ام سيف : يمكن الا هي , لانها اتخرجت السنه اللي طافت
شمه : يمكن !
ام سيف : جي ماسألتيها ؟
شمه : امايه شو اسألتها البنت توها يايه استحيت وبعدين على مااظن بيخلونيه اعلمها الشغل يعني اذا بنت ام خليفه بعرفها
ام سيف : عاده ام خليفه ماشاء الله عليها اتخبل بالواحد بسوالفها الحلوه الله يذكرها بالخير
شمه : تعالي ماقلتي انهم بينتقلون ؟
ام سيف : هيه هاللي سمعته , بس عقب المرحوم ريلها يمكن تبا اتم فبيتها , مايندرى والله , يباليه ادقلها اتخبر عن حالها وحال عيالها ..
شمه : يالله امايه انا بسير الحينه
ام سيف : اتوكلي ع الله امايه وتحميلي على عمرج وانتي اتسوقين
شمه : ان شاء الله امايه ..

[[ يرن تيلفون البيت ]]


ام سيف : الووو مرحبـــا
[ .......] : مرحبــا مليووووووووووون ولايسدن فذمتيه

ام سيف مصدومه منو هــا

ام سيف : هلا اخويه منو ويايه ؟
[ ........ ] : افــا الحينه انا استويت اخووج ؟
ام سيف : بلا قلة ادب منو ويايه ؟
بو سيف : هههههههههههههههه شويه شويه عليه انا محمد ريلج
ام سيف : محمد الله يهدييييك وقته هاا , ها اشحالكم , متى بتردون ؟
بو سيف : اول شي صبحج الله بالخير الغاليه
ام سيف : صبحك الله بالنور والسرور
بو سيف : اشحالج ربج الا بخير ؟
ام سيف : بخير دامك ابخير الغالي واشحاله عميه ؟
بو سيف : الحمدالله ع كل حال ..
ام سيف : الحمدالله , ها متى بتردون ان شاء الله ؟
بو سيف : ماادري والله كنا بنرد باجر بس مالقينا حجزة على درجة البزنس لان ابويه مايروم ..
ام سيف : هيه صدقك , اتريوو عيل كم من يوم وان شاء الله خير !
بوسيف : ان شاء الله عيل وينهم العيال ؟ سارو دواماتهم ؟
ام سيف : هيه سيف وشمه وسعود سارو وحمدوه وخلوف رقود
بوسيف : ع طاريه حمدوه , ماسارت اتقدم عالسواقه ؟
ام سيف : لا ماسارت ولا تذكرها تراها ناسيه ومافينا ع الصدعة الراس
بوسف : لا يا شيخه دام ان شمه اتعلمت خلها تتعلم , ماابا افرق من بينهن ولا اباهن محتايات لشي
ام سيف : عسى عمرك طويل الغالي بس الدلع الزايد ماينفع بهالزمن
بو سيف : انا اعرف عيالي وامربنهم ع الصراحه ..
ام سيف : يا محمد لاترخي وااايد ع البنيات

بو سيف : ماعليج انتي من هالموضوع , انا بتصل بواحد من ربعي وبعطيه اسم حمدوه وبخليه يخلص اجرائات التسجيل وبتفاهم وياها ان شاء الله , قوليلها تتصلبيه اول ماتنش
ام سيف : ان شاء الله الغالي , فداعة الله
بو سيف : فداعة الرحمن الشيخه ..



وع الساعه 9:00 محمد يتصل بحمده , حمده اتشوف الرقم بس مافيها حيل ترمس مول مول , اتسوي طااف وترقد , ويرد يتصل ويتصل ويتصل لين ماترد

حمده بصوت واطي : الووو
محمد : صباحهم عسل
حمده تسكت شوي : صباح النور , محمد انا راقده برمسك يوم بنش
محمد : مابا

حمده ساكته [ مالها بارض ترمس لان فيها رقاد ] ومحمد متعمد يتصل يوعيها ويلعوزها

محمد : حمدااااااااااااااايه حبيبييييي
حمده : هلا هلا حمود افففف
محمد : لا تقولييييين اففف عيب !
حمده : انزين محمد فيه رقاد والله
محمد : ماشي نشي ترانيه انا راقد وياج البارحه وناش من وقت
حمده : انزين انته وراك داوم !
محمد : وانتي نشي بعد جابليني يمكن محتاي شي
حمده : محمــــــــــد يالله عاااد


ومررره وحده حد يبطل باب الحجره , الا ام سيف [ ام سيف مالاحظت ان حمده ترمس فالفون لانها امركبه السماعه ] , محمد حس ان حد دخل عليها تم صاخ


ام سيف : حمدوووه , حمدوووه نشي
حمده املحفه ويها : هااا امايه , شو تبين !
ام سيف : نشي ابوج متصل يتخبر عنج !
حمده : انزين , فيه الخير

[ محمد يضحك عليها مايخصه مول اللي اتقوله ]

ام سيف : اقولها يتخبرج عنج اتقولي فيه الخير , قاليه شي اقولج اياه بالله نشي اتسبحي وانزلي ,
اتش اللحاف من ويها وتنزل السماعه
حمده : تعالي تعالي , شوو قال ؟
ام سيف : ماشي متصل يسلم ويتخبر عنكم عقب سأل عنج قال حمدوه ماسارت اتقدم ع الليسن ؟
حمدوه اتنش وتيلس على طوووووول
حمده : قووووووووووووووووووولي والله ؟
ام سيف : هيه , وقال انه بيتصل بمكتب ربيعه عسب يسجلج ويخلص كل شي وعقب قاليه يوم بتنشين اتصليبه عسب يخبرج شو قالوله ومتى اتسيريلهم
حمده : الحيييييييييييييييينه الحينه بنش , فديت امايه اللي اتيبليه اخبار اتعدل المزاج ع الصبح
ام سيف : انزين قومي قومي ولاتتدلعين وايد , تعالي ويايه بنسير عند يدتج
حمده : ان شاء الله امايه بس اتريي بتسبح وبتريق وعقب
ام سيف : لا اميه انا مابترياج وايد , اتريقي بيت يدتج يالله بسرعه لان انا ويدتج نبا انسير عند حرمه
حمده : ان شاء الله امايه

وتطلع ان سيف وحمدوه تذكر ان محمد بعده ع الخط , وتقفط لانها كانت تصارخ ومتحمسه وايد وهي اترمس امها , اتشل الفون واتحط السماعه فإذنها

حمده : الوووووو !
محمد : هلا حمده !
حمده : اويه انته بعدك ع الخط هههه
محمد : هيه بعدنيه اسمع زعيجج
حمده : ههههههههههههه
محمد : شو كانت اتقولج امج ؟
حمده : اممممم ... ليش ماسمعت ؟
محمد : وين اسمع وانتي خاشه السماعه تحت اللحاف ماادري وين ! الصوت ماكان واضح
حمده : ههههههه , ماشي اتقول ان ابويه متصل اليوم ويتخبر عنيه اذا سرت اقدم ع الليسن ولا لا !
محمد : الليـــــــــــــــسن !
حمده : هيه الليسن ليش ؟
محمد : وليش ماخبرتينيه انج تبين اتظهرين ليسن ؟
حمده : امممم , ماادري مارمسنا فهالسالفه ومااتسوتلنا مواقف عسب اذكر واخبرك !
محمد : لا والله ! حمده !!
حمده : هلا حمود ؟؟؟؟؟؟!
محمد : حمده انا مااباج اتسوقين !
حمده : لييييييييييييييييييييييش ؟
محمد : بس جي مااباج , وانا الصراحه انصدمت يوم اني عرفت انج تبين اتسوقين !
حمده : حمود مافيها شي عادي !
محمد : شو اللي مافيها شي , اقولج انا مااباج اتسوقين !
حمده : امممم شو يعني ؟
محمد : يعني مش لازم اتقدمين عالسواقه !
حمده : لا والله ! , ليش انزين ياحمود ليش عطني سبب مقنع !
محمد : ماباج تظهرين وايد وخلاص , بالاصح مااباج اتسوقين بالمره
حمده : شو هالرمسه محمد ! , يعني انته واحد عاقل وعود
محمد : هههههه شو يخصه انزين !
حمده : انك تفهم ان انا لازم اسوق , لان انا امقدمه ع وظيفه وممكن فأي وقت يطلبوني , يعني محتايه سياره !
محمد : عندكم دريول !
حمده : محمد شو تباني اقول حق ابويه , ابويه خلاص مابا اسوق لان محمد مايباني اسوق ؟
محمد تم صااااااااااااخ : حمده سوي اللي تبينه اوكي , انا الحينه بسكر لاني مشغول شوي !
حمده : محمد !
محمد : مشغول بكلمكم عقب اوكي ؟
حمده : اوكي اوكي باي
محمد يسكر الخط


حمده حست ان رمستها قويه المفروض اترمسه بالزين وتتفاهم وياه بس هي الله يهديها , المهم نشت اتسبحت بسرعه بسرعه وبدلت ونزلت تحت وسارت بيت يدتها ويا امها ..



[ مـــدرســـة دبي الوطنيه – مدرسة سعيد ] الساعه 10:30
يدخل سيف غرفة الاخصائي الاجتماعي

سيف : السلام عليكم
الاستاذ : وعليكم السلام ورحمة الله بركاته و هلا اخويه امر ؟
سيف : والله انا ياي بخصوص اخويه عندكم هني فالمدرسه من يومين متصلين وطالبين ولي الامر
الاستاذ : انته ابوه ؟
سيف : لا انا اخوه , الوالد امسافر
الاستاذ : ايوا , اوكي دقايق بس

[ ويظهر الاستاذ عقب 5 دقايق يرد ]

الاستاذ : اتفضل اخويه غرفة المشرف
ينش سيف وييدخل غرفة المشرف يسلم ويسأل عن سبب استدعائه , شويه الا يدخل استاذ ثاني ..

استاذ خالد : السلام عليكم
المشرف و سيف : وعليكم والسلام ورحمة الله وبركاته
المشرف : هذا سيف محمد اخو سعيد محمد اللي مستدعين ولي امره
استاذ خالد : هلا اخويه سيف اتفضل
المشرف : تشرب شي اخويه سيف ؟
سيف : لا مشكور اخويه
ويطلع المشرف
سيف : امر استاذ ! خير ان شاء الله ؟
استاذ خالد : والله يا سيف مااعرف شو اقولك , اخوك سعيد كان من الطلاب المثالين
فـ تقنيه المعلومات وكان مرشح لـ افضل طالب في مجال الـ It بس ..
سيف : بس شو ؟
استاذ خالد : بس سعيد قام يدخل مواقع غير مرغوب فيها و ............... اخ
سيف ( مصدوم ومستحي فنفس الوقت ) : والله يا استاذ مااعرف شو اقولك بس السموحه منك , ممكن تزقرونه ؟
استاذ خالد : ان شاء الله

يطلع استاذ خالد ويسير يزقر سعيد من الكلاس 5 دقايق يدخل سعيد غرفة المشرف
اموخي راسه من سواد ويه , سعيد كان يدخل مواقع اباحيه ويطرش صور لـ ربع لين مااشتكو عليه الطلاب ..
.
ينش سيف مره وحده ويضربه ضرب

سيف : انته ماتستحي وعلى ويهك

ويضررررررربه ضرررب , يسمع استاذ خالد صوت يدخل الغرفة ويحاول يفج من بينهم

استاذ خالد : سييييف , الله يهديك انت ريال عود وملتزم
سيف : خلنيه ادب هالهرم , الحيوواان
سعيد : مايخصك فيه انته
استاذ خالد : استهدى بالله يا سيف
سيف : استغر الله العظيم
استاذ خالد : سعيد سير الصف

يطلع سعيد وهو يتنفس بحراره و ويه محمر من الضرب , استاذ خالد يحاول يهدي سيف ..


استاذ خالد : سيف الله يهديك هذا بدال ماتنصحه وتصل اللي استوى تضربه
سيف : انصدمت انصدمت يااستاذ , مااتوقعت يوصل لهدرجه
استاذ خالد : حصل خير ..
سيف : اي حصل خير , هذا لو مااكسر راسه مابيصطلب
استاذ خالد : سيف ! سيف انته ريال عاقل وفاهم والمفروض ماتسوي جي
سيف ينش : السموحه استاذ ع اللي استوى
استاذ خالد : مسموح بالحل الشيخ بس طلبتك واتمنى انك ماتردني
سيف : عطيتك !
استاذ خالد : خل سعيد عليه انا , انا اللي برمسه وانته اتوكل ع الله وخل الامور تتيسر
سيف : استاذ خالد السالفه مش هينه عسب اسكت عنه !
استاذ خالد : ادري عسب جي انا اللي برمسه
سيف : بس لازم ارمسه مايستوى ماانقوله شي !
استاذ خالد : بس بدون ضرب يا سيف , اخوك يا سيف فمرحله وفسن اللي ينضج فيه الانسان يعني بضربك وتهديدك له ممكن يزيد اللي يسويه ويتعقد
يسكت سيف شويه : ان شاء الله استاذ

يطلع سيف ويسير الداوم , حمده و ام سيف سايرين بيت اليده , واول ماوصلو شافو
[ مريم هناك ] خالة حمده ..


حمده : خالووووووو مريم انتي هنييي ؟
مريم : هلا حمدايه , هيه فديتج انا هني

وتسلم عليها وتدخل ام سيف وتسلم عليها , حمدوه تسأل امها وين بيسيرن ام سيف اتقولها انهم بيسيرون عند ربيعة خالتها لانها مريضه

خالتها مريم : حمدايه فديييتج اميه انتي بتمين هني لين ماترد امج صح ؟
حمده : هيه خالو , ليش ؟
خالتها مريم : يعني مابتسيرين مكان ؟
حمده : اممم لا مش حاطه فباليه
خالتها مريم : فديت قلبج انا سلومه راقده , وفديتها من زمان ماظهرتها اول ماتنش بدلو ثيابها و ودوها [ اسبنس – الالعاب ] انتي والبشكاره لعبوها شوي عن خاطرها
حمده : فااااااااااااااالج طيب كم سلومه عندي انا
خالتها مريم : فالج مايخيب فديتج

ام سيف : عاد مب اطولين هناك
حمده : ان شاء الله امايه مابطول

ويظهرن [ ام سيف , ومريم , واليده ] حمده تمت يالسه روحها ملانه تطالع التلفزيون , شويه الا نشت ويلست ع النت قالت يمكن حد اون لاين


[ .... ] : بوووووووووووووووووو .. نور نور
حمده : بسم الله سكنهم ... من وين ظهرتي انتي ؟
عفاري : من بيتنا لوول
حمده : لاصدق وينج انتي ؟
عفاري : فـ داوم , ماشاء الله ناشه من وقت اجوف ؟
حمده : ياحيج والله اتغيرين جووو ع الاقل ماادري متى بشتغل وبفتك
عفاري : يالله اللي يسمعج الحينه , ترى والله كرررااااف
حمده : دواااج , اكرفي حللي معاشج شوي لول
عفاري : ههههه الله يغربلج , انزين ليش ناشه من وقت ؟
حمده : غريبه صح خخخخخ , هاي امايه الله يهديها وعتني , بس وعتني ع خبر فرحنيه صدق
عفاري : خبرر ؟؟؟؟ ها بشري ؟ منو خطبج ؟
حمده : خطبوووج لعيال ابليس قولي امين
عفاري : امين امين خخخخخخ انزين قولي شو السالفه
حمده : الله يسلمج ابويه متصل يتخبر عنا وماادري شو هالالهام اللي نزل عليه واتذكر
اني قايلتله ابا اتعلم سواقه عاد قال لاميه انه بيرمس ربيعه وبيخلص التسجيل عسب اسير انا
عفاري : ياحيييييييج والله , فديت حمدوه اللي بتوديني الداوم عقب
حمده : اكلي خراج انزين نشاد عنج انا
عفاري : ههههههههه اصلا انا مش مينونه اركب وياج , سنه كامله مابركب وياج
حمده : خلج قد رمسج ها
عفاري : خخخخخخخخ اوكي انزين اقولج مابتين صوبنا ؟
حمده : انا صوبكم اصلا
عفاري : صدق ؟؟؟؟؟؟ انتي بيت يدتج ؟
حمده : هيه ليش ؟
عفاري : متى بتردين البيت ؟
حمده : اتريا امايه سارت المستشفى عند حرمه ويا خالتيه , و يوم بترد بسير
عفاري : افاا اتحراج بتباتين عندهم
حمده : لا اميه ماببات , ضايجه عفروه =(
عفاري : منو شوووو بعد ؟؟؟ ليكون بعلج امزعلنج ؟
حمده : بعلج ؟؟؟؟
عفاري : هههههههههههههههههههههههههههههههههه هيه بعلج , بعلج = ريلج
حمده : هههههههههههه ياظريييييفه انتي , لا انا اللي امزعلتنه
عفاري : شو امسويه بعد ياساتر
حمده : تعاااااااااااااااالي ماخبرتج !!!!
عفاري : هههههههههه ها يومين ومش امرمسات بعض كل وحده عندها خراريف ها قولي
حمده : ههههههه هيه والله , عفروه رمسته !
عفاري : ادري انزين بس شو قلتيله ؟
حمده : لا اقصد رمسته فالفون !
عفاري : جــــــذابه !
حمده : والله عفروه =(
عفاري : عنلاتج يالخايسه والله انج قووويه
حمده : بخبرج شو استوى

حمدوه خبرت عفاري سالفة الطلعه يوم طلب منها انه يشوفها و و و و ألخ

عفاري : اوننننننننننننننننه !
حمده : والله
عفاري : انزين انزين هو حلو ؟؟؟؟؟؟
حمده : انتي شلج !
عفاري : هاهاهاهاهاهاهاهي يغاااروووون
حمده : سيري ولي والله هب وقته اقولج انا ضايجه =(
عفاري الحينه شايفتنه وضايجه ؟
حمده : لا يالغبيه هالسالفه من فتره واليوم الصبح قبل لا تدخل عليه امايه ..... الخ

خبرتها سالفه [ مكالمه محمد ] يوم اتصلبها الصبح واضاربو ع سالفة الليسن

عفاري : والله انج حيوانه ماادري متى بتعدلين اسلوبج انتي ويا الناس
حمده : والله ياعفاري ماكان قصدي =( وبعدين هو مصر اني مااظهر ليسن ليش عاد ؟
عفاري : مالت عليج ماتعرفين تتفاهمين وياه ؟ جان يبتيه بالسياسه !
حمده : الحينه ماينفع اللوم , قوليليه شو اسوووووي , لانيه متلومه فيه والله =(
عفاري : اتصلي فيه !
حمده : شووووو اقوله ّ!
عفاري : ماشي اونه عاد , حبيبي << ماادري عاد اذا اتقوليله جي ولا لا خخخخ
حمده : هههههههههههههههههههههههه جلبه انزين المهم
عفاري : خخخخ , قوليله حبيبي وين انته , بعدك مشغول ؟ عاده هو بيقولج هيه ولا لا
عقب انتي قوليله محمد انا آسفه ماكنت اقصد
حمده : انزين ؟
عفاري : شو اللي انزين ! سيري اتصلي به , جيسي النبض شوفيه امغيض ولا لا
حمده : اوووكي برب شويه اظني سلومه نشت
عفاري : تيت واتصليبه وردي كلميني لاني بسير وبرد
حمده : اوكي


اتسير حمده اتشل سلومه واتزقر البشكاره عسب تغسل ويها وتسبحها وتريقها
وحمدوه الحينه اميوده الفون وادق رقم محمد !!!

