++.:.{سوالف البنات في الحصص }.:.++

بسم الله الرحمن الرحيم

حبيت انقلكم هالموضوع عشان نعيد ايام المدارس وبلاويها
الله يامحلاها من ايام

اول ما تبدا الحصه
.
.
.
(((( ابلة ما فهمت الدرس ))))
اكيد ما فهمتيه هذا من الهذرة والسوالف والابتسامات والسرحان والضحك
بالحصة
.
.
.
(((( ابلة .... ممكن اسير الحمام ؟؟؟؟؟))))
يعني ما افتكرتي السيرة الا الحين ........ بعد الحصة سيري .. انتم
شرات الاطفال سايرين رادين
ع الحمام.
.
.
(((( ابلة ممكن تعيدين اللي قلتيه ما سمعته ))))
اكيد ما سمعتي ..... انتي واللي عدالج بس بتسولفون ...... شقايل
بتسمعون ؟
.
.
.

((((ابلة ممكن اشرب ماي ؟))))
يعني ما صرتي عطشانة الا الحين ..... احسن تمي عطشانة عشان ما تسولفين
وتتكلمين
.
.
.
(( ابلة منهجنا صعب ...... خططيلنا على الكتاب))
من قبل الابلة 3 ردود
اول شي ؟؟؟؟؟؟؟؟؟؟ اخططلكم ؟؟؟ اطفال انتم ؟؟؟؟؟
ثاني شي انتم صرتوا
كبار ........ بصف (...) لازم تخططين بنفسكم
ثالث شي ما في تخطيط .... كل شي معكم احفظوا
.
.
.
(((( ابلة دفتري ضايع ....شو اسوي ؟؟؟))))
في هاي الحاله المعلمة ترد عليها
الرد الاول : هاه ... نعم ؟؟؟ وش تسوين ؟؟؟ شو رايج اسير بيتكم و
ادوره؟؟؟ الا انتي دوريه وانا شو ذنبي إذا ضاع ؟؟؟ انا الي ضيعته
؟؟؟
الرد الثاني : لالا ... الحمد لله ... ما عندي دفاتر بمكتبتي انا
أرسلتلكم كل الدفاتر ذيك المره
الرد الثالث : ترى ان ما حصلتي دفترج ... بتعيدينه كله من اول
ويديد
.
.
(( بنت تمسح اللوح .. وبعد ما خلصت ....ابلة ممكن اغسل ايدي )))
انا اعرفكم يا بنات ....تبون تتهربون من الحصة لا يا حبيبتي ما في
طلعه خذيلج منديل
.
.
.
(((( ابلة... الجو حار شوب ما نقدر نستوعب ..... المكيف خربان))))
و شايفيني انا المصلح اللي يصلحلكم المكيف ؟؟؟ سيروا الادارة
وقولولهم ...يلا لا تضيعين حصتنا
.
.
.
(((( ابلة شي نمله تحت الدرج )))
اصلا النمله تخاف منكم ... يلا بلا تضيع وقت .. خلونا نكمل شرحنا
بس عشان نمله صغيرونة مسويين قصة
.
.
.
((ابلة الجو حلو ممكن نفتح الدرايش ))
انتم ما تبطلون الدرايش الا عشان تتفرجون على الرايح واللي ياي ..
ما بتبطلونهن.
.
.
((( ابلة... الشمس على عيوني ممكن نسكر الستاير؟)))
خلوها احسنلكم الشمس مفيده لكم
.
.
.
(( ابلة... صراحة .... الامتحان كان وااايد صعب))
سكتووووووووووا ما في حد طلب رايكم.
.
.
(( في حصة فراغ ... ابلة الله يخليج .. طلعينا بره))
ميننونة انا اطلعكم ؟؟؟ عشان تسوون ازعاج تزعجون الصفوف بعدين
المديره تذبحني.
.
.
((( ابلة انا تعبانه .... وديني عند المشرفه )))
ما عليه ... لاتشاركين معانا ... بس اسمعي او حطي راسك على الدرج وخدي غفوه ونامي
الطالبه بتسئل
سؤال بسيط :ابلة بندرس من الدفتر ولا من الكتاب؟؟؟
تتحول ملامحها المعلمة الى شر وتقول من الاثنين.
.
.
(((ابلة ممكن نبطل الباب ؟؟؟))
لا عشان تتطالعون ع ربيعاتكم و حبيباتكم خليه امسكر عشان تتنتبهون للدرس.

ان شالله عيبتكم<<كل هالبلاوي اكيد مسوينها في المدرسة>>

..
اختكم ...~{نفحة العود..،