يرن ... يرن , محد يرد سكرت الخط ,,, 10 دقايق وردت اتصلت ..... رد محمد !

محمد : الووو مرحبــا
حمده : مرحبتيـــن !
محمد : هلا حمده


حمده اتقول فخاطرها ( ايوواااا قال هلا حمده يعني زعلان , لانه محمد متعود يقولها هلا حبيبي ولا حياتي )

حمده : اممممم بزي ؟
محمد : آمري في شي ؟
حمده : ماشي بس متصله اشوفك شو اتسوي !
محمد : ماشي يالس فالمكتب !
حمده : حمووووووود !
محمد : هلا ..
حمده : حمووود سوووووووري =(
محمد : سوري على شو ؟
حمده : عاللي قلته
محمد ساكت
حمده : حمود والله سوري صدق متلومه فيك =( لاتزعل منيه
محمد : لا مش زعلان بس بقولج شي يمكن انتي ماتعرفينه
حمده : شو ؟؟؟
محمد : انا مااحب وحده اتراددني , ولا يوم اكلمها تيلس اتزاعج
حمده : انزين انا اسفه =( اخر اخر مره
محمد : ماشي اخر مره , لازم اعاقبج

هني حست حمده ان ردت المياه الى بواليعها ههههه المهم , تمت اتسولف وياه وتضحك

حمده : حمود انا يمكن اظهر عقب شوي
محمد : وين ع الله ؟
حمده : اسبنس
محمد : اسبنس شو اتسوين هناك ؟
حمده : بسير اودي سلومه بنت خالتيه الصغيره الالعاب لان خالتيه طلعت وقالتلي اوديها
محمد : ايوواا , اوكي اتحملي على عمرج ولا طولين هناك اوكي
حمده : من عيوني حبيبي
محمد : بس لاتنسين تراج معاقبه
حمده : هههه انزين عمي , شو العقاب
محمد : ان شاء الله بتعرفين شو العقاب , يالله سيري انتي الحينه واول ماتوصلين رمسينيه
حمده : اوكي يالله باي
محمد : باي

تركض حمدوه اتسير صوب الابتوب واتشوف ان عفاري امرمستنها

عفاري : هاااا , بشري ؟
حمده :كلولولولولوللوش رضى بس قال لازم يعاقبنيه هههههه
عفاري :هههههه شو العقاب ؟
حمده : انتي شلج
عفاري : اووووكي اوووووووكي ياناكره المعروف
حمده : ههههههه فديتج والله يالله انا بظهر لانيه مستعيله بركب السياره وبتصلبج وبخبرج كل شي
عفاري : اوكي جااووو
حمده : جاوين ^^

تركب السياره حمدوه والبشكاره شاله سلامي , تتصل حمده فخالتها واتخبرها انها بتظهر الحينه وعقب ماتسكر تتصل فـ عفاري واتخبرها باللي استوى بينها وبين محمد
قبل شوي , وقبل لاتوصل اسبنس يتصل محمد



حمده : اوييييه , عفاري برايج برايج حمود يتصل ع الخط

البـــارت الـ 4



عفاري : سلمي سلمي عليه
حمده : جلبي ويهج يالخايسه
عفاري : خاس بطنج ان شاء الله ههههههه
حمده : ههه يالله باي باي

وترد على محمـــــــد


حمده : الـــــووو
محمد : هلا حبيبي , منو ع الخط ؟
حمده : عفاريه ربيعتيه الدبه
محمد : ليش دبه ؟
حمده : حماره لانها اقولها برايج برايج حمود ع الخط اونه سلمي عليه
محمد : هههههههه اتعرف انج اترمسينيه ؟
حمده : هيه خبرتها !
محمد : سلمي عليها يوم بترمسينها
حمده : لا والله ؟؟؟؟؟ بعد شو رايكم اعطيكم ارقام بعض واترمسون بعض بالمره !
محمد : اتسوين خير ههههه
حمده : اقووولك برايك برايك اوكي
محمد : ههههههه انزين سيري استاربكس واطلبيلج كوفي اتعدلين فيه مزاجج هههه
حمده : مايحتاي اتوصي
محمد : لا والله ؟ يعني كنتي ناويه اتسيرين هناك ؟
حمده : امممم هيه كنت بطلبلي فرابتشينو وبشربه وبظهر على طول
محمد : يا سلاااااااام حلوو والله ! , انا مابقول شي بس لانه الصبح ومافي حد
حمده : انزين يالله انا وصلت برايك اوكي
محمد : اوكي يوم بتدخلين استاربكس كلميني اوكي
حمده : اوكي باي
محمد : باي


تنزل حمده من السياره ويسيرون صوب الالعاب يلعبون سلومه


حمده : ميري هاتيها هني , سلوومه حبيبي تعالي هني
سلومه : شوو هدا ؟
حمده : هاي لعبة الحصان
سلومه : شو يسوي ؟
حمده : يركض , يالله اركبيه , ميري تعالي يوديها شوي
سلومه : شو يسوي ؟
حمده : صبري الحينه بيتحرك


وتشتغل اللعبه وتستانس سلومه , وعقب ماتوقف

سلومه : بعد !
حمده : تعالي اركبي هالبطه
سلومه : شوي هدااا ؟
حمده : هاي بطه
سلومه : شو يسوي ؟
حمده : تمشي هاي البطه , يالله هووبــــاااا heheheh




وتم حمده اتلعبها من لعبه لين لعبه وراها , لين ماتعبت سلومه وحست حمده انها ياعت ودتها صوب المطاعم عسب يأكلونها طلبولها [ هابي ميل من ماكدونلز ] وطلبت وجبه حق البشكاره , وهي كانت سايره صوب استاربكس واتقول حق البشكاره اول ماتخلصين اتصليبي , واتسير تطلبلها [ فرابتشينو ] وتتصل فمحمد


محمد : هلا حبيبـــــي
حمده : اهلييييييييين , وين انته و شو اتسوي ؟
محمد : انا ؟؟ انا فستاربكس اطلب لي فرابيتشينووو
حمده : هاهاها لاتتمصخر وين انته ؟
محمد : صدق انا فستاربكس
حمده : اففف لا تستهبل عاد !
محمد : تبينيه احلف ؟
حمده : هيه احلف
محمد : ولا اقولج باي ايلس عدالج
حمده : هههه اوكي يالله تعال
محمد : حمدوووووووه , تراني باااي هاا !
حمده : اوكي يالله اشووف تعال


شويه الا واحد ييلس عدالها ---------> محمد !!!!!


محمد : يت ولا لا ؟؟؟؟؟


حمده مصــــــــــدوووووووووووووووووومه مستحيل تستوعب اللي يالس يستوي !
تبا تضحك وتصيح فنفس الوقت وفنفس الوقت قاااااااااافطه و بتموووووووووووت من الزياغ


حمده : محمد قووووووم بيشوفونيه بلييييييز
محمد : محمد يطالعها من قريب ويقول فديييييييييت هالويه الصبوحي انا والله فديته
حمده بتموووووت من القفطه خاطرها اتخش ويها تحت الطاوله
حمده : محمد بليز !


محمد ينش وييلس ع الطاوله اللي امجابلتنها ويتصل فيها , بس حمدوه ماترد هههه

جان يقول محمد بصوت عالي: بتردين ولا ارد ايلس عدالج ؟
حمده : ههههههه جب [ وتوخي راسها ]
يرد يتصل محمد
حمده : ( ساكته )
محمد : فديييت ويهج حبيبي
حمده : حمود لا , بليز !
محمد : بليز وت ؟
حمده : بليز شات آب
محمد : ياحبيبــي عااااش الانجليزي عاااش
حمده : ههههههه افا عليك اعجبك انا
محمد : تعالي تعالي تعالي
حمده : وين آي !!!!
محمد : آه فديتج تعالي ايلسي عداليه
حمده : ايييييييه وبعدين وياك يعني والله ترانيه بنش
محمد : قصورج عاد
حمده : قصوري ؟
محمد : هيه قصوووووووووووووووووووورج <<<< يمد الكلمه عسب يغايضها
حمده : واذا نشيت وسرت ؟
محمد : يالله اشوووف راويني قوتج !


اتنش حمده اونه عاد اتسوي عمرها قوووووويه وتخطف من عداله اونها بتظهر , و ايود ايها محمد مره وحده !

محمد : ردي مكانج بالزين ولاتخليني ايلسج غصب

حمده مصدوووووووووووووووووومه من اللي يستوي ! واترد مكانها من الزياغ !!
يرد يدقلها وحمده ميته من الزياغ واتقول فخاطرها معقوله هذا شرات باقي الشباب طايش !

حمده : ( ساكته )
محمد : الووو
حمده : هــا
محمد : شو ها بعد ! قولي لبيه
حمده : ( ساكته )
محمد : شووو فيج ؟
حمده : محمد مووول مول ماكان له داعي اتسوي اللي سويته !
محمد حس انها زعلت من الحركه : حمده مافي حد وبعدين عادي مابينا هالسوالف نحن
حمده : اي سوالف تطري ! نحن فمكان عام ويعني عادي اي حد يشوفنا
محمد : ماسويت شي انا , انا جي مع اللي يعاندني
حمده : ( ساكته )
محمد : انزين قوليلي متى بتردين ؟
حمده : والله ماتوقعتك جي !
محمد : كيف يعني جي ؟
حمده : جي , اقصد الحركات اللي سويتها توه
محمد : حمده ؟
حمده : هــا
محمد : بعد قالت ها , هاللي بنش اضربها الحينه
حمده : هلا ؟
محمد : شوفينيه
حمده : لا مابـا
محمد : حمدوووووووووه ! شوفينيه


حمده ترفع راسها اتشوفه وترد اتوخي

محمد : لا والله ؟ ههه تلعبين ويايه انتي ؟ حطي عينج فعيني
حمده : لاااااااااا محمد مابااا والله ماباااا
محمد : حمدووووووه حطي قلتلج !
حمده اتحط عينها فعينه وهيه مييييته من القفطه ومحمد يطالعها ويقول
محمد : انا ممكن اأذي عمري ولا ااذي اللي احبهم يكون فعلمج يعني واللي استوى
من باب القهر ولا تنسين تراج زعلتيني وماتعاقبتي لين الحينه

عقب هالرمسه ارتاح قلبها شويه

حمده : بعدك انته ؟
محمد : هيه بعدنيه
حمده : انزين قوليه شو العقاب ؟
محمد : لا هب الحينه
حمده : لالا الحينه يالله قول
محمد : حمدووووووووووه خليها عقب ترى ابرك لج انتي انا ماعندي اي مشكله
حمده : قول قول عادي
محمد : وبتسوين اللي بقولج عليه ؟
حمده : اممم اذا شي فيه تعالي ايلسي عدالي ولا هالسوالف لا هب قدها
محمد : لالا هالطلب مابيخليج اتنشين من مكانج
حمده : اوكي عطيتك يالله قول !


يرن الخط الثاني [ ميري بشكاره خالتها تتصلبها ]


حمده : اوييه ويت ويت البشكاره ع الخط
وترد ع الخط
حمده : ها ميري خلصتي ؟
ميري : اي همدا كلاس
حمده : اوكي سيري باثروم = الحمام واغسلي ادين سلومه وانا باي الحينه

وتسكر واترد ع محمد

حمده : الووو
محمد : هلا , شو بتسيرين ؟
حمده : هيه
محمد : بس هب قبل لاتنفذين العقوبه

حمده : هههه انزين يالله قول
محمد : اتحطين عينج فعيني واتقولين احبك
حمده صارخت : لاااااااااااااااااااااااااااااااااااااااااااا
محمد : ههههههههههههههه اوووش ياحماره
حمده : هههههههههههههههههههههههههههه سوري لا مابا مابا والله استحيييييي
محمد : اشووف توه عطيتك وماادري شو
حمده : ههههههههه ماكنت ادري انه الطلب جي بيكون قووووووووووووووووي
محمد : مشكلتج يالله قولي ولا تأخرين عمرج
حمده : محمد مااروم مااروم !
محمد : يالله يالله قولي احبك وسيري على طول

حمده بتموووت مااتروم على هالطلب قلبها يدق من الزياغ والقفطه , شويه الا البشكاره ردت اتصلت ! بس حمده ماردت , وقالت مالها غير انه اتبيعها بشرف واتقول هههه


حمده حطت عينها فعينه وقالت : احبــك !
محمد : آآآآه قلبـــي حط راسه ع الطاوله
حمده : هههههههههههههههههههههه يالله انا بسير باي باي
محمد : لا لا ويت , شوفينيه
حمده تطالعه : ها شووو
محمد : وانا امووت امووت فيج حبيبي
حمده : هــــــــا ؟ مااسمع يقطع يقطع ماشي ارسال
محمد و حمده : ههههههههههههههههههههههههههههههههههههههههه
محمد : يقطع ها فديتج والله اني متخبل عليج
حمده : بعد يقطع مااسمع
محمد : ههههههههههههههههههههههههههههههه فديتج وربي

حمدوه اتخبلــت اتمنت ان الارض تنشق وتبلعها , تمت تضحك نشت بدون لاتقول شي وسارت صوب سلومه والبشكاره وسكرت عنه , نش محمد وطلع ورد الدوام وهو فالدرب
اتصل فحمده !


محمد : الـــووو
حمده : هلا حمود
محمد : قالوووولي احبـــك اليوووم
حمده : ( تستهبل ) هــا ؟؟؟ مـنـوو اللي قالك ؟
محمد : وحـــده حلووووه
حمده : منـــوووووووووووووووووووو هـــــــاي يالكلب !
محمد : ههههههههه وحده اححححبــهاا
حمده : وانا =( ؟
محمد : فديييييييييييييييييييييييييتج انتي وفديت امج وابوج يوم يابوج
حمده : هههههههههههههههه ياحمار مايخصك فأمايه وابويه
محمد : فديتهم والله

يرن الخط الثاني [ ام سيف ]

حمده : اويييه عمرها طويل , هذي ع الخط ويت ويت اوكي

اترد حمده ع الخط

حمده : هلا امايه
ام سيف : وييييينج انتي ! متى ناويه اتردين
حمده : امايه راده والله فالسياره انا
ام سيف : يالله بسرعه متأخره بسير اشوف شو امسويه هالبشكاره
حمده : انزين اتريينيه فالسياره انتي , لان اول مابوصل بركب السياره مابدخل بيت يدتيه
ام سيف : يالله يالله انزين برايج


اترد ع الخط

حمده : هلا حمود
محمد : اقولج جوفي جوفي وراج

حمده تطالع ورى , الا محمد ووراهم , حمدوه مصدومه ! [ اتقول فخاطرها ] الحينه بيي ورايه وبيدل بيت يدتيه !!

حمده : اييييييه , يا حمار !
محمد : شو فيج ابا اردج البيت واطمن عليج حبيبي
حمده : ايييه لا تستهبل يالله سير بتتأخر ع دوامك
محمد : ههههي لا لاتخافين مابتأخر
حمده : يالله عاد سير ترانا وصلنا صوب بيت يدتيه
محمد : اوكي فديتج احبج
حمده : مي تو يالله باي

توصل حمده بيت يدتها ومحمد واقف ع صوب بس حمده ماتدري , ويشوف حمده تركب سياره ثانيه استغرب ! كان بيتصلبها بس ماتصل لان مايباها اتعرف انه بعده وراهم , عقب قال بيلحقهم وبيشوف وين بيسيرون , طبعا حمده وامها رادين البيت

[ فالسياره ]

ام سيف : مابغيتي ياميه خيستينيه
حمده : امايه زحمه شسوي انا
ام سيف : اتصلتي فأبوج ؟
حمده : لا الحينه بتصل

وتتصل حمده فأبوها وتحطه ع المايك ,,, يرن يرن بس ابوها مايرد ... اتسكر شويه الا بوها رد اتصل , اترد عليه واتحطه ع المايك

بو سيف : مرحبـــا الساع
حمده : مرحبـــا ملاااااايييييين ولايسدن
بو سيف : حي الله بـ شيخة البنات
حمده : الله يحيييك ويبجيييك يا شيخ الريايل=P
بو سيف : اشحالج فديتج ؟ عساج الا مرتاحه ؟
حمده : بخير وسهاله ومن صوووبك الغالي ؟
بو سيف : بخير دامج بخير فديتج
حمده : يعله دوووووووووووم هب يوم
بو سيف : وياج ان شاء الله
حمده : اشحاله يدي ؟ ان شاء الله بخير
بو سيف : الحمدالله ع كل حال
حمده : ( تستهبل تزقره باسمه ) محمـــــــد
بو سيف : عيووووون محــمد
حمده : هههههههه لا لا لاتتهور ترانيه حاطتنه ع المايك والتحريات عداليه
بو سيف : هههههه عطيني اياها
حمده : انزين لحظه لحظه رمسها عقب لان من ويها يبين انها تبا اتقولك شي بس ماتبانيه اسمع هههههههههههههه
بو سيف : هههههههههههه انزين قولي شو عندج ؟
حمده : اول شي شكرا مقدماً , وثاني شي رمست ربيعك ؟
بو سيف : هيه ابويه دقيتله بس مارد , ان شاء الله بيرد يدقليه وبرمسه وان شاء الله خلال يومين كل شي بيكون جاهز يعني ورى باجر انتي بتبدين حصصج
حمده : فدييييييييييييييييييت ابويه انا والله ليتك هني جان عطيتك بوسه ع راسك ورديت شعرك الابيض اسود ههههههههههههههههه
بو سيف : ههههههههه يالشيطانه انتي انزين يالله برايج انا بسير السفاره الحينه وبرد اتصلبكم عقب
حمده : اوكي هذي امايه اتسلم عليك واتقولك اتولهت عليك متى بترد ههههه

ام سيف : حسبي الله عليج يالجذابه

بو سيف : ههههههههه فديتها الله يسلمها , يالله برايكن برد اتصل عقب
حمده : اوكي اوكي فداعة الله
بو سيف : فداعة الكريم

5 دقايق ويوصلون البيت , ومحمد بعده وراهم ( يعني عرف وين بيت حمده ) , وحمده ماتدري ان محمد لحقهم لين البيت , الساعه 1:30 الظهر حمدوه يالسه ويا امها فالصاله وايسولفون وحمدوه حاطه راسها واتفكر فاللي استوى اليوم

ام سيف : حليلها ام عيسى الله يشفيها ان شاء الله
حمده : امين , امايه جي شو بلاها ؟
ام سيف : الله يعلم يااميه هب طايعين يقولولها بس الظاهر الله يحمينا كلنا فيها السرطان
حمده : اميييييه بسم الله , حرااام والله =(
ام سيف : الله يشفيها ويكون بعون عيالها !
حمده : عندها عيال ؟
ام سيف : هيه واعليه عليهم 4 , بنتين و ولدين اكبر واحد عمره 25 والصغيرون عمره 7 وبنتها العود اظنيه اصغر منج بـ سنه ومريومه عمرها 5 سنين
حمده : اففف حرااااااااام صغــااارر =(
ام سيف : وريهلها امعرس عليها بعد الله يعلم منو بيداري هالمساكين بعد عينها
حمده : عنلاته وهذا مايعرف انها مريضه !
ام سيف : لا يااميه محد كان يدري
حمده : اوييييه والله حرام
ام سيف : الله يكون بعونهم ان شا ءالله

شويه الا تيلفون البيت يرد , متصلين من بيت [ مريم ] خالة حمده ...


ام سيف : الووو مرحبـا ؟
مريم : مرحبتين ختيه اشحالج ؟
ام سيف : هلا ام جاسم بخير وسهاله
مريم : ها وصلتــوو ؟
ام سيف : هيه من زمان , انتي وين بيت امايه ؟
مريم : هيه ياختي قلنا بنتغدا عندها اليوم انا وعياليه
ام سيف : اتسوين خير والله
مريم : انزين بتخبرج اشحاله بو محمد ؟
ام سيف : والله بخير الحمدالله ع كل حال
مريم : الحمدالله , ماقالو متى بيردون
ام سيف : خلال هالاسبوع ان شاء الله لانهم انخلصين التحاليل بس هب لاقين حجز لانهم ماخذين تذكره مفتوحه
مريم : هيه , يالله الله يردهم بالسلامه ان شاء الله
ام سيف : اميييين ان شاء الله انزين انتي متى بتردين بيت ؟
مريم : ماادري والله يمكن باجر
ام سيف : عيل تعالولنا اليوم ع العشـا و انتي وامايه وعيالج
مريم : اليوم ؟
ام سيف : هيه اليوم لاتقولين ماترومين
مريم : لان شاء الله بنيكم اليوم
ام سيف : خلاص خير ا ن شاء الله بنترياكم
مريم : ان شاء الله يالله عيل فديتج بخليج لان اسمع سلامي اتصيح
ام سيف : برايج عيل فديتج مع السلامه
مريم : مع السلامه

واتسكر ام سيف واتسير المطبخ اتشوف شو عندهم وشو ماعندهم وحمده تتصل فـ عفاري


حمده : الـوو
عفاري : هلا حمدوه بزي برد اكلمج
حمده : افففففف برايج
عفاري : ههه اكيد مستوي شي
حمده : جفت حمود فـ اسبنس ولو اقولج شو استوى والله بتقولين اخر فلم هندي حضرتيه
عفاري : هههههههههههههههههههه انزين انا مشغوله الحينه واول ماارد البيت بتصلبج
حمده : ههههه اوكي باي
عفاري : باي


اتنش حمده واتسير حجرتها تاخذلها شاور ع السريع واتنزل , اتشوف امها يالسه فالصاله


حمده : امايه كنتي تعزمين منو انتي ؟
ام سيف : خالتج مريوم وعيالها
حمده : بيون عندنا اليوم ؟
ام سيف : هيه ان شاء الله
حمده : انزين سويلنا هالـدياي اللي وياالصلصه الييضه اممممممم لذيذ
ام سيف : هيه انتي بس فالحه تتأمرين وتتشرطين هب فالحه اتحطين اديج فـ شي
حمده : خلاص خلاص مابا ياااكلمة ردي مكانج
ام سيف : بس لاترمسين وايد وسيري شوفي خلوف وين
حمده : سمعت صوته وانا سايره فوق اكيد فحجرته

شويه الا خلوف ينزل

خليفه : اماااااااااااااااااااااااااايه وين سرتي ؟
ام سيف : وفدييييييييييييت اخر العنقود انا تعال فديتك تعال
خليفه : قوليلي وين سرتي قولي قولي
ام سيف : سرت المستشفى امايه
خلفيه : ليش ؟
ام سيف : ربيعتيه مريضه
خليفه : بتموت ؟
ام سيف : لا بسم الله عليها الله يشفيها ان شاء الله
حمده : ههههههههههه ها كل شي عنده بيموت وبتموت
خليفه : جب انتي
ام سيف : سكتي انتي مايخصج
حمده : اويييه شوو هــــــا ؟ [ تطالع ريول خلوف تشوف فيها قرحه من تحت ]
خلووف : اييييييييييييه جب
ام سيف : هاي الحبه الصغيره جي استوابها
حمده : انزين ودوه المستشفى !! عن تكبر الزياده
ام سيف : منو بيوديه دام ان ابوج هب موجود
حمده : قولي حق ولدج معالي الشيخ سيف
ام سيف : فديته ها مشغول ولا جان ودانيه
حمده : هيه امررره مشغول كل اشغال الدنيا عراسه
ام سيف : خلوف حبيبي قوم خلنيه اشوف البشكاره شو سوت

اتنش ام سيف واتسير المطبخ و حمدوه و خلوف يطالعون التلفزيون , حمدوه اتلعوز خلوف


حمده : خلفوووه باجر بنوديك المستشفى اوكي
خليفه : جب انتي
حمده : بنوديك هناك بيشربونك دوى مررررررررررر
خليفه : جــــاااااااااااااااااااااااااب
حمده : ههههه وعقب بيضربونك ابره فريولك
خليفه : يصييح جاااااااااااااااااااب ماباااااااااا سيييررر
حمده : هههههههههههههههههههههههههههههههههههه وعقب بيقصون ريولك
خليفه : يصيييييييييييييييييييييييييييييييييييييييح


ام سيف اتسمع صوته وتربع , : شوووو فيك
خليفه : حمدوه الحيوانه اتقول بيقصون ريوليه ويصييييح

حمدوه تركض اتسير الحجره لانها تدري انها بتتهزأ

حمده : هههههههههههههههههههههههههههههههههه ياويلك واتأشر له ع رقبتها بيذبحونك ههههههههههههه
ام سيف امغيضه : حسبي الله عليج من بنت
حمده من فوق : هاهاهاهاهاهاهاهاهاهاها خلوووف فديت روحك انا

تــــــــابــع




حمدوه تركض اتسير الحجره لانها تدري انها بتتهزأ

حمده : هههههههههههههههههههههههههههههههههه ياويلك ههههههههههههه
ام سيف امغيضه : حسبي الله عليج من بنت
حمده من فوق : هاهاهاهاهاهاهاهاهاهاها خلوووف فديت روحك انا



اتسير فوق واتحط راسها , وتتصل فـ محمد اتشوفه وين


حمده : الـوو
محمد : هلا حبيبي
حمده : اهلييين وينك ؟
محمد : راد البيت
حمده : الساعه 2 يخلص دوامك ؟
محمد : لا مايخصه , يوم امل ارد البيت
حمده : ههههههه خوش دوام والله , شغلونيه عندكم
محمد : هههه فديتج انا تامرين امر بنخليج المديره
حمده : و اول واحد بيتفنش على ايدي انته هههههههه
محمد : هههه افــا ليش عاااد
حمده : مااداني الناس بطرانه انا
محمد : يا حبيبـــــي عاااشت حمده وايد عشتي الدور اشوف
حمده : خخخخخ , انزين عيل برايك بسكر بسير اتعدل =P
محمد : تتعدلين ؟ ليش ان شاء الله , مااحيدنيه قلتلج باي بيتكم
حمده : هههههههههـ , لا لان خالتيه وعيالها بيوون بيتغدون بيتنا
محمد : عيــالها ؟
حمده : هيه جاسم وحميد اخوان سلومه اللي كانت ويايه فـ اسبنس
محمد : ايــواا , كم عمارهم ؟؟؟؟؟؟
حمده : جاسم 22 وحميد 16 ^_^
محمد : مستانسه بعد ؟
حمده : هههههههههه ليش يعني ؟
محمد : اونه بتعدددددل
حمده : اويييه محمد شو يعني عااادي مافيها شي
محمد : لا اغار انا !
حمده : ههههه من عيال خالتيه عاد ؟
محمد : هيه !
حمده : خلاص انزين مابتعدل زين جي ؟
محمد : هيه زين ^^
حمده : هههه انزين برايك عيل
محمد : اوكي حبيبي احبــــج
حمده : مي تووو =$ , بـاي
محمد : بـاي ياعمري


اتسكر حمده واتسيــر اتبدل وتنزل تحت اتشوف شمه راده من الداوم



حمده : شموه شموه .. خالو مريوم وجاسم وحميد بيون يتغدون عندنـا
شمه : اونه !
حمده : والله
شمه : امـــــــــــــايه
ام سيف : هلا امايه
شمه : متـى بتي خالو مريوم ؟
ام سيف : ياين فالدرب الحينه يالله سيري بدلي واتريهم


اتسير شمه فـوووق , وحمده ادور خلووف عسب اتبدل ثيابه

حمده : خلفـوووووه ويييييينك ؟ ... خلوووووووف .. خليييفه ويييينك يحمااار
ام سيف : اشحقـى اتزاعجين انتي
حمده : ادور ولدج ماادله وين
ام سيف : شوفيه برع فالحوي يمكن

واتسير حمده صووب باب الصاله واتزقره

حمده : خلــووووف ؟؟
خليفه من بعيد : هــــــــــــــــا
حمده : وييييينك ؟
خليفه : هني عند الزراع
حمده : انزين تعال بدل ثيابك , سلومه بتي الحينه
خليفه : انزين

واتدخل حمده , شويه الا سيف داش وشكله موووووول مايبشر بالخير

حمده : هلا سيف , اميه اتقولك بدل ثيابك وانزل اتغدى ويانا اليوم لان خالو مريم وعيالها بيون

يمشي سيف ومايرد عليها ويسير فوق حجرته

حمده اتقول فخاطرها ( جهنم ان شاء الله )

شويه الا سعــيـد يدخل و ويهه مو على بعضهـ

حمده : هـــا بو شباب بلاك ؟ جنك ماكل خرا ؟ خخخخخ
سعيد : وين اميه ؟
حمده : فالمطبخ , سير بدل قوم حميد يبون الحينه
سعيد : بيون بيتنا ؟
حمده : هيه

ويسير سعيد صوب المطبخ , يدور امه


سعيــد : امااايه ؟
ام سيف : هــا , يت ؟ شو امسوي فالمدرسه ؟
سعيد : يصارخ هالحيوان سيف يه المدرسه وضربنيه جدام الاستاذ ( وعيونه اتغرغر وده يصيح )
ام سيف : شــــوووو ؟؟؟؟ ضربك ؟؟؟ جــي شووو امسوي ؟ شو امهبب ؟؟؟؟؟؟


حمده تسمع صوووت امها وهــي اتصارخ وتربع اتسير صوووب المطبخ تبا اتعرف شو السالفه

حمده : شبلاكم اتصارخووون ؟
ام سيف : هالهرم , ماادريبه شو امهبب من مصايب سيف سايرله المدرسه وضاربنه
حمده ( اتفج عينها ) : شت ضاربنك ؟
سعيد : هيييه الحيوان
حمده : لييييييييييييش ؟
سعيد : ماادري
ام سيف : ماتدري هااا ؟


ويطلع سيف من المطبخ ويسير صوب حجرته , شويه الا سيف نازل من فوق , ويجوف سعيد ساير فوق الحجره يزخه ويزغده من ثيابه

سيف : شوو يالهرم والله لو مب خالتيه وعياله ياين اليوم جان ادبتك يا مسود الويه , اتسير اتبدل الحينه وتنزل ولا بتوبك اتيبه وياك وانته نازل

سعيد يشل ايد سيف من ثيابه ويسير فووق , سيف يسير صووب المطبخ

سيف : السلام عليكم
حمده , ام سيف : وعليكم السلام
سيف : متى بيون ؟
ام سيف : فالدرب امايه ياين , تعال بتخبرك شو سالفة اخوك , شو قالولك ؟
سيف : ماشي راسب فـ كذا ماده و متصلين يعرفون ليش دراجاته نازله
ام سيف : لان راسب ضاربنه ؟؟؟؟؟؟؟؟؟؟؟؟؟؟؟؟؟
سيف : ضاربنه ؟ منو قال ؟؟؟
ام سيف : هـو قال !
سيف : خراااط الهرم يودته من اذنيه بس !
ام سيف : لا حوله ولا قوة الا بالله , كله من هالكمبيوتر اللي ييلس وراه
سيف : ماعليه اذا ماقطعته انا هالنت هين !

حمده اتقول فخاطرها ( لاااااا شت , حيواان هالانسان لازم لازم يغثنا ) , يطلع سيف وهو طالع يقول لأمه ..

سيف : انا ساير الحجره واذا يو طرشي حد يزقرنيه
ام سيف : ان شاء الله عاد هب ترقد

ويطلع سيف , حمدوه تعال امها واتقول

حمده : ههه ههه هههاااي ها امطوع ويجذب الله يعين الاجيال اليايه << مايخصه !
ام سيف : انطبي يالله وسيري جوفي خلوف وين

تطلع حمده واتيلس فالصاله شويه الا ( طنــــق طاااانق ) حد يدق الجرس
اتنش حمده وتلبس شلتهــا وتسير صوب باب الصاله , واتشوف حميد وسلومه وخالتها مريم داشين


حميـد : سلملم
حمده : هلاااااا مصنع القطن خخخخخخخخخخخ
حميد : ههههههههه جديمه انتي
حمده : هههههههههههه شو اليديد عيل
حميد : ماشي يديد هاج شليها
حمده : هاتهــا فديييييييييييت هالويه انا سلامي عطيني بوووسه
سلامه : وين ليفه ؟
حمده : الليفه فالمطبخ خخخخخ خلووف داخل تعال حبيبي بوديج عنده
مريم : هههه وينهم عيل شماني وامج ؟
حمده : داخل خالووو حياااج , عيل جاسم وين ؟
حميد : يبركن السياره ..


يدخلوون ويقعدون فالصاله , شويه الا يدخل جاسم ..

جاســم : هووود هـووود
حمده : حيااااااك ولد خالتيه حياااااك
جاسم : السلام عليكم
حمده : وعليكم السلام ورحمة الله وبركاته
جاسم : اشحالج حمدوه ؟
حمده : بخير وسهاله ومن صووبك ؟
جاسم : بخير دامج بخير


تدخل ام سيف و شمه اتكون توها نازله من فوووق

ام سيف : حي الله جااااسم وحميد
جاسم : الله يحيييج خالتيه ينش ويبوس راسها
ام سيف : اتبوس الكعبه ان شاء الله
جاسم : آمييين
حميـــد : هلا خالتيه اشحالج ويبوس راسها
ام سيف : هلا حبيبي بخير ونعمه استريحو فديتكم
حمـيد : عيل وينه سعوود ؟
ام سيف : سعود من شويه راد من المدرسه تلقاه فحجرته فوق سيرله فديتك

ينش حميد ويسير فوق

حمده : اقوووول حمييييد تعال خبرني عن شعووورك يوم دخل والقطن فخشمك ههههه
كلهم : ههههههههههههههههههههههههههههههههههههههههههههههه
جاسم : خبروكم ؟ خخخخخخخ
شمه : هههههههههههههه هيه متنا عليه من الضحك
جاسم : هههههههههههههههههه كمخه هالولد وربي
مريم : هههههههههههههه حرام عليك لاتقول عنه كمخه
جاسم : ههههه عيل هالياهل اتحطله قطن ومايحس فيه الا عقب ماينش ؟

البــارت الــ 5




ام سيف : هههههههه حرام عليكم يمكن كان امسطل
جاسم : امسطل عاد مايحس بشي ؟ خخخخ
مريم : عاد اللي يسمعك الحينه انته روحه رقاااادك رقاد اهل الكهف
حمده : ههههههههههههههههههههههااااي هلا بأهل الكهف
جاسم : هههههههههههههههههههههههههه مشكوره امايه هههه
ام سيف : حمدوه سيري ازقري اخوج سيف
حمده : امايه هب متفيجه خلي البشكاره اتسير
مريم : هذي ميري بتسير , ميري سيري حجرة سيف وقوليله ينزل
ميري : ان شاء الله مدام
ام سيف : عيل خلونيه اسير انجب الغدا
مريم : خلينيه آي وياج عيل
ام سيف : ولا والله ماتقومين من مكانج
مريم : لا تحلفيييين , خلينيه اساعدج شويه
ام سيف : اتساعدينيه على شوو خلصت البشكاره كل شي
مريم : الله يهديج يا شيخه , برايه انزين خلينيه اي

وينشن مريم و ام سيف ويسيرن المطبخ , وجاسم وحمده وشمه يسولفون

جاسم : اقول حمدوه , ماشووفج الحينه ع المسن ؟ قبل 24 ساعه امداومه فيه
حمده : من عييييينك من كثر ماتقول بل وبل
جاسم : هههههههههههه دواج عيل حد يدخل الساعه 4 الفير ؟ مأذن يبا يأذن باللي فالنت خخخخخخخخخخخخخخ
حمده : الحينه اضحك ولا ابتسم ؟ ولا شو السالفه يعني ؟
جاسم : هههههههههههههه كيفج
حمده : اصلا غيرت ايميليه انا
جاسم : والله ؟ ايا النذله وماسويتيليه ادد ؟
حمده : نسيت ههههههه
جاسم : هاج تيلفونيه سجلي الايميل فيه
حمده : هـــات ( تكتب الايميل واتخزنه واتم تتعبث فيه )
شمه : اقوولك متــى خذت هالفون ؟
جاسم : من اسبوووع
شمه : شو مواصفاته ؟
جاسم : الصراحه هب لين اهناك احس بس مظهر
شمه : والله ؟ وانا ابا اخذ مثله

شويه الا ينزلون حميد وسعيد , سعيد يسلم عليهم ويقعدون , 5 دقايق ينزل سيف

سيف : السلام عليكم ورحمة الله وبركاته ( ويسلم عليهم ويقعد وياهم )
جاسم : ويييينك يا ريااال ماتنشااف موول
سيف : والله موجوود بهالدنيا , عيل وين خالتيه
حميد : فالمطبخ

يصد على حمده يشوفها تتعبث فـ تيلفون جاسم يطالعها بنظره , وحمده مااداني هالمواقف , واوانها بترقع السالفه الحينه

حمده : شمووه هاج جوفي , بالعكس اشوفه وااايد حلوو
شمه : لا اميه ماباخذه مافيه يطيح بجبدي عقب
حمده : جاسم شو اللي هب زين فيه ؟
جاسم : هب السالفه انه هب زين فيه , بس احس هب لين هناك
سيف : هاتي هاتي اشووف

تعطيه حمده الفون وهي زايغه اتخاف يشووف الايميل
( عاد ها مطوع وكل شي منقود عنده ) , ويتم يتعبث فيه شويه الا ام سيف تزقرهم

ام سيف : يالله ياعيــال تعـالووو

وينشوون ويسيرون غرفة الطعام , ويتمون ياكلون وايبون طاري بو سيف ومتى رجعته

ام سيف : عطاري ابوك سيف , تراه بيرد عقب باجر ان شاء الله
حمده : والله ؟؟؟؟؟؟؟؟؟؟؟؟
ام سيف : هيه وقاليه اقولك , عسب اتمر عليهم
حمـده : امايه انا بســــــيرررررررررر
سيف : استريحي مكانج اميه ابرك
شمه : ماقالج الساعه كم بيوصلون ؟
ام سيف : ماادرييبه والله ومايا عباليه اسأله
شمه : ماعليه انا بتصلبه عقب وبسأله
حميــد : حمدوووه عطينيه الخاشوقه
حمـــده : اندوووك
شمـــه : خلووووف يالحمار اكل عدل
ام سيف : بلاج ع الولد خليه ياكل
جاسم : خلافي حبيبي أكلها , اكل شماني هههههههههه
شمه : هههههههههههه بصفعه والله
حمده : هههههههههههههههههههههه فدييته انا والله
سيــف : الحمدالله
مريم : وين يا اميه توك ماكلت شي
سيف : لا فديتج خالتيه انا متغدي بس اتغديت مره ثانيه عسب خاطركم
مريم : فديتك انا بالعافيه
سيف : الله يعافيج خالتيه

وينش سيف , وحمده وشمه يرتاحون نفسياً لان يوم هو يالس مايرومن يسولفن ع راحتهن

حمده : خالتيه متى بتردون البيت ؟
مريم : والله مادري يوم الشيخ جاسم بيامر
جاسم : احم و يالله قومو انسير
حمده : هههههههههههههه هاللي ماينعطى ويه
جاسم: هههههههه لو سمحتي
مريم : ههههههه يالله عاد هب عاد الحينه تونا ماكملنا غدانا
ام سيف : هههه فديته يسولف , اصلا بتتعشون عندنا اليوم
مريم : لا ام سيف فديتج البيت مهدود ومافيه حد
ام سيف : مريم الله يهديج الا يوم واحد
جاسم : خالتيه ماعليج منها الشور شوريه ومتى ماابا انا بسير
ام سيف : فديتك انا والله
حمده : اقول امايه لا تعطينه ويه وايد
ام سيف : اسكتي انتي
حمده : ههههههههههههههه افاااا
ام سيف : عيل اليوم الظهر انا فـ عز شغليه فالمطبخ وهيه يالسه الا تتحرش بأخوها
حمده : هههههههههههه ولدج دلوع
جاسم : امحححححق , هاتو بسويه ريال
مريم : هههه حرام عليكم خليفه ريال
خليفه : ههههه انا يــيـااال
الكـل : هههههههههههههههههههههههههههههههههههههههه
حمده : فدييييتك انااا والله حبيبي انته
سلامه : انا بعد =(
الكل : ههههههههههههههههههه
شمه : انتي حبيبي انااااا انزين
سلامه : لاااا حبيبي امدايه

واتنش حمده من مكانها واتسير عند سلامه

حمده : حياااااااااتي وتلومونيه لو عضيتهااا اتلومونيه اديييت رووحج انااااا
حميــد : اييييه شويه شويه على اختيه مالنا غيرها
حمده : اسكت انته لاتخلينيه اخليها ادخل فخشمك فلفل احمر
الكل : هههههههههههههههههههههههههههههههههه
حميد : اووهووووو محد يخبرها شي هاي
حمده : هههههههههههههههههههههههه

وعقـب مايخلصون الغـدا ينشون ويسيرون الصاله

ام سيف : مريم نشي سيري الحجره وحطي راسج ارقدي شوي
مريم : لا فديتج خلينيه طايحه هني
ام سيف : مابيخلووونج هذيلااا , طووفي انسير فوق الحجره
مريم : لا وين اينيه رقاد وسلامي واعيه مااروم
ام سيف : كلهم يالسين بيشوفونهــا
مريم : انزين تعالي شوي خلي معدتيه تهظم الاكل اللي كلته


ويتمون يسولفون كلهم , شويه وتيلفون حمده يرن ( ع التلفزيون )
اتسير حمده واتطالع الا محمد يتصل تقول فخاطرها مووول مب وقته

حمده : الـوو مرحبـا
محمد : هلا حبيبي
حمده : اهلييييين وينج ؟
محمد : منسدح برقد شوي

جاسم يتم يأشرلها اترمسين منووو ؟؟؟؟ , حمده ماتسويله سالفه

حمده : انزين هب مشكله رقدي انتي الحينه وبكلمج عقب
محمد : مابا , ابا ارقد ع صوتج

شويه الا جاسم يصارخ : اييييه حمدووه سيري هاتي الابتوب مالج شوي

محمد : منـوو ها ؟
حمده : هههههه ولد خالتيه
يصارخ جاسم : سلمي سلمي خخخ

حمده : هههههههههه جب انته ,
محمد : هيه جي السالفه يعني عيل برايج اميه تيك يور تايم ويا ولد الخاله
حمده : ماعليه بكلمج يوم بفضـى
محمد : برايج باي
حمده : مع السلامه



واترد حمده وتيلس وياهم

ام سيف : اقولج مريم , ان شاء الله اول مايرد محمد وعمي بنسير الشاليهات كلنا عاد مااباج اتقولين لا !
مريم : افــا عليج والعزيمه عليه انا بـ مناسبة عوده عمج
جـاسم : يالله من زمان ماظهرنا رباعه
ام سيف : جي انتو اتبينون عسب الواحد يظهر وياكم
جاسم : شنسوي خالتيه اشغال الدنيا
شمه : عداااال اللي يسمعك الحينه بزنس مان
جاسم : هيييه نعم عيل شو تتحرينيه
حمده : جاااسم شو رايك اقدم عندكم سوليه واسطه خخخ
جاسم : يالله مناك ماعندي انا هالسوالف واسطه ما واسطه
شمه : هههه ماعليييييه اقص ايدي اذا هب كل اللي متوظفين الحينه ربعك
جاسم : ههههههههه , هو هب كلهم , نصهم هههههههههههه


حمــيد : امايه انا وسعود بنسير المووول
مريم : منو بيوديكم ؟
حميد : الدريول
ام سيف : عاد لاتتأخرون حبيبي لان سيف بيعصب عليكم
حميد : ان شاء الله خالتيه
سعيد : امايه ابغي بيزات
ام سيف : سير هات شنطتيه
مريم : تعال تعال فديتك انا بعطيك
ام سيف : لا والله ماعطيته
مريم : شوييييخ انتي شبلاج اليوم كل اتحلفين
ام سيف : ههههههه ماعليه انا بعطيه

ويسير ايبلها الشنطه وتعطيه البيزات ويسيرون المول , وينشن مريم واتشل سلامه وياها وام سيف يسيرن يرقدن , وتمن حمده وشمه وجاسم فالصاله يسولفون


شمه : اقووول جاسم شرايك اتحوطنـا اليوم ؟
جاسم : افاااا علييييج كم شماني عندي انا
حمده : هيه والله من زمان ماظهرنا
جاسم : نعم , نعم اختي ؟ شو تبين انتي ؟ ليش داشه عرض ؟
حمده : ههههههه لااااا ؟؟؟ والله انكم بدونيه ماترومون اتسيرون
جاسم : ههه والله انج نذله
شمه : لا تستهبلين انتي بعد , انزين عاد وين بنسير
جاسم : اي مكان تبون

واتنش حمده واتسير اتيب لابتوبها وترد , وقبل لا تنزل
طرشت مسج لـ محمد :

[ حبي اذا دخلت النت ولقيتنيه اون لاين لاترمس , لان بكون يالسه ويا جاسم وشماني مافيه يحسون بشي ]


جاسم : هاتي هاتي الابتوب هني شويه
حمده : لحظه لحظه شويه خلنيه اجيك ع الايميل
جاسم : عاااد ماادري منو هاللي ماعنده سالفه يطرشلج ايميل
حمده : جب جب انته

تدخل حمدوه مسنجرها وتحطهـ عـ الاوف لاين , وتعطيه الابتوب

حمده : هااك , بس ياويلك لو رمست حد ترانيه ع الاوف لاين
جاسم : افـا عليييك , بكتب نكنيمج , انا واحد مزيون وبحط الرقم وبس خخخخ
حمده : ههههههههههه قصورك يالخايس
جاسم : ههههه هاتي هاتي اشوووف منو عنديه اون لاين
شمه : اكيد كله بنات ههههههه
جاسم : على هواج انتي بس ههههههه

ويدخل جاسم مسنجره , ويجيك على ايميله ...

حمده : منو اون لاين عندك ؟
جاسم : انتي شلج
حمده : ههههههه لا بس لو شي بنات هات بلعوزهن بقول انا حبيبته
جاسم : ههههههه هيه تعالي دخليلج عاد عندي وحده ( دقني بنقع ) على طول اتفحم وتزعل
حمده : هههههههههههههههههه هات هات دخيلك

اتشل الابتوب من عنده وترمس البنت حمده

تأأأأأأأأأأأأأأأبع



[ ماسنجــر جاسم ]

حمده : مرحبـــاااا
البنت : هلااااا والله توه مانوررر
حمده : تسلمين , منو ويايه ؟
البنت : منو ويايه !!!!
حمده : هيه منو ويايه ؟؟؟؟
البنت : جاسم شو بلاك ؟!! انا مهره
حمده : اي مهره وبعدين انا مش جاسم
مهره : منو انته عيل ؟؟؟؟؟؟؟؟؟؟؟
حمده : لا ! هب منو انته , انا منو انتي !
مهره : !!!!!!!!!!!!!!!!!!
حمده : بلاااج ؟؟؟


شويه الا تيلفون جاسم يرن ( مهره msn ) يتصل بك ,,,


جاسم : هههههههههههههههه عنلاتج شو قلتلها هذي تتصل
حمده : ههههههههههههههههههههههههه جذاب ؟
شمه : غربلات ابليسج شو قلتيلها ؟؟؟

حمده اتخبرهم باللي قالته

حمده : والله لو ماخليتها اتفحم انا هب حمده ههههههههههههههههههههههه


( ع المسن – ماسنجر جاسم )


مهره : الووووو وينج ؟
حمده : موجوده !
مهره : منو انتي ؟؟؟؟
حمده : حبيبته
مهره : نعـــم ؟؟؟؟؟؟
حمده : نعامه ادوس فـ بطن العــدو ان شاء الله
مهره : بررررب
حمده : وين وين ؟؟؟ , لاتتصليبه
مهره : ومنو قالج اني بتصلبه ؟
حمده : قلت يمكن ! لان اذا اتصلتي ترانيه انا اللي برد لانه هو راقد
مهره : برب
حمده : ههه تيت


جاسم وشمه امتابعين كل اللي يستوي ويضحكووون
وترد تتصل فـ جاسم ...


جاسم : هذي اتصلت هههههههههههههههههههههههههه
حمده : عطنيه عطنيه دخيلللللللللللللللك هههههههههههه
شمه : ههههههههههههههههه لالالا انتي صوتج دفش عطنيه انا الله يخليك
جاسم : ههههههههههههه عنلاتكن بتتخبل مهره وربي

واتشل شمـه الفون وتوها يايه بترد الا اتسكر

حمده : افاااا ههههههههههه اتريي اكيد بترد تتصل بس دخيلج احرقي اعصابها
جاسم : ايييه لاطفروبها وايد ترى فيها عرج خوال هاي
شمه : وااابووكم , بعيييد بعيد , اندوك تيلفونك اميه مافيه تستنزل عليه ههههه
حمده : هههههه ليش عاد انتي بدقيلها معلايه عسب تستنزل عليج ولا بتغايضينها
جاسم : ههههههههههههههههههههههههههههههه تعالي يحمار هذي اترمسج عالمسن


( ع المسن – ماسنجر جاسم )


مهره : باك
مهره : الوووووووووووو
حمده : ولكم باك , هلا هلا
مهره : انزين انتي منوووو ؟
حمده : قلتلج انا حبيبته وانا المفروض اسألج هالسؤال انتي منوو ؟
مهره : انا حبيبته وارمسه دووم
حمده : نعم نعم نعم ؟؟؟؟
مهره : نعم الله عليج اختي ! اظني قريتي اللي كتبته
حمده : اقصوره يحب غيريه


جاسم : هههههههههههههههه هاللي بصفعها الحينه
حمده : ايييه ليكون اتحريتنيه احبك انته ثاني . ترانيه اسوي افلام هنديه بس
جاسم : مالت عليج وعلى حبج , كملي كملي فلمج اندمجنا نحن
حمده و شمه : ههههههههههههههههههههههههههههههههه


مهره : هههههههه الظاهر هذا اللي اسمه جاسم يلعب ع الحبلين
حمده : لو سمحتيه لاتقولين عنه جي ماارضى انزين ودواه عنديه
مهره : هههههههههههههههههههههههههه اوكي اوكي خليني اسير ادقله عسب افهم شو السالفه بالضبط
حمده : قلتلج لاتتصلين لانيه انا اللي برد عليج هو ويايه بس راقد فديته
مهره : هههههههههههههههههههههههه اوكي اوكي
حمده : بلاج تضحكين قايله نكته انا ؟؟
مهره : ههههههههههههه لا
حمده : اقولج لو هب امصدقتنيه اتصلي وخلينيه اهزئج شويه
مهره : لا انتي ولا غيرج
حمده : عفوا عفوا ؟؟؟؟
مهره : هيه
حمده : يالله اشووف لو فيج خير اتصلي
مهره : ههههههههههههههههههههههههههههه ليكون تتحرين انتي صدقتج انج وياه
حمده : ههههههههههههههههههه اوكي لاتصدقين , يالله برايج خليني اسير اوعيه
مهره : خخخخخخخخخخخخخخخخخخخخخخخخخخخخ اوك باي
حمده : هههه اضحكي على خيبتج باي

وصكتها بلوك حمده , و جاسم وشمه ميتين من الضحك


حمده : هههههههههههههههه يالله شموه جهزي عمرج احساسي يقول انها بتتصل
شمه : لا اميه عقب ماعرفت عرجها عفتها خلاص
حمده : هههههههههههههه افااا هالخوال عسل ع قلوبنا
جاسم : ههههههههههههههههههههه والله انج راعية مشاكل يا حمدوه
حمده : افف مادقت , خلنيه اتصلبها
جاسم : لالا هههههههه هيه بتتصل انا متأكد , تلقينها اتفور الحينه
حمده : ههههههههههههههههههه لاتزيغنيه تراني روحي زايغه ع قولت شموه اخاف تستنزل علينا هههههههههههههههههههههههههههههههههههههههه


جاسم وشمه : ههههههههههههههههههههههههههههههههههههههههههههههه

شويه الا تيلفونه يرن ( مهره msn ) يتصل بك ,,,

حمده وجاسم وشمه : ههههههههههههههههههههههههههههههههههههههههه
جاسم : يالله شموووه ردي دري
شمه : هههه لا والله مارديت
حمده : هات هات الفون والله بتسكر

اترد عليها حمده واتعدل صوتها واترققه

حمده : الوووو
مهره وهي منصدمه : الووو وين راعي الفون
حمده : ههههههههههههه ترانيه قلتلج لاتتصلين لانيه برد عليج واظنيه قلتلج انه راقد
مهره : انتي منو تطلعين اصلا ؟
حمده : انا ملاك حبه
مهره : هههههههههههه ملاك حبه ؟
حمده : هيه فديتج ولو سمحتي مااريد اشوف رقمج على هالرقم
مهره : ههههههه هيه ماعليه حلم الفقاره
حمده : ههههههههههههههههه شو حياتج امسجل اسمج ( وقت الفراغ )
مهره : صاااااااخه
حمده : الوووو , وقت الفراغ وينج ؟ هههههههههههههههههههههههه
مهره : اللي مايعرفك مايثمنك
حمده : اقووول حبيبي نش نش وقت الفراغ متصله هههههههههههههه
مهره : اقولج اقولج برايج برايج باي
حمده : بايات ويكون احسن لو تاخذين برايي وماتتصلين مول

واتسكره مهره الخط بـ ويه حمده

وكلهم يضحكووون

حمده : بنت الذين رقعته فويهيه هههههههه
جاسم : الله يغربل ابليسج يا حمدووه , شو يراضيها هاي الحينه
حمده : خـ تلتعن الهرمه
شمه : اسميها قويه هالبنت ولا وبعد اقول ارمسه من زمااااان مقولها من خاله ههههه
جاسم : ههههههه بس عاد ماارضى عليها
شمه : عداااااااااال عاد انته 600 الف بنت عندك
حمده : انته ماتخاف اتلخبط من بينهم ؟ ههههه
جاسم : ههههههه لا واذا لخبط طاف تراهن هن يزعلن وانا طاف واذا يبونيه يردن يتصلن
شمه : مادري انته منو الحينه عسب يتخبلن عليك هالكثر
جاسم : ههههههههههههه انتي ماتعرفين فن المغازل
حمده : هههه لالا صدق كيف اتقردنهن انته
جاسم : هههههههههه ماشي اول مااتعرف عليهن ارشهن بكم من هديه عسب يتعلقن فيه وعقب شووفي كيف يربعن ورايه هههههههههههههههه
شمه : ههههههه والله انك ذكي
حمده : لا نذل , هب حرام عليك اتعلق بنات الناس بالله وحده منهن سوتلك سوى ماتخاف ؟ لا ومتعرف ع خاله
جاسم : ههههههههههههههههه من شو اخاف خخخ , سكتن والله لو اخبركن سالفة ربيعي بتنطرن من الضحك
شمه وحمده : ههههههههههههههههههههه شو شو ؟؟؟؟
جاسم : اقولكن عندي ربيعي عواس كمخه مايعرف يغااازل امررره غبي بمعنى الكلمه قاليه اقردنله وحده عسب يظهر وياها

شمه وحمده امبطلات عينهن : انت شو اتقول ؟؟؟؟؟

جاسم : هههههههههه والله سمعن انتن شو السالفه , المهم قردنت له وحده كمخه شراته , المهم مع الايام واعدتها وقلتلها تعالي المكان الفلاني وطبعا كل كبيره وصغيره تستوي بينا اخبره عسب يكون فالصوره اذا سألته , ويت الشيخه والحبيب كشخ ويلست اعلمه شو يسوي وشو مايسوي هههههههههه انزين

حمده وشمه : ههههههههههههههههههههههههههههههه انزين كمل

جاسم : ههههه المهم قالي عواس ركبت ويايه السياره , عاد البنت مييييته من المستحى قاافطه , وقاليه والله يا جسوووم لو اتي اتشوووف ويهااااا بيغمى عليك

شمه : ههههههههههههههههههههه ليش خاله ؟
جاسم : ههه لا ويييين خاله , قالي ولا ملكه جمال
حمده : ههههههههههه صدق ولا تتمصخر ؟؟؟؟
جاسم : لا والله صدق قاليه حلوووه حلووووه حييييل
حمده : ياويل حاااالييييه هههههههههههه انزين كمل كمل
جاسم : هههههه يايتنج السالفه انزين
شمه : لحظه لحظه شو اسمها ؟؟ ههههههههههههههههه
جاسم : شو تبين بأسمهااا , الله يستر عليهااا , المهم قال كانت مرتبكه وانا بعد وايد كنت مرتبك ومااعرف شو اسوي , المهم تمت تتحرقص يمين ويسار وتتطالع برع جان اقولها بلاج حياتي ؟ زايغه ؟ تبينيه اغير المكان ؟ قالت لا لا عادي المهم تمينا ساكتين 10 دقايق الا ههههههههههههههههههههههههههههههههههههههههههههههههه

حمده وشمه : هههههههههههههههههههههههههههههه شوووووووووووووووو ؟؟؟

جاسم ميت من الضحك هههههههههههههههه : قال شويه الا اشم ريحه خاايسه

حمده طاحت على الارض من الضحك وشمه عيونها ادمع من الضحك , ويضحكون

هههههههههههههههههههههههههههههههههههههههههههههههههه هههههه
هههههههههههههههههههههههههههههههههههههههههههههههههه هههههه
هههههههههههههههههههههههههههههههههههههههههههههههههه هههههه
هههههههههههههههههههههههههههههههههههههههههههههههههه هههههه
هههههههههههههههههههههههههههههههههههههههههههههههههه هههههه

حمده : اخ بطنيه بمووووت والله بموووت من الضحك
شمه : ههههههههههههههههههههههههه والله ماتكمل السالفه بسير وبرد ( سارت الحمام ) ههههه

حمده : وهيه تمت سالفه عقب اللي سوته الشيخه ؟ ههههههههههههههههههههه
جاسم : ههههههههههههههههههه اه هههههههههههههههههههههههههههههههه

ردت شمه وهيه اميوده بطنها من الضحك , وحمده سارت اتيبلها قلاص ماي ويوم ردت

حمده : كمل كمل دخيل امك اتكمل
جاسم : هههههههههههههه عطينيه ماي
حمده : رااااني هاتي مااااي
شمه : ههههههههههههههههههههههههههه كمللللل انزين شو سوى ربيعك عقب ؟
جاسم يشرب الماي : انزين عقب قااااال قلت فخاطري شت كل هالجمال نهايته .... , ههههههه قال الحينه ابا ارقع السالفه مب عارف كييييييف والله مب عارف اطالع برع اعدل المنظره , جان انزل الدريشه !


حمده : امحق ترقع هههههههههههههههههههههههههههههههههههههههههه
جاسم : ههههههههههههههههه اه بطني ههههههههههههههههههههههههههه
شمه : هههههههههههههههههههههههههه شت شو سوت هيه عااااااااااااااد ؟
جاسم : قال استحت بالحيييييييييل وانا قفطت ياربي انا شو سويت جان احك خشمي
ياي بيجحلها الحبيب عماهاا هههههههههههههههههههههههههههههههههههههه

شمه وحمده : ههههههههههههههههههههههههههههههههههههههههههههههههه
هههههههههههههههههههههههههههههههههههههههههههههههههه ههههههه
هههههههههههههههههههههههههههههههههههههههههههههههههه ههههه

شمه : هههههههههههه بموت بموت وبعديييييييييييييييييييين ؟؟؟
حمده : يللللللللللللعن ام المواعد يا شيخ هههههههههههههههههههههههههههه
جاسم : هههههههههههههههههه انزين يقول من الكثر القفطه بغت اتصيح البنت جان اتبطل الباب ونزلت , وقال والله مابغيت ازعلها جان انزل الدريشه واقولها : حبيبي حلوه كانت الريحه هههههههههههههههههههههههههههههههههههههههههههههههههه


حمده وشمه وجاسم : هههههههههههههههههههههههههههههههههههههههههههه
هههههههههههههههههههههههههههههههههههههههههههههههههه ههههههههه
هههههههههههههههههههههههههههههههههههههههههههههههههه ههههههه
هههههههههههههههههههههههههههههههههههههههههههههههههه ههههه
هههههههههههههههههههههههههههههههههههههههههههههههههه ههههههههه
هههههههههههههههههههههههههههههههههههههههههههههههههه ههههههه


شمه : هههههه انزين والحينه ؟ اشحالها ؟ هههههههههههههههههههههه
جاسم : قال والله من قلتلها بس حبيبي الريحه كانت حلوه قسم بالله ماشفت غبارها عقب السالفه

حمده : هههههههههههههههههههههههههه واعليه عليهاااا وبعد لها ويه عقب اللي سوته هههههههههههه
جاسم : ههههههههههههه حليلها ماقدرت اتيود عمرها البنت بس عن جد كانت حلوه
شمه : شـ خانة الجمااااااال بدون برستيج يا حسره ههههههههههههههههههههههه
حمده و جاسم : هههههههههههههههههههههههههههههههههههههه
حمده : جسوووم والله انك حفله بدون كيك

وبتموو يضحكون مب قادرين يتخيلون موقف البنت
ع الساعه 3 ونص تنزل ام سيف وادور خليفه

ام سيف : شمه امايه وين خلوف
شمه : عند ميري اظنيه كنت اسمع صوته وهو يلعب , انزين امايه نحن بنظهر
ام سيف : وين وين ان شاء الله ؟
جاسم : خالتيه بنسير المول انا وانتي وامايه والبنات
ام سيف : المول , لا فديتك مالي بارض السناتر

شويه الا تنزل مريم وهيه شاله سلامه

جاسم : يالله عاااد خالتيه دامنيه انا هني خلينه اظهرلكم لو مره وحده بس
مريم : شو السالفه ؟
جاسم : امايه عازمتكم ع العشـى فالمول
مريم : الله يهديك عاد انته مالقيت الا ختيه شيخه ماتحب السناتر
حمده : يالله عااد امايه لا تدلعين والله لو مره وحده خاطريه اتقولين تم
جاسم : خالتيه يالله لاتردينيه ان شاء الله عقب صلاة العصر بنظهر من البيت
ام سيف : والله ماادري
مريم : يالله لاتردينه هالمره بس
ام سيف : خير ان شاء الله لين عقب


عقب 10 دقايق يأذن العصـر


مريم : يالله امايه جاسم اتوكل ع الله وسير المسيد
جاسم : ان شاء الله امايه , يالله انا ساير وعقب ساعه برد واباكم اتكونون جاهزين
شمه : ان شاء الله عاد لاتتأخر
حمده : ياااويل حالي امايه بتسير ويانا المول اسميها بتستانس خخخخ
مريم : هههههه الا من تدخل السنتر بتم اتحن متى بنرد ومتى بنرد
شمه : ههههههههههههههههه هيه والله صدقج كل مكان هب بس المول , يالله انا بعد بسير اصلي وبتلبس وبنزل لاتتأخرون
حمده : مي توووو
مريم : سلامي حبيبي بنوديها الموووول
سلامه : وين بنثير ؟
مريم : بنوديج الالعاب
سلامه : شو يسوي الالعاب ؟
مريم : تلعبين انتي وخلافي , تزقر ميري ميريييييييي ؟
ميري : يس مدام ؟
مريم : شلي سلامي وخلوف وبدلي ثياب سلامي وهاتيها لان عقب بنظهر
ميري : اوكي مدام
خليفه : وين بتسيرون خالو ؟
مريم : بنسير المول فديتك
خليفه : انا بسير وياكم خالو
مريم : انزين فديتك سير عند شماني وقولها اتسبح وتعال
خليفه : انزين خالو


واترد ام سيف : مريم ادوج فديتج اشربي الجاي
مريم : لا لا فديت روحج اتريي بسير اصلي وخلاف بشربه
ام سيف : هيه والله خلينيه اسير اصلي و خلاف انا بعد بتصل فـ بو سيف فديته

وينشن عسب الصلاه ...


[ حجرة حمده ]

اطيح حمده ع الشبريه وتتصل فـ محمد ,,, مايرد وترد تتصل مره ثانيه وثالثه ورابعه لين مايرد

محمد : .........................
حمده : الوووو
محمد : هـــا
حمده : حبيبي راقد ؟
محمد : افف هيه
حمده : نش فديتك اذن , نش سير المسيد
محمد : انزين شويه بس شويه برقد
حمده : لااااا حبيبي يالله نش الحينه الحينه
محمد : انزيييييييين لاتصارخين
حمده : هههه انزين يالله نـــش !
محمد : انزين انزين ها نشيت
حمده : يالله جدامي ع الحمام اغسل ويهك
محمد : انتي تعالي اغسلي ويهي
حمده : هههههههههههه يالله عاد لاتستهبل نش بسرعه
محمد : هههه انزين حياآتي
حمده : انزين حموووووووووووووووود
محمد : عيووون حمود آمري حبيبي
حمده : انا بظهــر عقب ساعه ..
محمد : وين ع الله ؟
حمده : بسير ويا امايه وخالتيه وشماني وجاسم المول
محمد : جاسم ؟
حمده : هيه ليش ؟
محمد : ماشي , بس ماادري ليش احسبه سخيف
حمده : هههههههههههههههه حرام عليك و اسميه ضحكنا لين ماقلنا بس اليوم
محمد : ليش ؟
حمده : ههههههههههههههههههههههههههه ماشي يالس يخبرنا سوالفه
محمد : هيه لازم , وانا اقول ليش امسوتليه طاف
حمده : لاااااااااااااااا حبيبي والله مب طاف بس كنت يالسه وياهم تعاااال ماخبرتك
محمد : شوووو ؟
حمده : ابويه ^__^ بيرد ورى باااااجر
محمد : والله ؟ الله يرده بالسلامه ان شاء الله
حمده : آميييييييييييييييييييييين يارب
محمد : انزين حبيبي ماقلتيلي اي مول بتسيرون ؟
حمده : ليش ؟؟؟؟؟ تبا اتيي !!!!!
محمد : لا ميه خلاص خلاص ماابا اعرف
حمده : هههههههه حبيبي عاد اسأل
محمد : يعني حتـى لو يت منو بيعرفنيه مثلاً ؟؟
حمده : هههه محد ياعمري بس اسأل
محمد : كنت بس غيرت رايي خلاص ولا ابا اعرف وين
حمده : حمود عااااااااااااااااد

شويه الا حد يدق الباب

شمه : حمدوووه وين وين حجالج الازرق مال ( قوجي ) ؟
حمده :الوو امممم لحظه فديتج ! ,,,, شوووفيه هنااك فالسده
شمه : وانتي شو تتريين ؟ يالله بدلي لاتأخرينا
حمده : اوكي اوكي

وتطلــــع من الحجره واترد اترمس محمد

حمده : الوووو
محمد : هلا , منو هــاي ؟
حمده : شماني اختيه , ليش ؟
محمد : خاطريه اشوفها اتصدقين ؟ ابا اعرف تشبهج ومنو احلـى !
حمده : لا والله ؟ لا مش حلوه ولا تشبهنيه زين جي ؟
محمد : ههههههه اتغارين عليه حبيبي ؟
حمده : لا
محمد : عيل خبرينيه اي مول عسب آي واشوفها
حمده : جججججججججججب
محمد : هههههههههههههههههههه

ومره ثانيه حد يدق عليها الحجره بس هالمره البشكاره

حمده : منــووو ؟
البشكاره : انا راني
حمده : كم راني
البشكاره : هادا ابايه مال انتا
حمده : علقيه هني وسيري

وتطلع البشكاره واترد عليه ,,

البــــــارت الــ 6


واترد على محمد ..

حمده : الووو ؟
محمد : هلا , لحظه حبيبي عندي خط
حمده : منووو ؟
محمد : ربيعيه , لحظه !

ويرد ع الخط , ودقيقه ويرد عليها

محمد : الووو , سووري حبيبي
حمده : لا بعد جان اتأخرت زياده
محمد : انزين آسف ياعمري انتي
حمده : شو يبـا ؟
محمد : ماشي , يقولي وين انته تعال انسير الكوفي
حمده : اهــا , اوكي عيل انا بسير ابدل
محمد : اوكي حبيبي تيك كير
حمده : يوو تــوو
محمد : وعن الحركـات الزايده
حمده : هههه ان شاء الله ..

واتسكر حمده واتسير اتصلي و اتبدل , وتنزل الا تشوف شمه وجاسم ام سيف وخالتها مريم فالصاله يالسين , وام سيف ترمس فالفون ..

حمده : هــا , متـى بتسيرون ؟
جاسم : عقب شويه , خلها امج اتسكر من عند ابوج وبنطلع ان شاء الله
حمده : ابوووويه ؟ اماااااااااايه ابا ارمسه

ام سيف اتأشرلها سكتي لانها ماتسمعه عدل

ام سيف : انزين محمد ؟
بو سيف : وخلاف انا بدقله يوم بنوصل
ام سيف : خير ان شاء الله , محمد مريم ختيه و ولدها جاسم يسلمون عليك
بو سيف : الله يسلمهم , ماشاءالله الكل عندنا اليوم
ام سيف : لا بس مريم وعيالها
بو سيف : زين زين وان شاء الله مستانسين ؟
ام سيف : الحمدالله , الحينه جاسم يبا يظهرنا
بو سيف : زين اتغيرون جـو عيل , عيل خلوف وسعيد وحمدوه وين ؟
ام سيف : خلوف يلعب ويا سلامي وسعود طالع ويا حميد وحمدوه هذي عداليه

حمده تصارخ : ابووووويه اتولهت علييييييييك
ام سيف : هــاج بيسلم عليج
تاخذ الفون حمـده ,,,

حمده : الوووووو .. مرحبـا مرحبـا مرحبـــاا
بو سيف : مرحبـا مليااار ولا يسدن
حمده : اشحااااالهم ؟
بو سيف : بخير وسهاله , ومن صووبج فديتج ؟
حمده : والله مشتاقين لك يابويه متى بترد
بو سيف : يالله قريب ان شاء الله مابقى شي فديتج
حمده : ابويه قول حق امايه اتقول حق سيف اي وياه المطار
بو سيف : ليش فديتج اتريينيه فالبيت لان سيف يمكن يبا يمر مكان
حمده : انزين =( ..
بو سيف : تعالي الريال دقليه البارحه وقاليه كل شي جاهز واي وقت تبا تبدى حمده خلها اتسير المعهد
حمده : انا جاهزة جاهزة جاهزة ابووويه والله جاهزة
بو سيف : ههههه , انزين اصبري لين ماادر انا يكون احسن
حمده : خلاص اوكي ^^
بو سيف : يالله عيل ابويه سلمي عليهم كلهم
حمده : يبلغ الغالي , فداعة الله
بو سيف : فداعة الرحمن فديتج

اتسكر حمده ويسألونها ليش اتقول جاهزة جاهزة جاهزة

حمده : ههههههههه عسب الليسن
جاسم : انتي بتاخذين ليسن ؟؟؟
حمده : احم هيه
جاسم : لا حوله ولا قوة الا بالله , حرام عليج الناس تبا اتعيش حياتها , انتي خطر ع المجتمع
ام سيف مريم : ههههههههههههههههههههه
حمده : جب جب وقوم ودنـا احسن لك

وينشـون الكــل ويركبون السياره ويوديهم [ امارات موووول ] الساعه 5:00
يدشوون الموول ويكون يوم الخميس يعني الناس توه امخلصين داوامات وباجر اجازة وزحمة شوي ...

حمده : وين بنسير الحينه ..؟
شمه : انا فخاطريه اسير محل [ باريس غاليري ] لان جحاليه ضايع
خالتهم مريم : هيه طوفي انسير , ابا ادور ليه عطر غاوي
ام سيف : خلافـي هات ايدك امايه مافيه اتضيع
مريم : خليه ويا البشكاره خلهم يسيرون صوب الالعاب جاسم امايه ودهم
جاسم : خلاص انا بوديهم صوب الالعاب ويوم بتخلصون اتصلوبيه
ام سيف : جاسم فديتك شوفهم ليضيعون
جاسم : لاتوصين خالتيه

ويسير جاسم والبشكاره وسلامه وخليفه صوب الالعاب . حمده وامها وشمه وخالتها يتحوطون فالمحلات , وهم فالمحل حمده تتصل فـ عفاري ربيعتها


حمده : هالووووووو ؟
عفاري : هالوووات
حمده : كيفـوووو ؟
عفاري : منيحا ومن صوبج ؟
حمده : بخير ونعمه ..
عفاري : وين ؟
حمده : امارات مول
عفاري : يالنذله من ورايه
حمده : والله انج يتي فباليه بس عقب اذكرت ان جاسم بيودينا فـ قالت مااظن بتين ويانا ...
عفاري : اكيد ماباي ,, انزين متى بترودن ؟ جان مااقول حق امون اختيه اتزلنيه عندج
حمده : والله تعالي تعالي يالله سيري شوفيها وردي عليه
عفاري : خلج ع الخط بتصلبها
اتحول الخط عفاري واترمس اختها ... شويه واترد على حمده

عفاري : الـو
حمده : سنه !!
عفاري : شو اسويبها ماتقتنع بسرعه
حمده : انزين شو قالت ؟
عفاري : يالله ببدل وبترياها اتمر عليه
حمده : يسسسسسسسس .. يالله اترياج
عفاري : اووووكي .. جاووو
حمده : جاوات ^^

واتسير صوب امها وخالتها

حمده : امايه خذيلج هالعطرر والله ريحته واااااااايد غاويهـ
ام سيف : ماريد عطوور هالكثر يابليه ابوج كفايه
حمده : انزين تعالي خلينا انسير المحل الثاني لين ماتخلص شماني
ام سيف : اتريها انزين
حمده : يعني انتي ماتعرفين بنتج سنه لين ماتنقي واتشوف و و و
ام سيف : يالله انزين طوفـي

ويسيرن المحــل الثــاآنـي وتشرالها كم من بدي حمده .. بس كل ما تاخذلها شي تاخذه دبل يعني اثنينه

ام سيف : حمدووه .. اشحقى تاخذين اثنينه نفس الشي ؟؟؟؟؟
حمده : هههه امايه واحد حقيه والثاني حق عفاري ربيعتيه
ام سيف : حليلها اشحالها الحينه ؟
حمده : بخير الحمدالله تونيه امرمستنها قلتلها اتشوف اختها جان بتنزلها هني
ام سيف : خلها اتي انزين
حمده : بتي ان شاءالله ..



[عفاري ربيعة حمده ]

عفــاري امها وابوها متوفيــن من سنتيــن وعفــاري يتها حالة نفسيه فترة الدراسه ورسبت عفـاري اكبر من حمده بـ سنه , من عرفت ام سيف بسالفتها ماتردلها طلب اذا بغت حمده اتسير عندها لانها وايد كاسره بخاطرها , وام عفـاري كانت قبل اتعرف ام سيف الله يرحمها ...


واتسير حمده اتكمل المشــاري و فجـأة يرن الفون : القلبـ سلملك امره فـ حالتي انته ادرى ياللي حنانكـ وطيبك تنحط ع الجرح يبرى [ محمد ] يتصلبها ...


حمده : الـووو
محمد : هلا حبيبــي ... هــا شو اتسووون ؟
حمده : ماشي ويا امايه يالسه اتشـرى
محمد : انزين انا ساير ميركاتـوو
حمده : اوكي فديتج تيك كيـر ^^
محمد : ان شاء الله ,, مع السلامهـ
حمده : مع السلامه واتقول بصوت واطي >> ياقلبي
محمد : آه قلبي , ويصارخ مره وحده ام سييييف بنتج امعذبتنييييييه
حمده : هههههههههههههههههههههههههههههه

اتحرج
ام سيف : حمدووه ويهد ,, ماتستحين ؟؟؟

محمد : ههههههههههههههههههههههههههههههههههههههه حرجو عليها
حمده : اوكي يالله برايج هههه
محمد : هههههههههههههههههههههههه باي


واتسكر حمده وتتحرطم عليها ام سيف شويه وحمده تضحك

حمده : ههههههه انزين امايه بس خلاص انا اسفه نسيت عمريه
ام سيف : بنات اخر زمن ويقولن الشباب يلحقونا , انتن اللي اتسون حركات
حمده : امـــــــــايه !!!!

ويسيرووون صوب خالتهم مريم وشمه

حمده : شموه شو خذتي ؟
شمه : خذت شرات جحالج و عطر ديور اليديد
مريم : ام سيف تعالي انسير صوب المطاعم شويه
ام سيف : هيه والله دخيلج ريوليه اتعورنيه حيييل

ويسيرون صوب المطاعم وتيلفون حمده يرن ,, عفاري تتصل فيها

حمده :هلا عفـاري
عفاري : وين انتي ؟
حمده : اممممم صوب المطاعم اللي تحت
عفاري : زييييييييين عيل انا عند البوابه اللي صوب المطاعم
حمده : يالله يايتنج , باي
عفاري : باي

واتسير اتخبر امها انها بتسير اتيب عفــاري .. وهي سايره شلة شباب وراها

1 : هلا والله هلا بهالزييين
2 : توه النـاس يامزيووون ماوحالنا بترد البيت
1 : هيه والله ماتهنيـنا بهالويه الحلوو

حمدوه زاااااااااايغه ومقهوره فنفس الوقت .. وتوصل عند الباب واتشوف عفاري نازله من السياره واتسير صوبها

حمده : امووووووووون مس يو يالخايسه
امنه : ههههه هلا والله وينج مختفيه ماتينا
حمده : والله مشغوله اتعرفين بعد ورانا سواقه خخخ
امنه : اوب اوب اطورت العزبه ماشاء الله
حمده :افا علييييج بحول العزبه شاليهات خخخخ
عفاري : دخيييلج امون سكتي مافينا ع سخافتها مابتسكت الحينه
امون حمده : هههههههههههههههه
امون : يالله باي , هاتو اختي وانتو رادين
حمده : خخ باي ان شاء الله


ويدخلون وحمده اتخر السالفه لـ عفاري ان شباب لحقوها وعفاري تضحك عليها
ويسيرون صوب ام سيف

عفـاري : سلام عليييييكم
ام سيف , شمه , مريم : وعلييكم السلام ورحمة الله وبركاته
ام سيف : هلا وغلا بـ بنيتيه هلا بـ عفرا اشحالج واشحال خواتج
عفـاري : هلا والله بخالتيه , بخير ونعمة

واتسلم على مريم وشمه وييلسون شويه ويسولفون

حمده : امايه بقولج شي لاتقولين لا
ام سيف : امري فديتج
حمده : مايامر عليج عدو امايه , الله يخليج كلمي امون اخت عفاري عسب اتبات بيتنا هالويكاند
ام سيف : خلها اتبات انزين
حمده : انزين انتي رمسي امون الله يخليج امايه
ام سيف : ان شاء الله خير

وتستااانس حمده ,, شويه الا تذكر السالفه اللي خبرهم جاسم جان اتقول

حمده : شششت عفاري نسيت اخبرج ههههههههههههههههههه
عفاري : هههههه شو ؟
حمده : قسم بالله لو اخبرج جاسم شو قال بتموتين من الضحك
عفاري : هههه شو عاااد قولي
حمده : امممم ... امايه نحن بنسير صوب جاسم وخلوووفي
ام سيف : ادلين هم وين الحينه ؟
حمده : الحينه بتصلبه ... عفاري قومي تعالي ويايه
ام سيف : اتحملو على عماركم
عفاري : ان شاء الله خالتيه ^^

وينشوون من عندهم ويسيروون فوووق ... تتصل حمده فـ جاسم

جاسم : الووو مرحبـا
حمده : جسوووم وين انت ؟
جاسم : اممممف جسوم اونه
حمده : ههههههههههه جاسم جاسم عمي جاسم جي اووكي ؟
جاسم : هيه اوكي خخخخ انا صوب الالعاب ليش ؟
حمده : انزين انا باي عندكم
جاسم : لا لاتين زحمه هني خلج عند قوم شماني
حمده : انا رمست امايه وقالت سيري شوفي خلوف
جاسم : خلوف ماعليه قصور
حمده : انزين يالله يالله نحن يايين
جاسم : جي منو وياج ؟
حمده : ربيعتيه عفرا
جاسم : حيااااااااااج الله حمده
حمده : والللللللللللللللللللللللله نذل
جاسم : هههههههههههههههههههههه يالله باي
حمده : باي

عفـاري : شو قااااااااااااااال ؟
حمده : ههههه حسيتي انه رمس عنج ؟
عفاري : ههههه شو قال ؟
حمده : ماشي اونه لاتين زحمة وماادري شو واليوم عرف انج ويايه اونه حياج الله
عفاري : ههههههههههه جليل حيا خخخخخخخ
حمده : هههه بالقووو والله .. انزين خلينيه اخبرج السالفه

وهم سايرين صوب الالعاب حمده اتخبر عفاري السالفه وعفاري مييييييييييييييييييييته من الضحك


حمده : هههههههههههههههههههههههههههههههههههههههه
عفاري : بس بس والله اني بمووت
حمده : ههههههههه اييه والله بس سكتي طاعي هذيلا كيف يطالعونا
عفاري :هههههه والله مااقدر هههههههههههههههههههههههههههههه
حمده : هههههه انا خبله خبرتج السالفه الحينه
عفاري : يعني تتوقعين السالفه صدق ؟
حمده : ههههههههه هيه والله ربيعه ربيعه اللي امسوي كل ها ههههههههههههههه
عفاري : والله ولد خالتج نكته ههههههههههههههههه

المهم وهم سايرين حمده تلمح ولد صغير يشبه اخوها خلوووف واتسير صوبه

حمده : خلااااااااااافـي
واحد من الشباب اللي وراها 1 : عيووون خلافي
عفـاري بصوت واطي : ههههههههههههه

يتـبع



حمده اتسوي طاااف واتيود خلوف ويسيرون صوووب جاسم .. جاسم يطالع عفاري ومايندرى شو اللي يدور فـ باله

عفـاري ع نياتها : السلام عليكم
جاسم : وعليكم السلام ورحمة الله وبركاته
عفـاري : وااافديتهاا الحلوه انااااا ( اتشل سلامه )
حمده : اخييييج هذا ليش جي قميصه خايس
جاسم : بعد اخوج لازم يكون خايس
حمده , عفاري : هههههههههههههه
جاسم : تعالو تعالو هالصوب هني وايد زحمة

ويسيرون الصوب الثاآني يلعبون قوم خلوف وسلامي , حمده لاحظت ان جاسم يطالع عفاري بـ شكل غير طبيعي ويوزع ابتسامات

حمده تقرص جاسم : اقووولك هاللي يدور فبالك لو اتموت مابتوصله
جاسم : ههههههههههههههههههههه ليش انا شو قلت ؟
حمده : مايحتاي اتقول عيونك فضحتك يا اميه
جاسم : سيري سيري اغسلي ويه اخوج
حمده : هيه ماعليه بسير وباخذها ويايه
جاسم : هههههههه والله انج حماره

واتشل خليفه وعفاري اتشل سلامه ويسيرون الحمام , وشويه الا يشوفون ربعهم اللي كانو وياهن فالاسكول

شيخه : حمدوووووووه
حمده : اويه شويييخ هههههههههه
ساره : حمدووووه , عفاااري
عفاري : يالجلاااب من وين ظهرتو انتووو

ويسلمون على بعض ويسولفون شويه .. ويظهرن حمده وعفاري ويسيرون صوب جاسم , وهم سايرين يشوفون جاسم ويا شباب سوالف وضحك وهالسوالف يعني , المهم عفاري وحمدوه يتمشون صوب الالعاب ويشوفون ان جاسم اتأخر

حمده : افف انا بتصلبه وبقوله بنسير تحت وايد زحمة هني
عفاري : اتصلي انزين
حمده : ويت

تتصل حمده فـ جاسم

جاسم : الوووو مرحبا
حمده : مرحبا اونه اقولك خيستنا تراك
جاسم : ماعليه , برايكم انزين سيرو انتو
حمده : يالله انزين باي

واتسكر حمده , ويسيرون صوب هلهــا وحمده اتقول لـ عفاري انهم بيعقون الصغاريه عند قوم امها وبيسيرون بتحوطون

حمده : هــاج شلي ولدج الخاييس فحياته ماتم على نظافه هالولد
ام سيف : وااايه فديييت ولديه انا , ها امايه استانست ؟
خليفه : هيه لكبونيه تيـــاره
شمه : الله ليش ماخذتنيه وياكم
خليفه : انتي مايتي
حمده : امايه نحن بنسير نتشـرى
ام سيف : انزين عاد لاتتأخرون لان يمكن انرد بسرعه
حمده : ان شاء الله امايه
مريم : حمدايه فديتج قبل لاتسيرين سيري خذيليه غرشة ماي
حمده : ان شاء الله خالتيه

واتسير حمده واتاخذلها واتعطيها وتيسيرن يتمشن حمده وعفـاري .. يتشرن شويه اغراض ..


حمده : انا تعبت الصراحه ... تعالي انسير استاربكس
عفاري : امممم , ولد خالتج هني عادي ؟
حمده : شو يعني ؟ نحن سايرين ناخذ كوفي ونطلع مابنيلس هناك
عفاري : هيه اذا جي اوكي يالله
حمده : عدااااااااااال اللي يسمعج الحينه اونه عااااد , نسينا على ايام الاسكول نسينا اونه نلبس نفس الشي ونشل نفس الشنط واخر شي قطعونا قالو لنا هلا فريق كرة قدم
عفاري : ههههههههههههههههههههه هيه تذكرين
حمده : ههههههههه وحد ينسى ايام الخوالي , والله ايام حلوه

المهم يسيرون صوب استاربكس قبل لايطلبون تتصل حمده فـ شمه جان تبا شي ولا لا


شمه : يعني الحينه نحن بنتعشـى وانتي سايره تاخذين لج كوفي تستهبلين ؟
حمده : يعني الا هو كوفي
شمه : ردي دري بسرعه خلينا نتعشى هذو جاسم يه
حمده : انزين :s يالله باي

عفـاري : ها شو قالت ؟ تبا ؟
حمده : لا وين هالزفته لازم اتخرب علينا
عفاري : بل ليش عاد ؟
حمده : اونه ردووو نبا نتعشى
عفاري : انزين ماستوى شي يالله انرد انسير نتعشى
حمده : افف يالله


ويسيرون صوب ام سيف ومريم وشمه والصغاريه



حمده : ها طلبـتووو ؟
مريم : لا لين الحينه نتريـا جاسم
حمده : والله خاطريه فجليز
مريم : انزين قوليله

شويه ويوصل جاسم : سلام عليكم .. ها وين تبون تتعشون ؟

حمده : جاسم جليز جليززز
جاسم : جليز . جليز يالله قومو
ام سيف : جي هب هني ؟
جاسم : لا خالتيه الصوب الثاآني
مريم : يالله عيل قومو

وينشون كلهم ويسيرون فوق صوب المطاعم الثانيه
يدخلون جليز وييلسون كلهم وكل واحد فهم اميود المينيو ويطلب

عفاري اتصاصر حمده : ايييه انا استحي
حمده : اكلي تبن زين , استحي اونه اطلبي اطلبي لانيه انا اذا كلت مابسويلج سالفه
عفاري : هههه ادريبج عسب جي اقولج

المهم يطلبون كلهم ويتعشووون ويسولفون ويضحكون

ام سيف : فديته سوالف مادريبه وين
شمه : ياهل ياهل سوالف عشان اتحاتينه جي
ام سيف : فديته هب سالفة انه ياهل , خلينيه اتصل فيه اشوفه وين

تتصل فيه بس مايرد

حمده : جاسم جاسم عطنيه الصوص اللي عندك
جاسم : خلص ماشي
حمده : ههههههههههههههه عن الجذب اشوفه انزين انا
جاسم : وين ؟ ها هب صوص ها مايونيز
حمده : هههههه عن السخافه يالله عاد
عفاري : هاج انا مابا
حمده : حيوان ! .. شووووكرررااااان = شكرا حبيبي ^_^
عفاري : ههههه ولكم
جاسم : استحي على ويهج شوي بل بل بل هالكثر تاكل بنتج خالتيه
ام سيف : هههه حرام عليك شوف ويها كيف داش داخل خلها تاكل هاي ماتاكل الا من المطاعم
جاسم : الا امخلصها الاكل اللي فالبيت
حمده : بس بس لاتستضرف دمك دخيلك
جاسم امسود الخاشوقه رفعها اونه عاد بيفلعها
حمده اتأشره له بصوت واطي : لو في امك خير خخخخخخخ
جاسم : ههههههههه نذله والله

مريم : سلامي كلي اميه كلي فديتج بتيوعين عقب
سلامه : ماليد ماما ماليد
مريم : كلي حلووو هااا
عفاري : سلامه تعالي تعالي هني ^_^

سلامه تطالع عفاري وتضحك شكلها حبتها وتسير صوبها , اتأكلها عفاري

مريم : زين والله عفاري عرفتيلها
عفاري : هههههه افا عليج خالتيه
شمه : عفاري امون الحينه وين تشتغل ؟
عفاري : فنفس المكان
شمه : ماقالت بينقلونها ؟
عفاري : لا هي اللي طالبه نقل
شمه : ايوااا
جاسم : يالله خلصتـو اكل ؟
ام سيف : الحمدالله , يالله قومو نتوكل ع الله
شمه : تعالو حميد وسعود وين ؟ احيد قالو بيون هني ؟
ام سيف : والله ؟ جان هم هني خلنا انشلهم مره وحده
شمه : اتصليبه انزين

يدفع جاسم الفاتوره وتتصل ام سيف فـ سعيد يقول انه راد البيت ويا ربعه ويطلعون من المول ...

فالسـيارة ..

حمده : افففففف خلوووف قوووم عورت ريوليه
ام سيف : خلوف امايه تعال ايلس ع ريوليه
خليفه : مابا مابا بيلس عند الدريجه
حمده : ههههههههههههههههههههههههههههههههه دريجه اونه
خليفه : جـب
عفاري : ههههههههههههههههههه حرام عليج
جاسم : دريجه خخخخخ
حمده : ههههههههههههههههههههههههههههههه
ام سيف : هههههههههههههههههههه بس سكتي عنه
جاسم يطالع امه بصوت واطي : وين اودي ربيعتها ؟
مريم : عفرا فديتج وين بيتكم ؟
عفاري : هنــي خذ الداور وسيده
جاسم : وعقب ؟
عفاري : عقب الشيشه اتيك لفه سييييده
حمده : تعالي صح هاج شلي ها مالج
عفاري : شو ها ؟؟؟
حمده : شلي انتي

يرن فون حمده >> محمد يتصل اتحطه ع السايلنت ويوم يسكر اتطرش له مسج
[ انا فالسياره راده البيت يوم بوصل بتصل ]

جاسم : وعقب ؟
شمه : خذ اليوتيرن صح عفاري ؟
عفاري : هههه هيه

ودليه البيت ويوصلها عند باب بيتهم

عفـاري : يالله مع السلامه واسمحوليه تعبتكم ويايه
مريم : فديت قلبج تعبج راحه وان شاء الله انشوفج مره ثانيه
شمه : سلمي على امووون واااايد
ام سيف : سلمي على هلج فديتج
عفاري : ان شاء الله خالتيه

وتدخل عفاري ويتحرك جاسم

شمه : امايه الله يهديج تدرين ان امها متوفيه
ام سيف : اقصد خواتها انا
حمده : انزين جان قلتي سلمي على خواتج اميه
مريم : انزين ماستوى شي عادي
حمده : لا خالو عفاري من النوع اللي اذا اذكرت تتعب نفسيتها
جاسم : جي شو مستويبهم ؟
ام سيف : الله يرحمهم اتوفـو
جاسم : الله يرحمهم كيف ؟
حمده : غـرقـو !
جاسم : غرقو ؟؟؟؟؟
حمده : هيه كانو سايرين البحر
جاسم : شت ومحد كان وياهم ؟
حمده : كلهم كانو هناك بس هم الاثنينه كانو ع الطراد
جاسم : شت , حرام !
شمه : هيه والله اتخيلو جدام عيونهم يموتون !
جاسم : يعني مارومو يسوون شي او يساعدونهم !
حمده : محد من الشباب كان وياهم كلهن بنات ومحد يعرف يتسبح
مريم : لا حوله ولاقوة الا بالله عسب جي اقولكم لاتضيعون وقتكم فـ اشياء مامنها فايده اتعلمو السباحه واي شي ممكن تستفيدون منه
ام سيف : الله يرحمهم ان شاء الله ..



وعقب يوصل مسج لـ حمده : [ حبي وينج ؟ تأخرتي ! ]
مسج حمده : [ راده فالسياره , تأخرنا شوي لانا ردينا عفاري ربيعتيه ]
مسج محمد : [ ايواا , اوكي انا بدخل المسن شويه ]
مسج حمده : [ لا مابا ]
مسج محمد : [ ليشششش ؟ ]
مسج حمده : [ الحينه برد البيت وبتصل بك ]


10 دقايق ويوصلون البيت ,


مريم : حمدوه فديتج زقري حميد خله ينزل
حمده : ان شاء الله خالتيه


اتسير تزقر حميد ويردون مريم وولدها جاسم البيت ...
ام سيف , حمده , شمه كل وحده منهن تدخل حجرتها .. تدخل تسيح حمده وعقب ماتظهر

حمده اتصارخ : امااااااااااااااااااايه
ام سيف : لبيه
حمده : اقولج ابويه الساعه كم بيوصل ؟
ام سيف : بيوصل الصبح الساعه 6
حمده : بل !

وترد تدخل الحجره , وقبل ماتتصل فـ محمد ضربها الفضول وقالت خلها تدخل المسن
دخلت وحطته ع الاوف لاين , والصدمه الكبيره اتشوف محمد اون لاين !!!! , تطلع من المسن ولا جنها جافت شي وتتصل فيه ..


محمد : هلا والله هلا بـ حبي انا
حمده : اهلين
محمد : اشحالج حبيبي
حمده : الحمدالله
محمد : اشفيه الحلو مو على بعضه ؟ ... شو سويتو اليوم فالمول
حمده : ماشي اتشرينا واتعشينا وردينا
محمد : ناآيس والله ..
حمده : ........................
محمد : حبيبي ليش ساكته ؟
حمده : دخلت المسن ؟
محمد : امممم يس !
حمده : وانا شو قلت ؟
محمد : شو قلتي ؟
حمده : هب جني قلتلك لاتدخل ؟
محمد : حبيبي ! انتي من صدقج !
حمده : هيه
محمد : اتحراج اتسولفين !
حمده : لا والله اونك عاد الحينه دخلت تتحرانيه اسولف ؟
محمد : هيه اتحراج اتسولفين

يسكتون دقيقتين وحمده تسمع صوت الكيبورد , شكله يرمس حد

محمد : ههههههههههههههههههههههههه
حمده : اقولك برايك اوكي تعبانه برقد
محمد : حبيبي خلج ويايه
حمده : خلك خلك ويالله تضحك وياهم
محمد : ياعمري والله ارمس سهول ولد خالتيه فـ بريطانيا
حمده : اوكي برايك رمسه انا برقد
محمد : حبي اترينيه لاترقدين هذو بيتصليه برمسه شويه وبرد اكلمج
حمده : برايك باي
محمد : لا ترقدين حياآتي اتريينيه فديتج


اتسكر حمدوه واتكون تعباآنه فيها رقاد اتحط راسها وعقب نص ساعه يرد يتصل
محمد بس حمده ماترد ... يرد يتصل مره

حمده : ................
محمد : حبيبــي راقد ؟
حمده : هممم
محمد : حبيبي نشــي
حمده : شو انش حمود تعبانه ابا ارقد
محمد : يسلم عليج سهول ولد خالتيه
حمده : ليش هو يعرفنيه ؟
محمد : اممم شويه
حمده : خبرته ؟
محمد : سهول مااخش عنه شي
حمده : ...............................
محمد : حبيبي بعدج زعلانه ؟
حمده : لا هب زعلانه بس شاله فخاطريه

حمده : شو انش حمود تعبانه ابا ارقد
محمد : يسلم عليج سهول ولد خالتيه
حمده : ليش هو يعرفنيه ؟
محمد : اممم شويه
حمده : خبرته ؟
محمد : سهول مااخش عنه شي
حمده : ...............................
محمد : حبيبي بعدج زعلانه ؟
حمده : لا هب زعلانه بس شاله فخاطريه
محمد : انزين انا آسف حبيبي
حمده : ....................
محمد : حبــي عاااد
حمده : عادي محمد عادي
محمد : محـــمد ؟؟؟ يديده عليه هاي !
حمده : عادي حبيبي عااادي
محمد : هيه جي اوكي , انزين سمعي اهـــداآآآآآء من القلبـ


ويسمعها اغنيـة راشد الماجد
[ فديت صوتك فديتك شفتك عشقتك هويتك ياليت تدري ياليتك غلاااك ياكبر قدره ]


حمده : ههه اتصدق هاي رنتك يوم تتصل !
محمد : والله ؟
حمده : هيه ..
محمد : حمدووه احبج
حمده : هيه واااضح واضح اقولك لاتدخل وتدخل من ورايه الله يعلم شو اتسوي بعد
محمد : حياتي قلتلج كنت اتحراج اتسولفين وبعدين انا قلتلج اي شي بسويه بخبرج لو هالشي يضايجج انا صريح حمده وانا مش من شباب هالايام حطي هالكلمه فبالج مستحيل مستحل اضرج فـ يوم والله يا حمده لو ماستوالنا نصيب والله مستحيل اضرج ولا اأذيج وهذا وعد مني لج



تـــمت حمده ساااكته شوي


حمده : والله اتمنى اتمنى هالشي لان والله يا محمد اول مره اسوي اللي يالسه اسويه
محمد : انا وعدتج حمده
حمده : اويييه
محمد : شووو ؟
حمده : ويت عنديه خط
محمد : خط فهالحزه !!!!!
حمده : هيه ويت
محمد : ماتردين , ومنو اللي يتصل بج الحينه ؟
حمده : عفاري ربيعتيه
محمد : هاي عفاري ماعندها شغله غيرج انتي ؟
حمده : حرام عليك حمود
محمد : لا ماتردين يعني ماتردين
حمده : ان شاء الله =(
محمد : فديت اللي يسمع الرمسه انا
حمده : ويت برد خخخخ
محمد : بصفعج
حمده : هههههه ضرب الحبيب مثل اكل الزبيب
محمد : يالله على ام الامثال انا
حمده : ههههه افا علييك اعجبك فـ كل شي
محمد : فكل شي فكل شي ؟
حمده : هييييييه كل شي
محمد : عطيني بوسه ؟
حمده : مااسمع يقطع يقطع
محمد : يقطع ها هههههههههههههههههههههه عطيينييييييي بوووووووووووسه
حمده : ايييييييييييييييييييييييييييه يالطفس !


[ عفاري كل 5 دقايق تتصل يعني حارقه الخط حراااق ]


محمد : ههههههههههههههههه ماتعجبيني عيل
حمده : ههههههه احسن , اوييه حراام والله عفاري حارقه الخط
محمد : قلت ماتردين يعني ماتردين , تعالي حبيبي اتعرفين تطبخين ؟
حمده : هيييييييه
محمد : والله ؟ شووو ؟؟
حمده : امممم اعرف اسوي اندومي ^_^
محمد : هههههههههههههههههههههههههههههههههههههه يعني انسميه انجاز ؟
حمده : ليش تضحك ؟ واعرف اسوي كابتشينو و اعرف اسوي كم من اكله والله
محمد : اوكي يالله سويليه اي اكل وانا باي اشله من عندج
حمده : اوكي والله موافقه بس عاد يوم الاجواء بتسمحليه



فجـــــــــــــــــأء >>>> باب الحجره يتبطل , اتنش حمده مره وحده إلا اتشوووف
سيف !!!!!!!!


حمده : سييييييف ؟؟؟؟
سيف : اترمسيييين منو انتي فهالحزه !



حمده مييييييته من الزياااغ تتطالع الفون محمد بعده ع الخط وعفاري تتصل ع الخط الثاني و من ذكاء حمده رقعته فويه محمد وردت على طول على عفاري


حمده : ارمس ربيعتيه
سيف : ربيعتج فهالحزززززه ؟؟؟؟؟؟؟؟؟؟؟؟؟؟؟



عفاري ع الخط >> الوو الووو وتسمع حمده وسيف !!


سيف : هاتي هاتي اجوف التيلفون
حمده بكل وثوق وهي زايغه : اندوووك
سيف : الووو
عفاري : حمدووه وينج !!!
سيف يفر الفون على حمده : سكري وانخمدي ابركلج
حمده : .....................................



اترد حمده على عفاري وهيه متيه من الزيااغ وقلبها يدق واتخبرها بالسالفه


عفاري : الله يغربل ابليسج واشحقى هب قافله الباب !!؟؟!؟
حمده : ماادري عفروه ماادري امبونيه مااقفله
عفاري : الله ستر هالمره والمره اليايه لااازم تاخذين حذرج يالحماره
حمده : والله بس مقهوووووووره ها حمار جي يدخل عليه بالله انا متفصخه ولا اسوي شي
عفاري : هههههههههههههههههههه صدقج والله !
حمده : والله بيلقاااه ياي ابويه ياي ماعليه لو ماخبرته انا هب حمدوه
عفاري : خخخخ هدي هدي , وبعدين تعالي يالهرمه انا من سنه اتصل وانتي امخيستنيه ؟
حمده : هههههههههههههههههه شو اسوي ياختي هب طايع يخلينيه ارد ع الخط فهالوقت
عفاري : عدااااااال يالمطيعه
حمده : ههههههههههههه انزين اتريي شويه بسير اقفل الباب
عفاري : يالله انزين انا بسكر باي
حمده : اوكي باي !


اتسير حمده وتقفل الباب واترد تتصل فـ محمد << صدق انها قويه عقب اللي استوى واترد تتصل !



حمده : الوووو << بصوت واطي
محمد : هلا حبيبي شو السالفه !!؟! حد دخل عليج
حمده : هييييييه حمود هيييييييه =(
محمد : منووو !
حمده : اتخبره بالسالفه ! ان سيف دخل عليها ..... الخ
محمد : شت الله ستر , والله عفاري منها فايده خخخخ
حمده : انته على شو تضحك ! انا زايغه وانته تضحك ؟
محمد : آسف حبيبي آسف , انزين استهدي بالله ماحصل الا الخير
حمده : افف انزين برايك يالله باي
محمد : لحظه ماماتي , ليش متوتره الحينه ؟؟؟
حمده : شو ليش متوتره ؟! يعني عقب اللي استوى تباني اكون عاديه ؟
محمد : لا بس هدي اعصابج وحطي راسج وارقدي
حمده : اوكي =( يالله تصبح على خير
محمد : وبعدين يوم بترمسينيه رمسينيه على اساس اني بنت
حمده : اوكي يالله تصبحين على خير
محمد : وانتي من اهله حياآتي احبج حبي
حمده : ميـ توووو باي
محمد : اقري قرآن قبل لاترقدين
حمده : ان شاء الله ..
محمد : مع السلامه
حمده : مع السلامه


واتسكر حمده واتقرى قرآن وترقد .. ويوم الثاآني تنزل واتشوف البشاكير محتشرين
سايرين ورادين وينظفون ويشلون ويحطوون ...


حمده : اماااايه
راني : ماما مافي
حمده : وين سارت ؟
راني : جامئيه
حمده : اممم ويا منو ؟
راني : ري جون <<< الدريول



اتسير حمده وتتصل فأمهــا


حمده : الووو امايه
ام سيف : هلا امايه نشيتي ؟
حمده : هيه اميه اشحقى ماوعيتينيه ؟ كنت بسير وياج الجمعيه اريد اخذليه اغراض
ام سيف : كنت مستعيله يا اميه ابا اخلص الاغراض اللي ماشتريتهم ابوج بيرد باجر
حمده : انزين جان قلتيليه اميه
ام سيف : يوم انا برد خله يوديج , وينه خلوف ؟
حمده : ماادله وين !
ام سيف : سيري شوفيه وين فديتج وانا الحينه بحاسب وراده البيت وانتي اتلبسي خله يوديج مره ثانيه
حمده : ان شاء الله امايه




اتسكر حمده واتسير تسبح وادور اخوها تلقاه راقد اتبدل وتشربلها كوفي وتتصل على الحب ^_^


حمده : صبـــاح الخير ؟
محمد : صبــاح الورد والياسمين هلا بهالصوت والله
حمده : هلا بك زود حبي
محمد : ها حبيبي اتريقتي ؟
حمده : يالسه اشرب كوفي
محمد : بالعافيه حياتي

تــــابـــع


حمده : الله يعافيك , شو اتسوي ؟
محمد : ماشي يالس ع المكتب لاشغله ولا مشغله وفيه رقااااااااااد
حمده : انزين انسدح ع الطاوله ههههههههههه
محمد : ههههه فديتج انا باي ارقد فحجرتج ممكن ؟
حمده : لاااااااااااااااااااااااااااااااا مااحب حد يرقد ويايه فالحجره
محمد : انتي من استويتي ترقدين روحج ؟
حمده : هيه من صغريه انا جي !
محمد : ينيه انتي
حمده : ههههههههههههه هيه فديتنيه
محمد : يعني اذا الله كتبلنا عمر وخذنا بعض مابترقديني فحجرتج ؟
حمده : لا طبعاً , كل واحد منا فحجره
محمد : هههه هيه ماعليه جان مااربطج انا ومااخليج تطلعين من الحجره مول
حمده : ههههههههه يامجرم يا شرير
محمد : ههههههههه فديتج انا والله
حمده : انزين حبيبي انا بطلع عقب شوي
محمد : بعد وييين ؟؟؟؟؟
حمده : بسير الجمعيه
محمد : خذي البشكاره وياج
حمده : لا مابا بسير روحي
محمد : حمــــــــــدوووه !!
حمده : هههههههه اسولف اسولف اكيد البشكاره ويايه عاد مابغيت الا اميه , ابويه يمكن بس امي نووو ويييي
محمد : وايد امدلعنج هالابوو
حمده : فدييييته والله , بس يوم يعصب يستوي اخس من سواف اخويه والله
محمد : الله يخليه لكم ان شاء الله ..
حمده : انزين يالله انا بسير اتلبس
محمد : انزين حبيبي اتحملي على عمرج
حمده : ان شاء الله ..



واترد ام سيف وتسير حمده الجمعيه تشراها اغراض وترد البيت وع الساعه 2:00 يردون اخوانها وع الغــدا

حمده , شمه , ام سيف , خليفه


حمده : امايه بتسون باجر عزيمه ؟
ام سيف : ماادري يااميه باجر بيكون ابوج راد تعبان اكيد يبا يريح
شمه : انزين سوه العزيمه يوم الخميس او الجمعه
حمده : هيه صح سو يوم الجمعه
ام سيف : بنشوف بنتريا ابوج يرد


ويتغدون ومره وحده خلوف يصاارخ


خليفه : آآآآآآآآآآآآآآآآآآآي
ام سيف : بسم الله ! شو فيييك
خليفه : ايدي ايديييييي
حمده : شت ! يرح صبعه
شمه : تستاهل حد قالك تلعب بالسجينه تونيه ماخذتنه ورد خذاه
ام سيف : شموه حرام عليج :@ ... تعال تعال حبيبي



اتنش ام سيف تغسل ايدها وتسيـر اتلف صبع خليفه ويسيرون فوق عقب يقيلون شوي , شمه تنسدح فالصاله , وحمده اتشغل التلفزيون وتفر فهالقنوات , وشويه ويسمعون صوت سيف !!!


سيف : انزل انزل يالهررررررررررررررررررررم !
سعيد : هدنيييييي ... هدنييييي
سيف يضربه ع راسه : لاتصارخ لأكسر راسك

حمده : بسم الله شو مستوي !!
سيف : وين امــج :@
حمده : سارت ترقد
سيف : سمعي انتي الثانيه ياويلج لو عطيتيه الابتوب تسمعين ولا لا
حمده : انا شلي فيه
سيف : انا قلتلج وهالنت بينقطع وبشوف يانا ياانتو
حمده : وليش ان شاء الله تقطعه يعني لو هو امسوي شي تحرمنا نحن حق شو ؟
سيف : انتي سكتي ولا كلمه !
حمده : لا هب ساكته
سيف : لا تخليني اي اسكتج غصب
حمده بصوت واطي : اتخسي الا نته
سيف : شوووووو قلتي ؟؟؟؟
حمده بصوووت واطي : سيـر التعن


ويعق سعيد ع الارض ويسير فوق الحجره , سعيد يطلع برع , وحمده مقهووووووووووره بتموووت من اسلوب اخوها البايخ !


شمه : ههههههااي مالت عليه مطوووع اونه
حمده : والله محد مرتاح غيرج انتي
شمه : الحمدلله انيه ماارمسه
حمده : ليتنيه شراتج والله ماارمسه جان ارتحت ولا يا صوبيه



وتسير حمده الحجره وهيه مقهووووره عاد حمدوه من الله دوم ملانه وياخذ عنها النت بتتخبل , اتصلت على محمد بس مارد حطت راسها ورقدت وكانت الساعه 4:00 وع الساعه 6:30 نشت ولقت 5 مس كولات 2 عفاري و 3 محمد , غسلت ويها وسارت تحت شافت امها و 3 حريم عندها <<< هل ريل خالتها مريم , نزلت والحريم شافوها وحمده اتقول فخاطرها : اوهووووو شو اللي نزلنيه انا الحينه



حمده : السلام عليكم ورحمة الله وبركاته ^^
الحريم : وعلييييج السلام ورحمة الله



اتسلم عليهم واتيلس


ام سيف : حمده وينج انتي ؟ طرشت البشكاره قالت انج راقده
حمده : ههههه هيه امايه رقدت شويه
ام سيف : هاي بنيتيه حمده الصغيره
خوله : هيه ماشاء الله عليها , كبرتي ياحمده واستويتي حرمه ماشاء الله
حمده : هههه << من القفطه لول
خوله : حمده كبر هاي مياسه بنتي ( اتأشر على وحده يالسه وياهن )
ام سيف : هيه احيد يوم التطعيم شفتج فالمستشفى هناك
حمده : التطعيم ههههههه
مياسه : هههههههه
عاشه : هيه كنتوو صغار امودينكن يضربونكن ابر
خوله : هيه عااد حمده انتي كنتي صغييييييييييييييييييره وااايد
ام سيف : هيه والله اسميها لعوزتنيه



ويتمون يسولوفون , مياسه تطالع حمده وتبتسم >> حمده اتقول فخاطرها مادري ليش احس انها تبا ترمس بس ماتعرف شو اتقول خخخخ


مياسه : وين تدرسين انتي ؟
حمده : انا ماادرس ^_^
مياسه : والله ؟ ليش ؟
حمده : ههههه بس جي بطرانه ماليه بارض
مياسه : ههههههههه
حمده : وانتي
مياسه : انا فالكليه
حمده : التقنيه ؟
مياسه : هيه ^^
حمده : اتعرفين ميثهـ الـ .. و شيخه الـ ... ؟ ربع دوم ويا بعض بس مش نفس الكلاس ؟
مياسه : ههههههههههههههههههههه شويخ فـ كلاسي !!
حمده : ههههههه والله ؟ ههههه هذيلا ربيعاتيه الروح بالروح على ايام الاسكول
مياسه : والله هههههه فنانات الصراحه
حمده : هيه هههههه


ويتمن يسولفن , وعقب يردن البيت تاخذ مياسه رقم حمده ... وع الساعه 8 المغرب
حمدوه ملاااااانه سارت اتيب لابتوبها عسب تيلس ع النت شويه , اتجرب اتجرب انها تدخل بس الواير لس هب طايع يشتغل شسالفه !!! وبعد تفكير عميق طرى عبالها
((سيف)) <<< اتخبلت ليكون سواها وسكر النت !


تمت امتنرفزززززه وملاااااانه شويه الا ام سيف نزلت من فوق


ام سيف : ها حمدايه تبين عشا ؟
حمده : لا !
ام سيف : شو بلاج ؟
حمده : ماشي !
ام سيف : لا فيج شي !
حمده : ها ولدج !
ام سيف : منو بعد ؟!؟!؟!؟
حمده : فد حد غيره ؟؟؟ حد امطفرنا فالبيت غيره ؟؟؟؟
ام سيف : رمسي قولي شو مستوي ؟
حمده : سيفوووه الزفت شكله امسكر النت عسب سعود مايدخل انزين انا شلي (امعصبه)
ام سيف : صدق هو العود الفاهم , الله يعلم انتو شو اتسون من ورى هالشاشه ! اصلا كل الخراب من ورى هاللي اتسوونه ومايندرى اترمسون منو !!!



حمده بطلت عينها وحلجها هاي شو اتقووووووووول .. ام سيف من النوع اللي كلمة اتوديها وكلمه اتردها عاد سيف ولدها العود وملتزم اكيد بتصدق كل كلمه يقولها


حمده : شو اتقوليييييييييييييين انتي ! يعني العود خلاص هو الصح ونحن الغلط !
ام سيف : هيه هو صح سيف عمره ماغلط
حمده : اوكي اوكي عمره ماغلط خلج خلج خلج انتي خله يمزر راسج هالهرم





وعلى طوووول حمده سارت حجرتها وتمت اتصيييييييييييييييييح ليش رمست امها بالاسلوب ومقهوره من رمستها لان دوم جي اتعاملها من بغت شي قالولها انتي غلط وماادري شووو , تمت طايحه ع الشبريه حمده وتصييييح ومن القهر والضيج رقدت والساع كانت تقريباً 9:00 ...

ع الساعه 10:00 راني دقت حجرتها بس حمده مادرت عليها لانها راقده
سارت البشكاره عند ام سيف اتخبرها ان حمده ماترد , ام سيف نشت روحها وسارتلها الحجره , بطلت الباب الا تشوفها راقده حست انها زعلت من رمستها ودوم ام سيف اتعق عليها رمسه وعقب تتلوم , سكرت الباب وطلعت .. وع الساعه 11:30 ام سيف اترقد خلووف , والكل طبعاً راقد لان باجر دوامات .... وع الساعه 2:00 حمده وهيه تجلب نشت وحست بصداع فضيييييييييييييييييييييييييع >> راقده ع صياااح وضيج ياها صداع صدت ع تيلفونها لقته مغلق !! نشت وشغلته شافت انه مافي جرج حطته فالجراجه وشغلته شويه الا يوصلها فوووق 9 مسجات
مس كولين عفاري
ومس كول رقم غريب
ومس كول جاسم ولد خالتها
و 5 مس كولات محمد !

اتنش تتصل فـ عفاري ...


عفــاري : دبوووووووووووووووه
حمده بصوت بـه بحه : الوووو
عفاري : حمدوه شو فييييج ؟
حمده : ماشي عفاري , بغيتي شي ؟
عفاري : حمدوووه شو فيج ؟ صوتج مول هب طبيعي !
حمده اتصيييييييح !
عفاري : بسم الله عليج شو يااااج ؟؟؟؟
حمده : ماشي ماشي عفاري بسكر اوكي ؟
عفاري : لا ويت ! حمدوه فديتج شو فيج ؟ محمد قالج شي ؟
حمده : جان زين جان مالقيتي هاي حالتي
عفاري : عيل منووو ؟؟؟؟؟؟ سيفووو ؟
حمده تمت اتصيييح : في حد غيره يا عفروه في حد ؟ طفربي والله بسوي شي بعمري منه اخر شي
عفاري وهي معصبه : بتصفعيييييييييييين غبيه انتي غبيه !
حمده : والله ياعفروه تعبت منه اتخيلي داهن سير امايه , لو تسمعينها شو اتقول بتيودين راسج ( اتخبرها حمده بالسالفه وشوقالتها امها )
عفاري : شــت ! حقير والله ! , ماعليج منه فديتج كل ام جي والله ياحمدوه هب بس امج كلهن جي , من خوفها عليج صدقيني

تــــابع ..



حمده : شي مليون طريقه مليار اسلوب حلو تقدر اترمسنيه فيه هب اتي واتقول انتو ماادري شو اتسوون ! عفاري كأنها مش واثقه فيه انا مااحب جي والله ليته ابويه هني جان ماتجرؤ وقالو وسوو اللي سوه
عفاري : ماعليه فديتج اتحمليهم هب اول مره جي يسووبج



تمت اترمسها شويه واتحاول عفاري اتخفف عنها


حمده : عفـاري باجر بتين بيتنا تفهمين ولا لا =(
عفاري : ان شاء الله فديتج بحاول
حمده : لا اكيد والله مليت وماابا ارمس امايه انها اترمس اختج اباها اتشوفج وتذكر السالفه وتتصلبها
عفاري : ان شاء الله , انزين يا آنسه حمده انا بسير ارقد ورايه دوام باجر
حمده : اوكي برايج عيل =(
عفاري : لاتضايجين حمدوه ادريبج بعدج مضايجه بس والله الوقت تأخر ولازم ارقد ولا الود ودي اسهر وياج
حمده : لا تفكرين فيه برايج ارقدي متعوده يااختي


توت توووت <<< الخط يرن ( جاسم ع الخط ) ..


حمده : يالله عيل برايج جسوم ع الخط
عفاري : جسوووم هااا , هااا .. ماشاء الله سوالف نص الليالي اشوف ؟
حمده : والله انج متفيجه انتي , وبعدين شو يعورج انتي ؟ ولد خالتيه وكيفي
عفاري : هههههههههههه عنلاتج اوكي سلمي سلمي خخخخ
حمده : جلبي ويهج واصطلبي لانه ها مول مول مابينفعج
عفاري : كيكيكي ليش ؟ انزين اسولف يالله باي


اترد حمده ع الخط ..


جاسم : بعد ليش راده عمتيه حمده ؟
حمده : شو تبا خلصني ؟
جاسم : اترمسين منو ؟
حمده : انته شو تبا ؟؟؟ شو يخصك انته ؟
جاسم : افا انا جااااسم ولد خالتج !
حمده : انزين شو تبا انته الحينه ؟
جاسم : انتي شو بلاه حسج مريضه ؟
حمده : هيه مزجمه شوي ..
جاسم : سلااامات حبيبي مو على بعضك سلامات
حمده : اوهووو جاسم والله ماليه براض قول شو عندك ؟
جاسم : هههه ماشي والله داق اسولف واسأل عن ابوج وصل ؟
حمده : لا بعد اظنيه قالت امايه اليوم ع الساعه 6 او 5
جاسم : زين زين عيل العشا نحن عندكم ان شاء الله
حمده : حياكم الله ..
جاسم : انزين يالله فديتج جلبي ويهج لان الحب ع الخط
حمده : منو مهاااري خخخخخخخ
جاسم : هههه لا اميه مااعرف شي عنها هاي من عقبج
حمده : هههه انزين برايك يالله باي
جاسم : جاااووو



واتسكر من عنده واترد اتحط راسها .. اتفكر تتصل فمحمد ولا لا فخاطرها اترمسه وماتبا اترمسه فـ نفس الوقت لان بيسألها ليش كان مغلق و شو بلاج و و و و ... عقب اتنش تتسبح وانزل تحت اتحس انها يوعااااانه اتسير تتصل الكافتريا وتطلبلها وجبه وتيلس فالصاله تطالع التلفزيون ... وعقب ربع ساعه يوصل راعي الكافتريا تطلعله حمده تاخذ الاكل وتسير تاكل وتطالع التلفزيون

3:00 سيف ينزل من فوق ويشوفها يالسه فالصاله


سيف : انتي ليش هب راقده !!!
حمده بصوت واطي : انته شلك
سيف : سيري سيري ارقد
حمده : مابا هب غصب !!
سيف : لا غصب
حمده : لا والله هب على كيفك !
سيف : والله انيه مستعيل ولا كنت بعلمج انه كيفي ونص
حمده تسكت عنه عسب مايكبر السالفه ..


يطلع سيف >> شكله كان ساير المطار يتريا بو سيف , حمده اتفر حمده الاكل الي فأيدها من القهررر ومن الضيج اللي كان فيها الضيج استوى ضيجين واتمت ادمع حمده


واتقول فخاطرهـا :
آآآه والله بتخبل من هليه طفروبي اكررررررهك يا سواف والله اكرهك وهيه اتصيييييييييييييح فحياتي ماشفت ام شرات هالام اتشك فـ بنتها وانا احاول اكون طبيعيه جدامها واحول كثر مااقدر ايلس وياها عسب ماتحس بشي طفرت والله ..

ومررررره وحده مكالمه تقطع كل اللي فخاطرها
محمد يتصلبهـــا ...

حمده تمسح دموعها ! .. متردده اترد ولا لا ... قالت حرام اكيد يحاتيها .. واترد عليه



محمد : ...................................
حمده بنبرت حزن : الوووو
محمد يصارخ : حمدوووووووووووووه وييييييييييييييييييييينج ؟؟؟؟
حمده : محمد فديتك لاتصارخ راسيه يعورنيه بموت
محمد : سلااااااااامتج حبيبي فـيه ولا فيج شووو بلاج وينج ليش ماتردين عليه ؟
حمده : الله يسلمك وبسم الله عليك فعدوينك ان شاء الله ... اممم ماشي
محمد : حمدوووه قوليله شو فيج ؟؟؟؟
حمده : امزجمه
محمد : بسم الله عليج اليوم الصبح انا امرمسنج ومافيج شي !
حمده : ........................... << ماتعرف شو اترد عليه
محمد : حمدوه قوليلي شو فيج والله بديت احاتي ؟!!!
حمده اتصيييييييييييييييييييييييح
محمد انصدم ! : حمده ! حمده حبيبي حمدوه استهدي الله شو فيج ؟
حمده : ملييييييت والله ملييييت طفرررررت واتصييييييح
محمد : ياااميه استهدي بالله وخلينيه افهم شسالفه ؟
حمده : محمد بموت
محمد : يالحيوااااااااااااانه لاتقولين جييي :@
حمده : لاتلومينيه والله من القهر والضيج
محمد : انزين ممكن تذكرين الله ؟
حمده : لا اله الا الله ..
محمد : ممكن اتسيرين تغسلين ويهج ؟
حمده صووته واايد متغير : مالي بارض محمد والله مالي بارض
محمد : عشان خاطري حمدوه ؟
حمده : اتنش واتسير تغسل ويها
محمد يبا يضحكها : ايييه دخلتيني فالحمام ! عييييب
حمده : سوري <<< مول هب ماتفيجه لـ سوالفه
محمد : حبيبي اضحكي عاد .... انزين خبرينيه شو السالفه ؟



حمده اتخبره بالسالفه ونفس الوقت اتصيح ويسكتها محمد


محمد : لا حوله ولاقوة الا بالله ! ... ماعليه حبيبي امج حرمه عوده وكل العيايز جي
حمده : مهما يكون بس ماتعق عليه رمسه جي !
محمد : ماعليه فديتج اذكري الله وماحصل الا الخير
حمده : والله انيه اتريا ابويه يرد والله هب ساكته تتحرانيه مابخبره عن اللي يسويه فيه ؟
محمد : حبيبي حمده اي واحد مكان اخوج بيسوي اللي ايسويه ..
حمده : هب جي بعد توه اونه نازل يقوليه ليش واعيه ! هو شـله ليش يدخل ؟ حتى فرقادي ؟؟؟؟؟؟؟؟
محمد : ماعليه فديتج هالاشياء اتصير فـ كل بيت ولا تكبرين السالفه وماله داعي اتخبرين ابوج
حمده : لا والله بخبره ="(
محمد : ماعليه هدي اعصابج انتي الحينه المفروض تستانسين ابوج بيرد اليوم
حمده : فدييييييته والله الله يطول بعمره والله اني بدونه امووووت
محمد : اميييين و وبعدين مره ثانيه لو مضايجينج لاتغلقين تيلفونج تفهمين ولالا ؟
حمده : ماغلقته محمد , ماكان فيه جرج ..
محمد : جرجيه عدل مره ثانيه
حمده : ان شاءالله ..
محمد : احبـج حمدوه لاتضايجين فديتج والله انه قلبي اتقطع يوم سمعتج اتصيحين
حمده : ...................................
محمد : والله لو انا عدالج جان ماخليت دمعه تنزل من عينج فديتج انا والله ..
حمده وهيه تدلع : محد حاس بقدري غيرك حمود =(
محمد : ههههه يالله بدينا بالخقه
حمده : لا والله مش خقه بس صدق وان شاء الله ماتتغير
محمد : ان شاء الله حبيبي .... اتعشيتي ؟
حمده : هالحيوان سد نفسي كنت تونيه باكل غثنيه الهرم
محمد : يالله انزين فديتج كلي لج شي وامزري بطنج
حمده : ماابا
محمد : واذا قلــت عشاني ؟
حمده : بشرب العصير بس لان الاكل برد ومااحبه هو بارد
محمد : انزين سيري حريه
حمده : مابا مابا
محمد : خقاااقه وحده
حمده : ههه مايخصه
محمد : انزين حبيبي يالله اشربي العصير وسيري فوق انا بتسبح وبرد ادقلج
حمده : لااااا بتريا ابويه بشوفه ابا اسلم عليه
محمد : حبيبي ابوج راد تعبان واذا شفتيه مابتخلينه يرقد ان شاء الله بتشوفينه باجر
حمده : اممممممممممم اوكي
محمد : يالله فديتج عطيني ربع ساعه وبرد اكلمج ..
حمده : اوكي لاتتأخر لانيه امصدعه وابا ارقد
محمد : من عيوني حبيبي
حمده : يالله باي
محمد : باي حبي




اتسكر عنه واتم تطالع التلفزيون اتجلب فهالقنوات وعقب ربع ساعه يرد يتصل محمد



محمد : الووو
حمده : هـلا
محمد : ها وينج ؟
حمده : تحت
محمد : هاللي اتقولي بسرعه ولا تتأخر وبعدج تحت !!!
حمده : هههههه شفت اغنيه راشد الماجد نسيت الدنيا
محمد : لااااا ؟؟
حمده : هيه والله اتخبل عليه
محمد : ..................................
حمده : اقصد على اغانيـه احم
محمد : لا لا تتخبلين عليه
حمده : ههههه لا اقصد صوته واغانيه حلوه
محمد : يبالج ضرب قسم بالله
حمده : هههه حراام عليك
محمد : يالله انزين يالله بسرعه اشوف جدامي سيري فوق ولاترمسين وايد
حمده : ان شاء الله ان شاء الله عمي محمد .. اوامر ثانيه ؟
محمد : انتي سيري الحجره وبنشوف شو اخرتها ويايه ههههه
حمده : هههههههههههه لا والله ؟
محمد : لاترمسين وايد يالله جدامي
حمده : اوك يالله سكر برد اتصلك
محمد : لا بتم وياج ع الخط
حمده : افففففففففف انزين
محمد : اففف ؟؟؟
حمده : ههههههههه اسفه اسفه
محمد : اوقفي مكانج !!!! ( عقوبه )
حمده : ههههههههههههههههههههههههههه والله وقفت
محمد : منو فالبيت ؟
حمده : كلهم بس الكلب محد
محمد : انزين كلهم رقود صح ؟
حمده : هيه !
محمد : انزين يالله قولي ( انا آسفه عمي محمد آخر مره وانا احبك وانا حماره ) 5 مرات
حمده : هههههههههههههههههههههههههههههههههههه مابا والله مابا هههههههه
محمد : حمده قولي انا جاااااد لا تخلينيه ازيد العقوبه
حمده : هههههههههههههههههههههههههههههههههه ايييه لاتخبلبي حمود
محمد : مااخبلبج يالله قوللللللللي

تــــابــع البــارتـ الــ7





حمده : ههههههههههههههههههههههههه انزين
انا آسفه عمي محمد آخر مره وانا احبك وانا حماره
انا آسفه عمي محمد آخر مره وانا احبك وانا حماره
انا آسفه عمي محمد آخر مره وانا احبك وانا حماره
انا آسفه عمي محمد آخر مره وانا احبك وانا حماره
انا آسفه عمي محمد آخر مره وانا احبك وانا حماره
هههههههههههههههههههههههههههههههههههههههههههههههههه ههه
محمد يصفقلها : شطووووووووووره يالله بسرعه ع الحجره
حمده : ههههههههههههههههههه حمار
محمد : ها , ها ماسمعت ؟
حمده : هههههههههههههههههههههههههه سلامتك والله سلامتك
محمد : اتحرى بعد


تدخل حمدوه حجرتها , وتسكر الليتات واتشغل الابجوره , والحينه حمدوه تبا اتبدل بس مستحيه اتقوله ...


حمده : حموود
محمد : عيوون حمود
حمده : تسلملي عيونه انا والله , برد اتصلبك اوكي ؟
محمد : لييييييييييييييييييش ؟
حمده : ههههههه والله ثواني
محمد : انزين ليش حبيبي ؟
حمده : امممممممممم ببدل
محمد : ايييه عيب !
حمده : ههههههههههههههههههههههه انزين شو قلت انا ؟
محمد : اوكي سيري بدلي وخلينيه ع الخط
حمده : لا حوووووووووول
محمد : بعد بعد اتحرطمتي ؟
حمده : ههههههههههههههههههه ماقلت اف انزين قلت لاحووول
محمد : سيري بدلي بسرعه ولج عقوبه عقب ماتردين
حمده : ههههههههههههههههههههههههههههههههههه طفرتبي تراك ويا هالعقوبات
محمد : لا والله ؟؟؟؟ اشوف طالت وشمخت قمتي اطولين لسانج يامسودة الويه
حمده : ههههههههههههههههه انا اسفه اسفه عمي محمد اسفه


اتسير حمده اتبدل وتغسل ضروسها وترد ..



حمده : الووو !
محمد : همممممممم
حمده : حمود رقدت ؟
محمد : هيه حبيبي تعبان
حمده : انزين يالله عاقبنيه هههه
محمد : ههههههههههههههههههههههههههه فديت قلبج انا والله عسل عمري ماشفت وحده بطيبتج اتذكرنيه انها معاقبه هههههه
حمده : ههههههههههه فديتني والله و بس خفف العقوبه لانيه ذكرتك
محمد : اممم اوكي , قوليله اي شي فخاطرج ؟
حمده : واااااااااااااايد اشياء فخاطريه حمود
محمد : اوكي يالله خبرينيه
حمده : اممممممممم .. انا احبك وايد , ويوم عن يوم اتعلق بك زياده واتمنى انك ماتودرني موووول حمود =(
محمد : وانا اقولج دام الله عاطنيه عمر بقزره كله لـ رضا ربي وهليه ولج انتي بعد شو تبين ؟
حمده : ابا اصيييييح =(
محمد : لييييييييييييش ؟
حمده : كلامك حلو ويصيح
محمد : هههههههههههههههههههههههه فديتج انا
حمده : محمد والله صدق يوم عن يوم احس استويت انته شي مااقدر افارقه مول
محمد : والله يو تو حبيبي .. اموت فيج احبج احبج يا الحماره
حمده : هههههه انزين حماره ليش ؟ تونا حلوين
محمد : عطينيه بوسه حمدوه ؟
حمده : مااسمع مااسمع يقطع ماشي ارسال
محمد : ههههههههههههههههههههههههههههههههههههههه فديت النذله انا
حمده : هههههههههههههههههههههههههههه


واتمو يرمسون بعض وكل واحد يعترف لـ ثاني عن حبه وانهم مايقدرون يفارقون بعض ويوم وصلو حدهم ....


حمده بصوت واااطي : حبيبي
محمد : ....................... هـا
حمده : يالله فديتك سكر ارقد وفر السماعه لانها بتعور اذنك وراك نشه الصبح !
محمد : لا مابا داوم باجر مالي بارض
حمده : انزين حبيبي يالله فر السماعه وارقد
محمد : اوكي حياتي وعيتنيه حق الصلاه
حمده : حط المنبه لان هالوقت بيكونون رادين ابويه وسوالف ومافيه فديتك
محمد : اها اوكي خلاص عيل
حمده : لاتزعل حياتي
محمد : لا فديتج هب زعلان .... احبج
حمده : انا اكثـر حبيبي .. يالله مع السلامه
محمد : باي حبيبي ..



واتسكر من عنده واتحط المنبه ... وع الساعه 5:10 يرن المنبه واتنش حمده تتوضا وتصلي وهيه اتصلي حد دخل عليها بس هيه طبعاً ماشافت منو لانها كانت اتصلي
طلع ابوها ( ابتسم لانه شافها اتصلي وطلع ) ... وعقب ماخلصت حست انه كان ابوها
طلعت وشافت ام سيف وبو سيف فحجرتهم وباب الحجره مفتوحه




حمده : وانا اقوول شو السالفه الفير وشمس ؟! ثره نور البيت وصل
بو سيف : هههه هلا بـ غناتيه والله
تلويه عليه حمده : والله اتولللللللللللهت علييييك ابويه
بو سيف : اتولهت عليج العافيه فديتج
حمده : الحمدالله عالسلامه مابغيتو تردون
بو سيف : الله يسلمج بنيتيه ..


اتم اتسولف وياه شويه وعقب تطلع عسب يرقد لانه راد تعبان , اتسير اتحط راسها وقبل لا ترقد
طرشت مسج لـ الحب : [ حبيبي انا مستانسه وايد , ابويه وصل بالسلامه] واتحط راسها وترقد ..



واليوم الثاني طبعا الكل فالداوم وحمدوه راقده وع الساعه 1:00 اتنش حمدوه
واتشوف ابوها برع واقف ويا الزراع ...



حمده : ابويه !
يدخل بوسيف داخل : ها بويه
حمده : رديت رديت الحينه عشان اتجابل عيالك ؟
بو سيف مستغرب : منو عيالي ؟؟؟
حمده : النخيل والزرع !
بو سيف : ههههههههه هيه اتولهت عليهم
حمده : يوم اقول عيالك حشى متوله عليهم بعد !
بو سيف : هههه هيه وين امج ؟
حمده : ماادريبها <<< اتقولها بطريقه انه مش عايبنها
بو سيف : وليش يعني جي اتقولينها ,, ماادريبها ؟



كتـكوتـ <--- كت دلوعــي خخخ